سلام عليكم اخوي
بس حبيت اتفسرلي هالحلمين لو ما عندك مانع
خالتي حلمت انها كانت فكربلاء و كانت تشوف الشيعه و هم يضربون اعمارهن و خالتي حاولت تركض
و يوم كانت تركض كانو حصانين يلحقونها و عقب وهي تركض شافت رياييل سكارى و سارت عند ريالين عسب
تسألهم عن طريج البيت و عقب فجأه شافت عمرها يدام عربانه و كان فيه ريال فيوم سألته عن الطريج طلب منها
انه تعطيه شي عسب يدلها و هي ردت عليه انه ما عندها شي ابدا فقال لها روحي بين السكك و عقب روحج بتعرفين الطريج
و طبعا تمت تركض و فالاخر وصلت البيت و دشت البيت و انتهى اول حلم
لون الحصانين : ابيض و اسود
و حالتها فالحلم : كانت تصيح و خايفه
وقت الحلم :3 ونص
والحلم الثاني .. حلمت انها كانت يالسه و عقب دخل عليها ريلها و عطاها كيس و قال لها ها سمك مشوي
و عقب هي فتحت الكيس و كان ثعبان و هي تحسبت انه سمك و حطت لريلها و قعدو ياكلونه و عقب دشيت عليهم اختها الكبيره ألي هي خالتي الثانيه و قالت لها انج متلبسه و لا شو سالفتج كيف تاكلين ثعبان و هي يلست تقول لا ها سمك و عقب خالتي الكبيره مسكت الثعبان و تراوي لخالتي ألي كلت الثعبان راس الثعبان و عقب صدقت انه ثعبان و بعدين راحت و فرت الثعبان و فجأه الثعبان صار حي و طلع من الزباله و دش صوب كراسي صالتها و بس
لون الثعبان : اسود و مخطط
وقت الحلم : الساعه 5 الفجر
طريقة النوم : كانت نايمه على ظهرها
خالتي عمرها : 29
وحاله الأجتماعيه : معرسه بس هب مرتاحه من ريلها وايد
ترتيبها بين اخوانها : التاسعه
و عدد اشخاص فالحلم الثاني : 3
و ارجو تفسر هالحلمين اخوي بأقرب وقت و يزاك الله ألف خير
