مرحباا اختيه ...الصراحة اول ما قريت موضوعج شد انتباهي..وقلت لازم اسجل في المنتدى عشاان اشارك في موضوعج..وما كذبت خبر على طوول سجلت ودشيت دايركت لموضوعج...وان شاء الله استمر دايماا في هالمنتدى..ومشكورة حبووبة على هالطرح المتميز..والله يوفقج دووم ويحقق امنيااتج....والحين بجااوب على اسألتج واتمنى انج تحللين شخصيتي....
/ نبذه قصيره عن حياته بشكل عام ؟
بنووته ..معرسة صار لي سنة وشيء بعد ي صغيرونه...هادئة وفي نفس الوقت مشاغبة بس هب دووم بس ويا الناس اللي احبهم وارتااح لهم وايد....احب اهلي وريلي واايد...بس مدري مراات اتضايق من تصرفاتهم وياايه..واحسهم في بعض الاوقات ما يحبوني..يمكن لانهم يشوفون شيء اناا ما اشوفه...او لاني حساسة وااايد وخاصة اني بعدني في سن المراهقة...احب الاشياء الغريبة...ومراات جريئة وصريحة في الاوقات اللي تحتاج للصراحة والجراة...واما عند الناس اللي ما اداخلهم وايد اكوون خجولة..احب الرومانسية والكلام الحلوو ..مدري بعد ...
2/ حياته النظاميه من ناحية الترتيب وتنظيم الوقت والامور الشخصية ؟
احب الترتيب بس يوم ارتب البيت او اغراضي اخذ وقت طويل يعني لو حد غيري بيخلص في نص ساعة اما انا اخذ 3 ساعاات..احب اتفنن يوم اعدل وارتب الشيء والكل يقوول عني بطيئة..حتى يوم اتمكيج اخذ ساعة من غير التسريحة...ما احب اتاخر عن موعيدي يعني اذا موعده حد الليل ما ارقده لان بالي مشغول اخاف يطوف علي الموعد...
3/ الهوايات ؟
ما ادري احس عندي قدرات واايد بس ما اعرف كيف اظهرهن ...يمكن لان محد يشجعني او ظروفي ما تسمح..او لاني كثيرة التردد في اتخاذ القرار..بس احب الرسم والمكياج والازياءوالتزيين...
4/ كيف يراه من حوله ؟......أأأأه عن شووه ارمس الصراحة انا واايد انجرح من ابسط كلمة واحس اني دووم مظلمومة من قبل امي وخواني وريلي واهله وكل الناس من حولي..يعني يجرحوني ما اقدر ارد عليهم..استحي افشل غيري او ارفع صوتي عليه لاني بصيح ..ما اتحمل حد ينتقدني..وما احب ارفع صوتي وقت الغضب او حد يفشلني لاني صوتي بتتغيره حدته وبتخنقني العبرة...غير جيه وااايد اصيح يوم ارقد على مخدتيه وبدوون صوت ما احب حد يسمعني او يشوفني اصيح...والكل يشكيلي همومه بس انا ما اشكي همومي لاحد غير ربي..لاني وايد كتوميه وما احب حد يعرف نقاط ضعفي..او لاني انجرح من اقرب الناس وعشان منو بشكي دامهم هم اللي يجرحوني...
5/ الميولات ؟
مدري هب نفس الهوايات...المهم ابا اكتب شيء انا شاطرة ومتميزة في دراستي بس ما دشيت الجامعة لاني عرست على طول وريلي ما يباني ادرس مع اني طموحي اكمل جامعة ويا ربيعاتي...ما ازعل من حد حتى لو جرحني اسامح على طوول ما ادري ليش اناا جيه ما احط في خاطري..لان يمكن كل الجروح تي من اهلي واحبابي..وعمر العين ما علت عن الحاجب...بس امي وابووي واايديحبوني وخاصة ابويه ويجدمني على خواني ..وامي جدام ريلي تحب وايد تمدحني..بس انا من النوع الحساس والصياح بس بدوون محد يحس...........
سمحيلي وايد طوولت عليج ...واتمنى انج تحللين شخصيتي...
