مرحبااا احم لو ما اسالكم ما اكون قد الحب

- وانا لو ما خليتج اتجاوبين ما كون حمودي .. !

يالله جاوبو

- شوي شوي انزين لا تعصبين ..

- كم مرة ما حالفك النجاح ورسبت في دراستك ؟ بدون كذب لا تستحوا قولوا؟

- الحمد الله ولا مرة رسبت .. بس في امتحانات يعني كنت انقص فيها ولكن اعادة سنة دراسة الحمد الله ولا مرة .. من المدرسة الين الجامعه ..

2 - لو قال لك المصباح السحري اختر امنيتين في الدنيا واحققها لك . . ماذا تتمنى ؟

- رضى الناس واني ارد أمريكا مرة ثانية .. واكمل ماستر .. !

3 - بصراااااااحة .. كم ريال في جيبك الآن ؟

- 500 درهم .. !

4 - عندما تكون طفشان ، ولوحدك جالس في البيت ، ماذا تعمل ؟؟

- اطالع تلفزيون ولا اقعد ويا يدتي .. واذا ما في أمل من الملل اقعد ع النت والمنتديات .. !

5- كم ساعه تجلس على النت ؟

- من ارد من الدوام ما ابند النت .. اتم فاليوم يمكن 5 ساعات بس مو متواصله ..

6-ما أصعب موقف مر عليك؟

- اصعب موقف مر علي .. وفاة يدتي الله يرحمها ان شاء الله .. وقتها كنت بأمريكا وقت امتحانات السنة الدراسه الثالثه .. وكنت شاد حيلي واذاكر .. وصلني الخبر وقالوا لي رد الامارات ضروري قلت الهم ليش .. مب طايعيين يخبروني .. قلت انا عندي امتحانات ما اقدر .. قالوا دبر عمرك .. وقتها عرفت انه شي صاير .. ويوم رديت اشوف الناس متيمعه يدام البيت وعالم .. والمعنويات دااااون .. وحزين .. ! صار كياني متلخبط فوق تحت .. لان انا احب يدتي ام ابوي وااااااااايد .. وما توقعت اليوم اللي بيي فراقها .. ها اصعب موقف مر علي ..

7- ما رأيك في الشعر ؟ وهل تكتب الشعر ؟ ومن هو افضل شاعر لديك ؟

- الشعر هو ديوان العرب ولسانهم الفصيح .. وانا يوم كنت بأمريكا وقتها انا وربيعي ما عدنا شغل غير الشعر والخواطر .. نكتب ونسجل صوتنا ونزلها في المنتديات .. وافضل شاعر .. ( انا اسمع لوايد شعراء .. !

8-ما افضل اسم نال اعجابك في المنتدى ؟

- سري للغاية - قد الحب - ياليت للحب قاضي - وملك بدون مملكة - ولحظة شوق

9- كم مره سافرت ؟ وما هي آخر سفره سافرتها ؟

- ههههههه والله وايد سفرات مسافر انا .. وآخر سفرة كانت النمسا وسويسرا ..

10- ما هي امنيتك في الحياه ؟

- رضى الله ورضى الوالدين .. ( وان تدخلني ربي الجنة هذا اقصى ما اتمنى ) .. !

11- من هو أهم شخص في حياتك ؟ .. اسمه .. وعلاقتك به؟

- اهم شخص ابوي الصراحه .. ماله داعي اسمه .. ولكن انا وايد احب ابوي عسب دومي اتجادل وايد واتشاور وياه .. بكل صغيرة وكبيرة ..

12- كم مره دعيت الله هذا اليوم ؟

- قبل شوي يوم خلصنا صلاة العصر دعيت .. دعاء اصغير .. حافظنه .. !

13- متى يقتلك الفضول ؟

- يوم بنت خالي وخالتي يعصبوون فيي .. ويقولون لي سالفه وما يطيعون يكملووونها .. !

14- ما نوع موبايلك ؟ ( اذا عندك موبايل )

- عندي سامسونج كلاسيك و نوكيا .. !

