أسئله للمشرفين والأعضاء

[MiNoOo 87]

بسم الله الرحمن الرحيم ,,

عليكم السلام و الرحمــــــــــــــــه ..

تسلمين إختيه ع الطرح الطيـــــــب ،،





1- ما هي المواضيع التي تشد أنتباهك ؟!

المواضيــــــــــع من مجهــود الشخص نفســــه .. سواء كانت كتابيه أو تصويـــر ..

2- هل تشعر بالقصور في الرد على الأعضاء ؟!

الصراحــــــــه تقال ،، أنا صار لي فتره طويله مقصره في ها القســـــــــــــم .. مع إن أقلام الكتاب هنيه و حواراتهم تشدني دوم ما شاء الله عليهـــم .. بس يت لي فتره قطعـــت ،، دوم أدش العدسه الشخصيه و لازم كل مواضيعهــا أكون لافه عليــها ،،

و ان شاء الله راده بقوه هالأيام في ها القسم لإنه يستحق المتابعه ..

3- هل تشعر بالقصور من المشرفين بالردود ؟!

من ناحيتي أجوف المشرفين مب مقصرين في أقسامهم ما شاء الله ، و خاصه الأقسام اللي تشدني أجوف التفاعل فيها موجود ،، و لو ماشي رد ع الموضوع ،، إلا إن الشكر موجود و تحفيز الأعضاء بعد موجود ما شاء الله ..

4- هل تتفاعل بقسم واحد من المنتدى ويشد أنتباهك أم تتعامل مع كافة الأقسام بنفس درجة التفاعل ؟!

أتفاعل بشكل كبيــــــــــــــــر مع قسم : العدسه الشخصيه ،، لإني من هواة التصوير و تعلمت وايد أشياء من المصورين هنيه ما شاء الله عليــــهم ،، و بعد أحب أقرأ آخر الأخبار و التغطيات اللي يحطونها سفير جلفار و راك بوي و اللي تكون من مجهودهم الشخصي ،، و أكثر من عضو بعد ما شاء الله مب مقصرين فالتغطيــات ..
أحب قسم النقاش ،، لإن فيه أقلام مميزه ما شاء الله و حوارنا وياهـــم يزيد ثقافتنــا ..

5- حين تجد طرح لا يستهويك ؟! ماهي ردة فعلك ؟!

ما أدخل المواضيع كلها إلا اللي تشدني و ردة فعلي عاديه ،، يعني ما أسوي شي ،، لإنها ما عيبتني أنا أكيد بتعيب غيري ..

6- من يحرض فيك رغبة التفاعل على الموضوع ؟! أم صاحب الموضوع لتميزه ؟! أم كليهما ؟!

مضمون الموضــــــــــــوع ،، و بنفس الوقت تميــز العضو ،،
هنيه في أعضاء وايد ما شاء الله عندهم العضويه الفضيه فقط إلا إنهم متميزين في الردود و في طرحهم للمواضيع ،،

أخص بالذكر العضـــو : مختفــــــــــــــــــــي ..

من وجهة نظري ها العضو متميــــــــــــــز ,, ما شاء الله عليه ،،
سواء في طرحه للمواضيع أو الردود ،،
داش وله بصمه فالمنتدى ،، و أنا أحب دوم أتابع ردوده و مواضيعه حتى لو ما أرد عليهــا ..
يعني الشخص و طريقة طرحه للمواضيع و الردود بعد تجذب الواحد لمتابعة جديده دوم ..


7- هل تجامل في ردودك ؟!

ما أحب المجاملـــه .. اللي فقلبي ع لساني ،،

8- كتبت موضوعا .. وهو بنظرك مهم .. وبذلت من وقتك وجهدك الكثير .. وأصبح جاهزا للطرح .. وتوقعت عدد الردود المفرحه والمثنيه لمجهودك القيم بنظرك .. وانتظرت يوما أو أكثر .. والنتيجه عدد الزوار كثير وعدد الردود صفر .. ( لايوجد ) ما هي ردة فعلك ؟!

فترة أول دخولي لعالم النت ،، و إني أحط مواضيع و أجوف عدد المشاهدات أكثر من الردود ،، كنت أتضايج وايــــد ..
أما ألحين استوا الأمر عادي .. حتى لو مشاهدات بس بدون ردود ،، يكفيني إني أفيد غيـــــــــري .. و يستفيدون مني حتى لو بكلمــــه وحده بــــس ..

9- عندما تجد بعض الردود يدفعك للأنزعاج .. ماهي ردة فعلك ؟!

استوا لي موقف هنيه في ها المنتدى و رديت بعصبيه ،، و استوت مشكله ،، و عرفت إني تسرعت هاك اليوم وايد ،، و ندمت على ها الشي .. بالهدوء و التروي كل شي بينحل و بتتيسر الأمور ان شاء الله ..

10- حين تطرح موضوعا .. هل أنت حريص على متابعته و تتفاعل معه ؟! أم يقل الأهتمام به تدريجيا ؟! أم تتركه للظروف ؟!

أكيــــــــــــد أتابعــه ،، و أتابع الردود و أرد عليهــا ..
لإن متابعتي للمواضيــــــــــع اللي أطرحها و لردود الأعضاء فيها ،، تشجعهم على الردود دايما لمواضيعي و التفاعل فيهــا ..

11- هل ترى من وجهة نظرك أهمية وجود الردود من قبل المشرفين على مواضيعك ؟!

هيه ،، لإنها طريقة تزيد من نشاط الأعضاء و حماسهم على طرح مواضيع أكثـــر ..

12- هل التثبيت للمواضيع المتميزه يشجعك على التواصل والعطاء ؟!

هيـــــــــه .. لإنك تحس بأهمية الموضوع اللي طرحتـــه و إنك قدرت تفيد الأعضاء و لو بشي بسيط من مجهودك ..

= ) ,,