السلام عليكم ورحمة الله وبركاته
اخي سري للغايه رحم الله والدك رحمتاً واسعه واسكنه الفردوس الأعلى ,,
لقد تاثرت فالموضوع ورجعت اتأمل في حالي انني فقدت والدتي
التي هيه روحي وحياتي وكل شيء جميل هيه ولكن شائت الاقدار ورحلت
بهدوء في ليله من ليالي رمضان وانا في عمر لايتجاوز العشرون وبعد سنوات تكرر الالم والحزن مرة ثانيه وشاء القدر ان يأخذ والد اطفالي الذي لم تتجاوز اعمارهم العاشره لكن القدر لم يمهل اخذ والدهم بصمت مجرد خطاء طبي للفحص وليس للعلاج وقدر الله ماشاء فعل هذه حال الدنيا تفرحنا تاره وتحزنا تاره اخرى ولكن الحزن والاسى يتجدد بداخلي يعتصر الفؤاد ألماً كلما تذكرت هذه الاحداث ومازالت الذكرى تجول.. اسمحولي اتكلم عن طفلي الصغير ...
هذا الطفل ملازم والده ليل ونهار كان يحب والده لدرجه حسيتها انه يحبه اكثر مني
والاب كذلك يحبه وااايد ولكن لايميز بحبه امام اخوته كل مره يقول اتحملوا من مروان لاتضربونه اعطوه اللي يريده ودايماً مروان فالمقدمه ولما احس الولد بانه اباه راح يذهب للمستشفى لعمل الفحص الطبي قالي بروح انا ويا ابوي وبالفعل اخذته معانا
وذهبنا على امل نخلص الفحص ونرجع البيت ولكن قدرالله ماشاء فعل
حصل اللي غير متوقعينه وظل ثمان شهور فالمستشفى والولد يعاني فراق ابوه حتى ظل ماياكل مثل قبل وكله ابوه ويدعيله بالشفاء ويتكلم عنه ويتذكر كل اللي اييبه له ابوه وقعد يقول ليش وديتوا ابوي هذا المستشفى ابوي ليش عطوه الابره وليش سووا جيه بأبوي حرام عليهم انا ماعندي الحين ابوي ونحن نطمن الولد بانه ان شاء الله ابوه بيرجع وراح يشفى ولكن ظل الطفل فخوف ورعب شو اللي بيحصل لابوي ولكن شائت الاقدار وجاء خبر وفاته اهنيه تأزم الولد وظل فحاله لايرثى عليها كان يأخذ سويج السياره ويقعد فالسياره فتره ويرجع ويقول شموا رائحة ابوي اي شيء يشوفه يقعد بروحه ويشمم وقعد يجمع كل حاجه مال ابوه ويحتفظ فيها من صور وغيره حتى قارب من السنه وهو يفكر وتخيلوا انه يروح المقبره زياره لابوه واذا ماراح احسه تنتابه حاله من العصبيه والتفكير واذكر فمره من المرات وانا رايحه بيت الوالد وهو معاي يقولي مري اهنيه قلت ليش حبيبي قالي بروح ازور ابوي مثلج ليش انتي رايحه لابوج وانا لا ابوي بيسمع صوتي وانا اناديه انا اعرف انه الموتى تسمع اصوات الاحياء بس مايقدرون يردون صح ماما ..
خلاني ميته من الصياح صدقوني الواحد لما يشوف طفل مثل هذا كيف يتخيل والله اني تعبانه نفسيتي والعالم ربي لكن بعون الله احاول ابعد الحزن واتظاهر امامهم بغير ذلك اطفال مالهم حوله ولا قوه كيف ياهل ينحرم من ابوه او امه وهو بعده فعمر الزهور أثبتت الأبحاث الحديثة أن غياب الأب في حياة الطفل يؤدي غالباً إلى الاكتئاب المبكر
وكثيراً ما يؤدي ذلك لظهور أنماط سلوكية غير سوية في حياته .
و وجوده مؤشر على مستقبل الطفل من حيث النجاحه في حياته وعمله،
فالعلاقة الجيدة تعني النجاح، أما العلاقة السطحية الهامشية فإنها تعني الفشل.
اسمحلي اخي سري للغايه لقد اطلت عليك ولكن موضوعك اجبرني ابوح بما في صدري من آهات ..
فكل الشكر والتقدير لك على هذا الموضوع القيم
الذي يذكر الابناء ببر والديهم سواء في حياتهم ام بعد وفاتهم ..
رد مع اقتباس