15-اكتب احلى مسج عندك ؟

- \\ انا عايش مع العالم وكل الهم في صدري .. احاول اخفي دمعي عن اللي يحبوني .. اجامل من يكلمني ولا منه خلا جوي .. هلت دمعت عيوني .. وما قتل قلبي سوى غالي رحل عني .. عطاني الحب بالأول وتالي الأمر خلاني \\ . . .

16 -متى اخر مرة ضحكت من قلبك؟ وليش؟

- آخر مرة ضحكت من قلبي .. كنت واقف جدام كفتيريا .. وانا مرات يوم اوقف افتح الباب واحط ريلي تحت .. المهم فصخت طبقة من نعالي ويوم يا راعي الكفتيريا .. دخلت ريلي دون مالبس النعال .. رحت البيت وصلت .. واكتشفت اني لابس نعال وحده .. خخخخ ضحكت على عمري وقلت لراعي الكفتيريا قولك سير برى الكفتيريا شوف في نعال .. قال هي .. قلت خلها عندك لين باجر ..

17 -اخر مرة بكيت من قلبك؟وليش؟

- يوم شفت ربيعي اللي دارس وياي بأمريكا .. مرقد فالمستشفى .. !

18 -هل حسيت في يوم من الايام بالضعف؟ومتى كان؟

- هو يوم وفات يدتي ويوم ييت من أمريكا .. وقتها كنت ضعيف ومب عارف كيف اتصرف .. !

19 -من الشخص الي تتمنى ان يأخذ فرحك علشان ماتشوفة حزين؟

- أمي واختي الصغيـــــــــرة .. !

20 -اذا كنت متضايق وش اول شي تفكر تسويه؟

- اتصل لربيعي .. واشوفه وين اذا كان فاضي اقوله دقايق واكون عندك .. !

21 -وش احلى ذكرى في حياتك ومستحيل تنساها؟

- يوم اتخرجت .. ودريت اني نجحت .. خخخخخخخخخ هاي ما تنسى صراحه ..!

22 -آخـــر شخـــص تتـــذكــــره قبـــل ما تنـــــام؟!؟

- يدتي - ربيعي اللي دارس وياي - الطلاب اللي فالكلية .. العائلة اللي سكنت وياها .. المدرسين .. !

23 -وش تعنيلك هالكلمااات:


البحر : مرســـــــــى الأحـــــــــــــــزان .. !

السما : شوق وحنين وذكريــــــــــــــــــات .. !

الحب: ( كتلة من المشاعر والاحساس .. ) ..

الصديق: اخوي الثاني وقت الضيق .. !

24-كم شخص عندك في المسنجر ؟

- 46 مضاف .. !

25-هل فعلا انت مرتاح في تواجدك في المنتدي و مع الاعضاء ؟(بصدق)

- الحمد الله مرتـــــــــاح .. !

26 -عضو يستحق الصداقه؟

- وااايد اعضاء الصراحه . . في ناس طيبين وقلوبهم بيضى .. !

27 -عضو شفته و عضو ودك تشوفه ؟ >>> اكتب اسماءهم

- عضو شفته بس وااااحد .. > ماله داعي اكتب اسمه .. !

28-عضو شخصيته مثل شخصيتك؟

- سري للغايــــــــة + ملك بدون مملكة . . ها اللي احسه . .!

29 -عضو تعجبك شخصيته ؟

- وااايد اعضاء الصراااااحه . . !
30- رايك فيني؟

- رايي فيج الصراحه .. عضوة طيبة وما عليج كلام . . كنت افكر شو سالفة ها النك .. وفي البداية كنت اتحس صاحب النك ولد .. ولكن من يوم ليوم اكتشفت انج مبدعه في طرح المواضيع .. > وعلى فكرة انا مرات ادخل المنتدى اشوف شو جديد المواضيع عندج .. ولج كل الشكر والاحترام والتقدير . .

"" عاااد انا مول ما اطلب شي .. الا ابيج اتجاوبين ع الاسئلة البسيطه .. واتمنى من كل قلبي اشوف صراحتج واجوبتج .. اذا ما في مانع ""