هذاك وقتن ماعلى الناس تكليف
على جداد الغيد عقب الخرافي
مغزاه بعد سهيل مع دلة الكيف
والطير مركوزن به الريش وافي
باول خيور الوسم مع باين الطيف
...يوم السحايب بالمناشي وقافي
وبوادر الباذر بشاير على الريف
صارت على الصقار وقت متشافي
يدور بالوديان بين المشاريف
ناوي على خربن بروس الشعافي
اليا تكوبر كافخ الطير ثم ليف
بدا بسطه بالكفوف الصلافي
اليا تماكن خلصه دون تصنيف
والابسيح الدم ولاهي حسافي
يكفيه ظفر الطير في خربن مخيف
والا الغنيمه ماعليها اختلافي