أشكرك اخوي على الرد .. و انا معاك بالشي ان المسألة يبيلها تخطيط

بس لا ننسى ان نحن بعام 2007 .. و مب عام 1950

يعني بعض الامور تغيرت و ما صار الحلال في ها الشي .. و اني افره في الشارع ... لانه فيه شي اسمه حق عام ..

أي ان المواطن لازم يفكر في الحق العام قبل لا يفكر بحقه هو و حق الدبش اللي عنده ..

هذا تشويه للشارع و لمنظر المنطقه .. و اذكر قبل كم سنه البلدية اخرجت قرار بحظر تجول الحيوانات السائبة بس ليش ما طبقته ..

و عندي حل لتطبيقه .. و هي سهلة جدا

البلدية يوم تصادر الحيوانات السائبة .. الاهالي يحتجون و يحتشرون و يسوون بلبله هم بغنى عنها

ليش ما تفرض غرامات شهريه لكل صاحب هذي الحيوانات تسمح له بتجوال ماشيته في الشوارع

يعني شهريا تفرض لكل صاحب حلال غرامه قدرها 300 درهم لو أراد حرية حيواناته ...

ناتي لطريقة أدائها .. تصادر البلديه اي حيوان سائب و تضعه في حضيره خاصه .. و تعلن بهذا الشي ومن اراد حلاله يروح يراجع البلديه و يدفع و يكون عنده تصريح شهريا لها الشي

لاني متأكد انه بدون غرامه محد بيدس دبشه ... لازم فرض غرامات علشان الناس تعرف ان للحق العام دور في ها المجتمع و ليش حقوقهم فقط

و السموحه .. يمكن كلامي غير مفهوم و لا يمكن يكون ظالم بس انا مواطن اطمح لرؤية مدينتي جنة الامارات

العتيبي