بسم الله الرحمن الرحيم

السلام عليكم ورحمة الله تعالى وبركاته

هلاوغلا عليج السلام ورحمة الله وبركاته

عزيزي العزوبي عزيزتي العزوبيه

هلا والله ^^

شو رايكم في العزوبيه
العزوبية بالنسبالي لها وااايد تفاسير,,يعني لها محاسنها ولها مساوئها وانتي ما حددتي


هل من رأيكم ان العزوبيه افضل من الزواج ؟؟

شوفي شيختي,,عكثر ما اسمع عن بلاوي المتزوجات والخيانات من ازواجهم والغيرة والشك والخوف والتحكم وعقب سالفة الحمل والولادة ومسؤولية العيال وويع الراس وامجابل الريل والعيال ووو اقول العزوبية ارحم,,وساعات اقول لي متى بنتم جذا بليا مسؤولية وبليا اهتمام ريال من صوبنا ,,يعني الوحدة ساعاات اتحب اتشوف عمرها انثى واتحب تسمع الرمسه الحلوة و اتحس باللمسه الحانية انتي فاهمه علي؟؟بدون ما اتعمق بالموضوع اكثر^___^ياريت فهمتي,سبحان الله نحن أبناء آدم ما نقتنع من حالنا,,اذا كنا عزابية قلنا متى بنعرس واذا عرسنا قلنا الله يرحم ايام العزوبية,,يا اختي ما ترومين اتقولين هذا احسن ولا ذاك احسن,,هاي سنة الحياة وكل شي قسمة ونصيب فالنهاية
هل العزوبيه بالنسبه لكم راحه ؟؟
مممم ما جربت الزواج عسب اقولج العزوبية ارحم,,بس اقولج بالاخير الشاطرة هي الي تلعبها صح ,,والي تبا حياتها حلوة وعسل تراها بتعيشها أحلى ما يكون ولاّ الي اتحب النكد تراها هي الي خسرانة اسنين عمرها الي بتنقضي ويا الريل الي اختارها دون وبد باجي البنات

متى تشعر انك فعلاً تفتقد للعزوبيه ؟

اتوقع السؤال للمتزوجين
خاص للعزوبيات (هل تستمتعين بعزوبيتج؟ على حسب الايام ^__^أم تعدين الليالي والأيام لترتبطي بفارس احلامج؟ههههه ويا راسج عيب هالصورة الي حاطتنها..مافي بنت ما اتفكر بس الي راظي بقسمة رب العالمين هو الي مرتاح ولا بيقعد يحاتي هالايام ويعدها
وبعد الزواج تكتشفين انج لا استمتعتي بالعزوبيه ولا بالزواج هههههه الله لا قال ,,فال الله ولا فالج,,مثل ما قتلج اذا تبين حياتج حلوة تراج انتي تخلقينها مب حدن غير

فالنهاية اشكرج عهالموضوع الحلو^____^

باين انه بدايتج طيبة فالمنتدى وماشاء الله عليج حركية