الهجر صاير - حياكم

[عميد الحب]

السلام عليكم ورحمه الله وبركاته
مسّاكم الله بـ كل خير ورضى جميعاً


قدمية هذه الأبيات . . ولكنها جديدة بالنسبه للنشر وجديدة بالنسبه للجميع . .
دائماً أحب التنويع . . وأتمنى ان أستمر عليه
وأقدم الأفضل مع كل جديد . . أترككم مع هذه المتواضعه الجديدة من قلمي القديم
على الأوتار الشعبيه القديمه . .
.
.
( الهجر صاير [ مثل لفّ العماما ] )

يا مصعب اللّقيا و ياكيف تهجر! . . و ياويل عاشق ماتهنّى بـ مناما
لقياك صعب , و بيدنا بس نصبر . . [ والهجر صاير مثل لفّ العماما ]


عاشق تدهْور بالهوى دون يشْعِر . . زادت به جروحه!, ونحلَت عظاما
مافادته ابره , ولا فاد دختر!! . . عوق(ن) عليل(ن) بس مابه ملاما


لك برضف الونّات!, وابيات بنثر . . احساس يظهر من يعم الظلاما !
حمادي ,, وياكيف حاله؟ ويشعِر !! . . و بعاد خلّه زاد عوقه سقاما


والظالم الي بالهوى ,, ويل يبشر . . واحساب ربي له ( فـ يوم القياما )
ماينفعه درهم ,, ولا يوم يكبر! . . مِقْصِرْ بـ فعله ,, بس زايد كلاما


الناس مب للناس بـ عيوب تنظر!! . . منقود والله! موب طبعْ النّشاما
نظرات خير!, ونظرة الخير تستر . . لو كان في هـ الناس عيب وحراما!


لك من فوادي ودّ بـ القلب َبْيقرّ . . و اشواق قلب(ن) مبتلي من هياما
و لك بـ التحايا عدّ ما الغيم يمطر . . و اعِداد ماتبرق [ سيول الغماما ]


و لك من (صميم القلب) باقولك سرّ . . واقول ويله ,, ماتهنى بمناما!!
العاشق الي بايت اللّيل يسهر . . يكتم شعوره بس يوصِف غراما


ياطير! طير وصوبهم روح يـ الحِرّ . . رفرف ع بيته!,, ثم وصّل سلاما
وارسل رساله : "ليش لقياك يعسر؟" . . [ والهجر صاير مثل لفّ العماما ؟ ]
وسلامتكم . ,