عليكم السلام و الرحمــــــــــه . .


فالبدايــــــــه ،، سعدت لتواجدك يا أخي فارس بلا جواد في هذا القســـم المميز في المنتدى . .

ما شاء الله عليــــك من خلال موضوعـــك مبين إنك كاتــــــب مميـــز . .

و مرحبا بك في كوكب نجوم القســــــم المميزين > ما شاء الله عليهم اللهم لا حســـد ..

>> مشكلتي ما أعرف أتكلم فصحى إلا و لازم أدخل العاميه بالنص



الإنسان يتعرض لمواقف مختلفه بحياته ،، و فيها أشخاص مختلفيــــــــــــن . .

منهم الزيـــن و منهم الشيـــــــــــن ..

صعبه يوم إنك توثق بشخص و تأمن له و تعطيه كل ما تملك و تتجاوز عن أخطاءه و ما تبخل عليه بشي ،،، و تسوي أي شي عشان تسعده و يكون دوم مرتاح ...... و غيره من الأشياء الوايــــــــــــــده اللي تقدمها عشانــــــــه و آخــــــــــر شي يطعنك و يخونك من ورا ظهــــــــرك ..

جد شعور صعب و الواحد ما يبا يتخيله حتـــــــى . .


سبحان الله معادن الناس تختلف .. و الواحد يعمل بأصله و على التربيه اللي كبر عليـــــــــــها ..


موقف من المواقف اللي تعرضت لها في فتره من فترات حيــاتي ..

كانت أيام المدرسه .. و كنت أعز وحده و أعتبرها من الأصدقاء المقربيين عندي ،، كنا وايد و يا بعـــــــض .. و يت فتره قامت وحده تتمشى ويـــانا و سوالف و ضحك جدامي ،، و من ورايـــه تحاول تسحب ربيعتي عني بأي طريقـــه .. يعني مثل ما يقولون جدامك هالله هالله و من وراك يعلم الله .. المهم مرت الأيام .. ربيعتي اللي كانت وايد ويايه ودرتنـــي و قالت لي كاش بالويه خلاص أنا ما أبا أتم وياج و أنا و أنا ... الخ من الكلام ،، طبعا أنا مليون علامة تعجب و استفاهم فوق راسي و مستغربه من الكلام اللي ينقال .. بس قلت لها خلاص برايج و اللي يريحــــج و أنا ما أجبر حد عليه ^ـ^ و درتها و الابتسامه ما فارقتني لإني عارفه إنه بيي اليوم اللي بترجع لي فيه و بتندم .. بس بعد شو !! بعد ما يفيدها الندم بشي ..

مرت الأيام و أجوفها تتمشى و تسولف ويا الثالثه اللي دشت ويانا بالنص ،، و هاييج مستانسه إنها سوت إنجاز و بعدتها عني و كسبت هي صداقتهــا .. و أنا أجوفهم و ابتسم عادي و لا جنه مستوي شي ..

سبحان ربكم و الله و عقب فتره يت تتأسف و تقولي خلاص أنا ودرت فلانه و أنا آسفه و أباج تردين مثل قبل ..

بس أنا من طبعي و دوم أردد ها المثل : اللي ما يباك لا تصيح تبغيه ترك هواه و يوز دونـــــــــــــه ..


الخيانه صفه ذميمه و من أكره الصفات عندي و اللي ما أتقبلها من أي شخص حتى لو ها الشخص غالي عليه ..


اختم ردي بقصيده تعيبني ،، صح لسان الشاعر



إسكِـت آلله يَرحَـم أُمَكْ مَلّ سَمعــيْ يسمعِـكْ
وِآسمَع إنْ كِنت تبغىَ مِنيَِ العِلمَ اليقين

مآأطوِل فيِْ كلآميِْ بَس مجبوِرِ (ن) مِعِـكْ
آشرَح الوَضـعُ وَأكمِـل قِصتيِْ للسآمعـين

لآيغُرَكْ طيب قَلبيِء كَآن عقلَكْ ينفعَـَـَكْ
الأفـآعيِْ حيـل تجذِب فيِْ عيوَن النآظرِيـن

قَبل تنطِـق يآحبيبيِْ تدرِيِْ إنـتَْ مِنْ معَـكْ
تَدرِي إنـتَ مِنْ تحآكيِْ فيِْ كلآمِكْ .. يآفطيـن

إنْ كِنت جَـآهِل فَ الحقيقـَه هَذَّآ نُصحـيِْ وَأنصَـحكْ
لآتهوَرَ فيِْ كلآمِكْ .. نآس قبلـَكْ ضآيعيـن

آبتِسـآمَه مِنْ شفـآتيِْ حتىَ مِن بآب الضحِـكْ
أحتوِيهـَآ فيِْ مُرَآديِْ فيِء جميعَ الحالتين

ألتفِت لَـكْ يآعدوِيِْ بِ أبتِسـآمَه ~ وَ أجرَحَـكْ
وَأبتسِم لَكـكْ يآحبيبيِْ بإلتِفـآتَه ثٌم تِلين

فآهِمَ أطبـاعَ البشَر مِن صغيِر وَمِنْ مَلـِكْ
أعرِف الطبَـع الحَـقوَد وأعرِف أصحَـاب اليميَـن

أجمَع أشيـائِكْ بلَحظَـه ، أقسمِكْ أوَ أطرحِكْ
وَ أكتِب البإقيٍِْ ب كَفَكْ مِن شِمَـال وِمِنْ يميَـن

لآتحَسِب يوَم أسأَل كِنت يمـَكْ أسألَـكْ ؟
كِنت أقرَآ فيِْ عيوَنَكْ تمتمـات المستهيَـن

المَيـال وكِنت مآيِـل وأجتهَدت وَ أعدلِـكْ
ثُم عَقلت وَزَان عقلـَك يعجبوَنيِْ العَاقليَـن

آخِرِكْ يوَصَل لعِنديِْ قَبل يوَصَـل أوَلِـَكْ
وَ الحَقيقَـه فيِْ كَلآمَكْ أو رموَز الحاجبيَـن

مَاأكَـابِر فيِْ حيآتيِْ إنْ مِشيتَ .. آلله مَعَـكْ
وِ إنْ جلَست آلله يسمِح دَرب كِل الجَـالسيـَن

المُـرَاد وَ لآتحَـايَل لأنيِْ فِعلأً أنتهِـكْ
الحقوَق إلليِْ عَليهَـا كِل رَبعيِْ عَـارفينْ

جَـآءًَ كَلآميِْ وِِ إنتهَـاء لِـكْ حَد غَـاية مسمعِـكْ
وِ الكَلام إلليِْ أقوَلَـه ماأعيـَده ..، ( مرتين )




أترقب يديدك المميز دوم ..

ربي يحفظك ..