المشاركة الأصلية كتبت بواسطة حلـآتي لـآ كنت أنـآ
هذا حلمي :
السلـــــــآم عليكم ....
حلمت قبل يومين ما اذكر متى اي وقت بالضبط !!!
حلمت انا كنا عند اخواالي و في بيت واحد منهم البيت اللي ام امي عايشه فيه و كاان عرس و امي اللي طبخت العيش و طبخت كميه كبيره و عقبها قالوا لها تزيد و زاادت و عقب رقدنا ,,, لين اليوم الثاني فالفير و حنا نفطر يانا يدي (( ابو ابوي )) و هم مبتسم او تقريبا كاان ويهه بشوش بس نظراته شوي غريبه و ياب لنا اكل صحن عصيده و قهوه مدري شاي و سلم (( طبعا كنا يالسين و هو انحنا على ركبه يلس و تم يسالمنا و هو يالس و حنا بعد يالسين )) على امي و تم يسالمها على الخد و وايد تأخر و هو يسلم عليها يعني واايد بوسها و عقب سلم علي و وااااااايد تم يبووس و انا تعبت ابيه يودرني ابي اكل من العصيده مع انا كلينا قبل براتا و تميت ابي اوخره بس مستحيه و عقبها امي قالت له بس البنيه تبى تاكل من العصبيده و انا يوم هو كان يسلم على امي خذت لي لقمه منها جاان انا عقب ما فجني استحيت واايد قفطت من امي و قلت لا لا منو قال اني ابيها اصلن شبعانه و عصبت فخاطريه واايد على امي و استحيت و ما كليت و تم يسولف فيانا و اعتقد لابس لبس ابيض ...
و عقب نشييييت و حالتيه كانت عااديه مستغربه و مستانسه بشوفة يدي فالحلم ....
امي : متزوجهـ / عمرها 39 / ربة بيت ...
يدي : متوفي من سنتين و 10 اشهر تقريبا ...
انا : عازبه / عمري 19 / يالسه فالبيت ...
و في نااس ظهروا فالحلم ما اذكرهم واايد و ما ظهروا واايد و كلهن من بنات اخوالي و اهل امي يعني و نااس ما اذكرهم واااااااايدين لانه عرس ربشه يعني ..
و السمووووحهـ منكـ ....
و هذا تفسيرك :
و هذا استفسااري :
ما فهمت يا شيخ اي وقت تقصد اذا قصدك على وقت السنه عندنا واقعيا و اي فصل احنا حنا دخلنا فبلاادنا فالشتاء ... هذا الوقت اللي تقصد و الحلم مثل ما قلت لك حلمته قبل يومين من ارسالي الحلم لك يعني فالشتاء و الله اعلم ان كاني حلمت عالساعه 3 او 4 قبل ما يأذن الفجر او 9 او 10مع حلم ثاني بس ما طلبت تفسيره لانه ما اعجبني و حسيته خربطه لان كان عندي ازعااج فالغرفه ..
و السمووحهـ منكـ ...
الصراحة اختي عن نفسي بعدي ما عرفت اذا نحن في فصل الشتاء او الصيف لانه عندنا الاربع فصول نشوفها في يوم واحد وبالامس كان الجو رطوبة وحر واليوم بالليل الجو حلو وبارد ويقولون انه الارصاد الجوية تتوقع انخفاض في درجات الحرارة او امطار يوم الخميس او الجمعة القادمين والله اعلم ...
ولكن عن التفسير وكما خبرتك سابقاً أن كان هذا الوقت من السنة يعتبر هو أننا ما زلنا في فصل الصيف فتلك الرؤيا او الحلم لا خير فيها ولذلك عليك أن تنفثي او تبصقي او تتفلي عن يسارك 3 مرات وتصلي ركعتين لله ولا تخبري احد بالرؤيا وأن كنا في فصل الشتاء فهي خير لك أن شاء الله ...
وعلى العموم استبشري وتفائلي بالخير لانه عندي احساس أن نحن في فصل الشتاء هذا والله اعلم ...
