الرحيل والفراق صعب وخصوصا بين الاصداقاء

بالنسبه لي افضل الصداقات المحدوده اكثر من اني اكون صداقات و اتفرع فيها

احافظ ع صداقتين او ثلاث ولا تكون عندي صداقات وايده وفالنهايه مااحس بمشاعر الصداقه الحقيقيه

احس غمق الصداقه يبين فالمواقف خصوصا لو اختلفوا ف الراي

بطبيعه اي انسان ما يحب يكون مذلول او حد يكسر عزه نفسه

بصراحه مريت بموقف فاول سنتين فالجامعه كانت علاقتي بربيعتي قويه وايد

ناكل ونشرب ونطلع ونذاكر حتى فالويك اند لو برجع لاهلي اتصل فيها ومااصبر عنها بس لسبب سخيف

اختلفنا وكل واحد راح بدرب بسبب اني كابرت وهي كابرت ومحد بدا واعتذر من الثاني

تخرجت من الجامعه وعلاقتي فيها اقتصرت ع السلام بعد ماكانت قويه

احيانا الواحد يكابر وبعدها يندم بس الاهم من هذا كله نتعلم من الغلط

الله يخلي لي ربيعاتي ويخلي الكم ربعكم

وان شاء الله ما تختلفون وياهم

تسلم اخوي فاقد انسان ع الموضوع

الله يعطيك الف عافيه