دووم احط اساله للبنات واليوم يا دور الشباب واتمنى انكم تجاوبون بصراحه . . .

- في البداية ارحب فيج اختي ( قد الحــب ) .. وان شاء الله اكون صريح مع نفسي قبل لا اكون صريح مع الغير ..


ليش الشباب هاي الأيام مطولين شعورهم ؟! يا كثرة الشباب اللي نشوفهم في الأسواق ؟

- تبين الصراحه وانا اكلمج كشاب الحين .. بعضهم مااخذين الأمر عادي .. وبعضهم عشان البنات .. ( خقه يعني ) .. ولكن انا على ما اعتقد انهم لم بفطنوا لحديث الرسول .. بس مربيين شعورهم وخلاص .. ولكن تربية الشعر مب عيب لأن الرسول صلى الله عليه وسلم كان ذو شعر اسود كثيف ..

أوكيه في مرة و إنت تغازل بنيه هزأتك جداام الناس و شو شعورك و إنت تتهزأ ؟؟!!

- الحمد الله ولا مرة تهزأت من بنت في مكان عام .. لانه انا شعاري كما تدين تـدان .. لا سمح الله انا اتحرش في بنات الناس .. وفي يوم من الايام احد يتحرش في اختي او احد بناتي مستقبلا .. ( احترامك للغير يجبر الغير على احترام ) ..

و الشباب اللي بالأسواق و هم بالسيارة مشغلين على الأغاني ولا بعد فاتحين الدرايش شو الهدف ؟؟ ممكن نعرف ( .. والله اليوم كنت بالسوق واحد مطول على الاغاني ونزل من السياره وخلا الاغاني شغاله انزين ياخي مسوي تلوث سمعي لنا وعاد من زين الاغاني اللي محطنها ) .. ؟

- دام انج قلتي صراحه .. بعض الشباب طموحه وموته انه يسمع اللي حذاله فالسياره شو يسمع .. ويتعمد انه يعلي عليه .. انا ما أنكر اني كنت اسمع ولكن بالبصوت المعقول .. 12 V اقصى شي .. والأغلبية يتعمد يعلي عليه اذا شاف بنت .. او مجموعه بنات .. ( والله يهدي الجميع ) .. !

هل عندك إيميلات بنات في المسن ؟؟؟؟

- دام انج قلتي تبين الصراحه وانا وعدت نفسي اكون صريح .. في البدايه كان عندي ايميلات بنات .. ( فترة مراهقه و الثانوية ) .. ولكن من دخلت الحياة الجامعية وسافرت أمريكا .. حذفت كل الأميلات وما بقى الا أميلات الأهل من البنات ..

ليش شو الفايدة ؟؟؟

- تبين الصراحه احنا ذبحنا التقليد الأعمى نشوف هذا سوى سوينا نفسه .. هذا عنده ربيعه انا بعد بتعرف .. والله لو كل شخص يشل من راسه ها الفكرة .. ( الدنيا في سلام ) .. هل عندك أرقام بنات في تلفونك ؟؟؟؟

- الحمد الله غير ارقام اهلي ما عندي بنت من OUT FAMILY.. ومسكينات ينعدون بالاصابع .. اللي عندي من اهلي .. ! ( باستثناء ام العائلة اللي سكنت وياهم يوم كنت ادرس برى ) .. لاني ناوي ارد واكمل ماستر ..

كيف البنية تكبر في عين المراهق ؟؟؟

- والله تدلع عليه توهمه بأشياء هو يبيها .. تحاول تغيب عنه فترة بقصد وبدون ظروف .. عسب يتعلق فيها أكثر .. يطلب منها اشياء تلبيها .. > ادري تقولين بسرج الحين خبرة الأخ .. ! بس ترى نقرى ونسال الاكبر عنا ..

تحس عمرك محبوب بين أعضاء المنتدى ؟؟

- هذا الاحساس الاعضاء اللي يحسونه تجاهي ... ولكن انا الحمد الله مرتاح للكل واعتبرهم بحسبة اخواني وخواتي .. !

أوصف شعورك ؟؟؟

- حرام احس اني بكرسي الاعتراف > اللي فمحاكمة صدام !

هل تعيش قصة حب الآن ؟؟؟!!!

- الصراحه انا اعيش قصة حب من طرف واحد .. ولكن مشكلتي انا اللي ما ابادل نفس الشعور .. واحس اني ظالم الشخص هذا وياي .. لاني دوم اسمع يتكلم عني ويسال عني ولكن انا ما ابادل نفس الشعور .. وكل ما يخبروني عنه انه قال عني جيه وجيه .. اطنش ولا كأني سمعت شي .. ولين الحين ما عرف اي سبب ليش انا اسوي جيه .. !

هل خطبت في حياتك ورفضتك البنيه ؟؟؟

- لا ولا مره خطبت وانرفضت .. ولا مره فكرت بالزواج لين الحين ..!

و هل لو خطبت بتخطب البنات اللي تعرفهم ؟؟؟ ونبغي نعرف السبب ؟!!

- الزواج قسمة ونصيب .. ان قدر الله اني خطب اللي احبها واعرفها .. دون ما حد يخطب لي .. فالله الموفق وبيده ارزاق الناس .. وان كان النصيب من الأهل فهو الرزاق .. وان كانت الخطبة من صوب اهلي يعني اهلي يختارون لي فهو الرزاق ..

هل تشعر بالفراغ العاطفي ؟؟؟

- اشعر بفارغ عاطفي الصراحه .. ولكن الله معوضني فيه .. بأختي الصغيرة اللي أموت فيها وما تفارقني بكل صغيرة وكبيرة .. !

و هل حققت هدفك بالحياة ولا لا ؟؟؟

- هدفي مرضاة الله سبحانه .. ومرضاة الوالدين .. ومن ثم مرضاة الناس .. ولو انه ارضى الأوادم كلها مستحيل ..!

كم تقرأ من القرآن في اليوم ؟؟؟

- أقرى القرآن على فترتين ولكن مب يوميا .. مرة بعد صلاة الفجر وبعد صلاة المغرب بساعه .. لانه مرات يصادف الشفت عندي فما اقدر .. !

في النهاية أشكر قد الحب ع الموضوع (( إن اصبت فمن الله وان أخطاأت فمن نفسي والشيطان )) ..

>> اتمنـــى مشاهدة صراحه البنات في موضوع خاص ونفس الأسئلة المطروح أن أكمن << .. لكي يكون للصراحه فصل ثاني ..

لج خالص الاحترام والتقدير .. موفقه بإذن الله ..