وعليكم السلام ورحمه الله وبركاته

قبل ما ابدأ بإجابتي حبيت اشكرج أختي المتميزه على هذا الموضوع الرايع

أنا عن نفسي في شخص غيرلي حياتي فوق تحت طبعا للأحسن هذا الشخص ( يدي ) الله يطول بعمره ان شاء الله
من كثر احتكاكي فيه وجلوسي معه لساعات طويله استفدت منه اشياء وايده علمني الصح من الخطأ علمني حب الناس واحترامهم وتقديرهم علمني احترام الكبير والعطف عالصغير علمني امسح دمعه اليتيم وما ارد اي انسان لجأ إلي
يوصيني دايما بالصلاه بوقتها ويوصيني بركعتي السنه عقب كل صلاه , يوصيني بحسن اختيار اصدقائي , يوصيني بدراستي كان يطالبني بالتفوق ولله الحمد تفوقت باحلى النسب
أحب الوقت الي ايلس فيه وياه يعطيني امثال وعبر وقصايد وقصص زمان اول وطبعا كل هذا استفيد منه
يقولي كيف عاشوا قبل وكيف اشتغلوا و صرفوا على نفسهم وعلى اهلهم . يوصيني بان اشد حيلي واعتمد على نفسي
والله يوم عن يوم استفيد شي يديد منه
لو مب يدي جان انا ما وصلت للي وصلتله الحين
الله يحفظه ويخليه لي ان شاء الله