السلام عليكم ورحمة الله وبركاته..

عندي حلم واتمنى انك تقدر تفسره لي...

حلمت اني كنت في بيت ابو زوجي عمي الله يرحمه.. وكان في ثلج ينزل... ولما طلعت من الغرفة كان حوش البيت مليان ثلج ابيض ناصع والجو برد وحلو.. وبعدين دخلت الغرفة شفت اخت زوجي قاعدة مع صديقاتها وطلبت منها جاكيت وجوارب.. فعطتني جاكيت بس كان صغير نوعا ما.. واشرت على جوارب موجودة في الغرفة وخذيتها بس لما لبستها كانت ممزقه من عند الاصابع... وقلت لها يعني عطيتيني زلاغ مقصوص ما ردت علي بس بحركة بسيطة عدلت من وضعية الجوارب فصارت عادية... وبعدين رحنا بالسيارة انا وام زوجي واخته الثانية علشان اجيب امي من مكان انا ما اعرفه... وصلت وقفت السيارة ودخلت لمكان مساحته كبيرة بس كانت كلها ماء وبعيد كانت امي قاعدة على كرسي خشبي نفس اللي في الحدائق بس كانت زعلانه ومنزله راسها... رحت عندها وسألتها ليش زعلانه بس ما قالت شئ... وجت معاي وركبت السيارة... وما اذكر باجي الحلم..

انا اسفة اعرف ان الحلم مخربط بس ما خلاني اسأل الا ان امي كانت زعلانه وشكل الثلج الابيض خلا عندي فضول...

وشكراً مقدماُ... واسفه على الغلطة ما كنت اعرف....



ام حميد...