اعضاء منتدى الرمس أدو مناسك العمره (تغطيه خاصه )
بسم الله الرحمن الرحيم
بعد ما اتفق عدد من اعضاء المنتدى على تأدية مناسك العمره مع بعض
لكسب الاجر و ان شاء الله ربنا يتقبل منا طاعتنا ..
الاعضاء هم :-
العتيبي
قايد الغزلان
ماجد
abdullah ahmad
انطلقت الرحله يوم الخميس الموافق 26/6/2008 بعد صلاة العصر في مدينة الرمس
وكنا متجهين الى مكه المكرمه واستمرينا فيها 5 ايام ومن ثم انطلقنا الى مسجد رسول الله صلى الله عليه وسلم
المدينة المنورة وعدنا الى دولتنا الحبيبه صباح الاثنين الموافق 7/7/2008
وكان السكن في مكه المكرمه فندق ابراج مكه
وفي المدينه المنوره دلة طيبه
( تغطية وتصوير :- العتيبي , قايد الغزلان , abdullah ahmad , UM HZA3 )
اليكم تفاصيل الرحله بالصور
//
هذا هو الباص
وهذا الابتكار من اخونا العتيبي نفعنا بالباص اللي يجرج مبايله واللي يلعب PSP
والحمدلله وصلنا السكن في مكه ( ابراج مكه ) برج 2
وصلنا غرفتنا .. ( العتيبي . عبدالله احمد . قايد الغزلان )
فذمتكم الواحد يشوف هالسله جدامه ما بياكل منها .. !!
انتبهو شو محطين حذال السله ..
وهاي غرفتنا من داخل
وهاي غرفة المجموعه الثانيه
وهذا المطبخ
شرايكم بالثلاجـــه ..
هنيه كنا سايرين السوبر ماركت نشتري اكل >> مدلعين عمارنا
بس فيه واحد كل مانشتري شي يقولنا شو تبونه ما بتاكلونه هههه وحليله
هذا الريوق بالفندق بوفيه .. حد له خاطر ..
شرايكم بالبيتزا ..
وهذا المشروب المفظل لـ عبدالله احمد ..
هذا الفندق مجاور ابراج مكه فندق دار التوحيد
وهاي طبعا كلكم تعرفونها ابراج زمزم من ارقى فنادق مكه
ويوجد فيه مجمع تجاري من 5 طوابق وكبير وهو تقريبا قيد الانشاء
وهذا من داخل ..
شوفو نظافة الغرفه ما شاء الله .. لاتعليق غرفة شباب ههه
منو تتوقعون هذا اللي يحسب بيزاته ..ههه
يالله نسير الحرم ..
هنيه تبين توسعات للحرم من فوق وايضا يتم اضافة طابق الثالث للسعي
هنيه كانت شي زيارات من مكه وطبعا محد سار فينا من الشباب غير عبدالله احمد وماقصر ياب لنا كم صوره
هذا جبل عرفات
ومن ثم زارو متحف الكعبه ومكان خياطة كساء الكعبه المشرفه
بها الصوره قاعدين نحمل الشنط متجهين الى المدينه المنوره
فالطريق شفنا حادث وعبدالله احمد ما يفوته شي .. والحمدلله على سلامة المصابين
وصلنا المدينه
هذا قبر اشرف الخلق رسول الله صلى الله عليه وسلم
حان وقت الرحيل .. ما شاء الله مول مب ماخذين شي ..
الحمدلله على سلامة الجميع وصلنا راس الخيمه ..
وفي الختام
اسأل الله ان يتقبل منا ومنكم صالح الاعمال
والسموحه منكم جميعا ..
رد مع اقتباس
المشاركة الأصلية كتبت بواسطة أم دحماني
رد: اعضاء منتدى الرمس أدو مناسك العمره (تغطيه خاصه )
