المشاركة الأصلية كتبت بواسطة جويرية
السلام عليكم ورحمة الله وبركاته
هلا شباصة
بغيت اتخبرج .. انتي تقولين شاليهاتها خايسة
يعني تقدرين اتقولين عنها مقبوله أو لا ؟
خاطري نسير شاليه وسعره جي يكون معقول
لأن عددنا كبير و يبالنا ناخد شاليهين مب واحد
فإذا كانت مب لهالدرجة حلوة عادي مب مشكله لو تكون مقبوله أوكي
بقترح على اهلي نسير هالحديقة
شرايج فيها تستاهل نضرب خط لين الفجيرة عشان الحديقة وشاليهاتها
و الا ما تشجعيني ؟
و خبريني كيف شكل الشاليه .. عدد الغرف ووين مكانها ؟ داخل الحديقة ؟
يعني نقدر نطلع الحديقة في الليل مثلاً ؟ أو مثلا نطلع المياه الكبريتيه ؟
خبريني اكثر عن الشاليه و أكون لج شاكرة
الغاليه انا من سنين مآ سرت الشآليهات مآلهم يعني تقريبا 4 سنوات
بس انسير نسبح و نيلس اشوي و عقب نظهر مكآن ثآني
عســب جي مآ اعرف ....يمكـن بهذي الفترة عدلوها
و بالنسبهـ للحوض لها اوقآت معيـنهـ <<<مثل الي مكتوب بالصورة
و بالنسبهـ لاسعار الشآليهات من 150 شآليهـ صغير و 200 للمتوسط و 300 للكبيـر
و لا تسيــرين يوم الاحد الانها بتكون مســكرة <<<صيآنهـ
و الحديقة تفتح من 10 الصبح الين 9 المسآ
و المســـبح من 10 الصبح لين 7 المسآ
هو تسـتاهل انج اتخططيــن لرحلهـ و عقب اخر شي اتسيرون المسبح او العكس
يعني اول سيروا المسبح و بعدين سيروا البر و باربيكيو و حلاته الطبآخ برع البيت
بــس شي واايد شآليهات بالفجيرة و كلهم حلوين و شي منهم اسعارهم معقولهـ
انتي اخذي الاسآمي و اتصلي بهم و استفسري عن الاسعار و الغرف ...
شـي شآليهات وااايده ...
عندج فندق و منتجع رويآل بيتش بالفجيرة
هيلتون الفجيرة و الليله ب1100درهم
شاليهات العقة
ساندي بيتش
ميرامار
الضيآفه للشقق المفروشهـ
الديار للشقق المفروشهـ
ينابيع الامارات للشقق المفروشهـ
منتجع جال جريب من روتانا الفجيروة و ميرديآن
و اذا بغيــتي اي شــي مآ يردج الا كيبوردج الغاليه
و السموحه ع التآخيــر
رد مع اقتباس