المشاركة الأصلية كتبت بواسطة المتفائله خيرا
بسم الله الرحمن الرحيم
السلام عليكم ورحمة الله وبركاته
اللهم اجعله خير
رايت اني كنت في بيت خالي جالسين بالحوش كنت انظر للاختي (متزوجه)في الداخل وهي ترقص لاعلم هل هو زواج ام حفله وكنت اقول لاختي اللي جالسه جنبي (غير متزوجه) شوفي كيف كان وجها جميل قبل عشر سنين اعتقد ورحت عملت اندومي وجلسنا ناكل منها انا واختي بعدها قلت لاختي نحنا اشترينا لهم الاندومي ب 15لريال هم عادي لو ناكل حتى لو خلصت وهم اشترو برضو كاننا اشتريناها وكنت اقول هذا الكلام اناو اضحك بيعدها جات بنت خالي اللي جالسين في بيتهم واكلت معانا وبنت اختي طفله ولمن قربنا ننتهي من الاكل مدت يدها الطفله في الصحن بعدها قلت لاختها اللي اكبر منها انتو في البيت اكيد تعمل معاكم كذا لازم تعلمونها تحترم اللي ياكل معها بعدها كاننا كنا انا وبنت خالتي واقفين عالرصيف عالشارع كانت بنت خالاتي لابسه بنطلون وبلوزه وجاكيت كرفته ( بالحقيقه تلبس عبايه وتتنقب )وكان في واحد بنظر لها معجب بشكلها وكانت في الحلم اطول من الواقع بعدها جائها واحد من الخلف كان لابس بنطلون وكرفته وجاكيت وقف خلفها واشر بيده ع راسها وقال انا اطول منك ومشي بعدها بنت خالتي راحت من ورا السياره نوعها جيب حقت الشاب اللي كان ينظر لها واخذت رقمه سالتها هل اخذتي رقمه قالت نعم قلت ليه ماانتظرتي هو ييجيك ويديك الرقم بعدها
كانو العيد وكانت اختي وبنات خالاتي جالسين في مكان وكنت اقولهم يلا نروح نعيد ع خالاتي كانه في الصباح واوفقو على كلامي بعدها كان المغرب اذن ونحنا باقي جالسين قلت يلا نروح لاتحطون مكياج ثقيل قالت اختي ليه قلت لان راح نروح بملابس البيت وماراح نفسخ العبايات بعدها مشيت وبنات خالاتي راحو اختي باقية جالسه بالمكان المهم وانا كنت ماشيه كنت لابسه قميص وكانت وحده تقربلنا من بعيد قالت روحي بدلي ملابسك قلت مازحه بكلامي راح ابدل القميص الامريكي وضحكت وضحكت هيا ايضا بعدها مشينا ويوم وصلنا البيت طالعت بالمرايه شفت لابسه قميصين اللي لابستو كان قميص وكان في فتحه عند الساق والقميص الثاني من تحت مغطي عالساق فقلت شكل القميص اللي فوق خفيف عشان كذا امي خيطت علىه قميص تاني من تحت (الحقيقه القميصين عندنا القميص الذي بالاعلى وهوا لاختي مع العلم ارتديه في بعض الاحيان معها والقميص اللي يغطي فتحة الساق قميصي خاص فيني))دخلت البيت حصلت طاولات في البيت وكانو بيجون عندنا ضيوف وكان مجلس الضيوف عندنا شايلين منها الفرش والكنب كانت ماما جالسه بالصاله سالتها العيد عندنا (من عاداتنا بعيد الفطر كل يوم نتغد في بيت من بيت اقرابنا وهذه العاده قبل سنه سنتين الان لاتوجد وهذا العيد المقصود)ردت ماما مادري ودخلت غرفتي قلت احسن عشان نصلي مره وحده مو نحط المكياج بعدين نتوضا وكانت بنت خالتي لابسه تنورة وبلوزه وكان جسمها مختلف عن الطبيعه فقلت لها انتي زاد وزنك ولا التنوره مغيره بجسمك اذا كانت التنوره مغيره بجسمك لاترجعي تلبسي بنطلون يخلي رجلك كانها مسواك بعدها كاني رحت اصلي بمصلى وكنت لمن اسجد فتاه بعمري تقريبا ع يميني تحط ع ظهري (جزمتها)الله يكرمك المره الاولى اخذت الجزمه من على ظهري ونزلتها والمره الثانيه رجعت حطتها قمت بابانزالها مره اخرىمن على ظهري المره الثالثه رجعتها ع ظهري قمت ورميت الجزمه بعيد عني فغضبت من تصرفي وكانت تبحث عن شي لي لترميه ولانها لم تجدوكان في شي لي ماتذكر وقلت الحمدلله ماشفته ثم ذهبت هذه الفتاه وكانت امراه جالسه عن يساري قالت لاتزعلين نفسك انتي عروسه وكنت اسئل بنفسي كيف عرفت او ليه قالت اني عروس بعدها نظرت الا اظافر يدين ووجدت فيها مناكير بلون وردي ماعدا اظفارين او ثلاثه قلت يمكن عشان المناكير والعبايه اللي لابستها(العبايه في الحقيقه عندي ومازلت البسها وهي اخذتها عندما كنت اجهز نفسي قبل ان اتزوج )عرفت او قالت عني عروسه بعدها كنت بقول لها انها البنت اللي حطت الجزمه شكلها شيعيه ولاكني سكت قلت يمكن المراه شيعيه ايضا بعدها عرفت انها شيعيه هي كذلك
بنت خالي وبنت خالتي بالرؤيه غير متزوجات
انا طالبه والداي ع قيد الحياه ولله الحمد لدي طفل في بيت اهلي من شهور بسبب مشاكل بيني وبين زوجي لست حامل
وعليكم السلام ورحمة الله وبركاته
على حسب ما جاء في هذه الرؤيا الطويلة فإنها تدل على احداث متتابعة من حياتك قد يكون منها ما قد حصل بالماضي او قد يحدث منها بالمستقبل القريب !!
ومنها حصول خلاف بينك وبين احدى قريباتك !!
كذلك حدوث حالة عصبية لك او نرفزة او عدم تقبلك لبعض الاقتراحات والامور !!
كذلك تخبطك في بعض الاقاويل مما قد يصيبك بالاحراج !!
كذلك حصول موقف امامك لا يعجبك او تتذمرين من فاعله وفعله !!
اغلب ما جاء في هذه الرؤيا من واقع الحياة ولا تدل على ما قد اكثر اهمية من ذلك !!
ارجو أن يكون التفسير واضحاً لما هو في معناه ؟
هذا وأن الله اعلم ...
