~شمس الوداع~السلام عليكم ورحمة الله وبركاته،،
أسئلتي مب وايد وان شاءالله سهله،،
وعليكم السلام ورحمة الله ...
1- بما أنك تعيش في دار الغربه (بريطانيا) يراودني سؤال هل المساجد والاسلام منتشر في هالبلاد؟
بالمنطقه الي انا فيها يقولون شئ 2 بس انا شفت واحد ..وايد بعيد ..نصلي الجمعه فيه
2- ليش أخترت الدراسة في الخارج هل التخصص الي اتمنيته غير متوفر في الدوله،،ام لأسباب أخرى؟
محد يتمنى الغربه لكن هالنصيب .. وقلنا نعيش هالمغامره ..وهالتخصص مب موجود بالبلاد..والحمدلله حبيت التخصص
3- المعامله في بريطانيا للمسلمين جيده ام لا،،وهل طلاب دولتنا المتواجدين هناك ملتزمين بعاداتهم ؟
في حالات ..من اقليه فقط عيال الشوارع عندهم العنصريه ..الشعب البريطاني منشغل بنفسه لدرجه انه لو كنت واقف وهوه مار ما يلتفت لك ابدا شو ماكنت تسوي ..الشباب حدث ولا حرج بالبلاد تشوفه غير واهنيه غير ..في منهم عاقلين وما يتغير فيهم شئ ومنهم الي لاهي بالدنيا واللعب.. الله يهديهم ويستر لهم
4- دولتنا حاليا تعيش انفتاح واسع وتقليد الغرب بدأ ينتشر بين أبناء الدوله،،ما سلبيات هالانفتاح وهل له ايجابيات؟
هالسؤال خطير ...بس السلبيات واااايد وانتي تشوفي من لبس وتعامل وكلام ..لا مبالاه انشغال عن الدين عدم صلة الرحم وكثير ...ولم اجد من الايجابات شئ مميز ويذكر
5-ذكرت في اجابه لك ان المرأة نصف المجتمع،،هل مقولة ان وراء كل رجل عظيم امرأة صحيحه دائما؟
لا ماعتقد ...نادر ..
6-ملك بدون مملكه اسم مستعار نتيجة للحنين إلى الوطن وإلى مدينتك الرمس،،ممكن تذكر الفرق بين الرمس فالسابق والرمس فالوقت الحالي؟
وااايد اشياء ..بالماضي الكل اييد وحده والكل يدور على مصلحة الجميع ..محبه اخوه الجيره التعاون التضحيه ..الوقت الحالي الحقد انتشر ومصلحة الشخص تطغى كثيرا لا تعاون كل حد بجهه .. الله المستعان ..ياريت لو ترجع الرمس لسابق العهد
7- وأخيرا شو نصيحتك لرجال الرمس الذين يشغلون مناصب عدة في الدولة؟
يقفون وقفه واحده والنظر بالتغيرات الي صارت بالرمس ومحاولة ارجاع كل شئ لمكانه .. وخدمة الرمس وابناء الرمس من توظيف والخ ...ويحافظون على منصبهم ويرفعون اسم الرمس فوق .. وهم اهل لها ..وقدها ..
وأتمنى يا ملك بدون مملكه ترجع للرمس وانت ماخذ الشهادة وبامتياز ان شاءالله،،
الله يسمع منج ..وكثري من الدعوات
وان شاءالله الاسئله كانت سهله؟
اسئله مشيقه ..وسهله
