المطلقة دائما نظرة المجتمع لها سلبية وتكون موضع ملايين أشاراة الاستفهام؟؟

في مجتمعنا الحالي يعتبرون ان المطلقه ماتطلقت الا لسوء خلق او لسبب او عيب وهذا طبعا مب منطق لانه العيب وسوء الخلق احيانا يكمن في الريال نفسه بعض الرياييل يطلقون بدون سبب مقنع واحيانا يعلقها ويعاند ف ياشباب رفقا بالقوارير اما امساك بمعروف او تسريح باحسان بعض الحريم ايضا يطلبن الطلاق بدون سبب منطقي "ايما امرأه سألت زوجها طلاقا من غير بأس ف حرام عليها رائحة الجنه" ف يا بنات اتقن الله .. اللهم اكفينا الطلاق وشره


اما الارملة فتقل حولها أشارات الأستفهام ؟؟

دايما نظرة الناس للارمله نظرة تعاطف من ناحية انها خسرت زوجها لسبب مالها اي علاقه فيه وهو مثل ماتفضلوا الاخوان بقدر من الله سبحانه وتعالى ف تقل حولها علامات الاستفهام مثل ماتفضلتي بس تبقى فيه علامات ولو قلت


ما هو مصير المطلقة ؟؟اذا كان هناك سلبيات من نظرة المجتمع لها

لازم تكون محاسبه في تصرفاتها بعض المطلقات مجرد ماتتطلق تسوي حفله و عزيمه وتعزم القاصي والداني ع اساس انها تحررت وتبدى تاخذ راحتها في كل شي تحتفل بشي يبغضه الله سبحانه وتعالى وهذا جهل والجهل عند البعض مب الكل ولكن الشين دايما يطغى ويؤثر ع الزين ف الناس عمموا واعتبروا ان المطلقه انسانه سيئه ولكن فيه مطلقات على خلق ودين ولكن هذي نظرة المجتمع اللي ماتتغير ف رضى الناس غايه لاتدرك



وانت كشاب هل تقبل الزواج بمطلقة او ارمله ؟؟!!

لا .. انا لحظة ما فكرت بالزواج كان شرطي ان تكون البنت ماتزوجت من قبل وتكون صغيره في السن لان (البكر كالذره تطحنها وتعجنها وتخبزها والثيب عجالة راكب تمر وسويق)


وهل النظره السلبيه من المجتمع اكثر على المطلقه ام كلاهما ؟؟

المجتمع نظرته وحده ولكن على المطلقه تكون العين اكثر للاسباب اللي ذكرتها فوق عشان جي الافضل ان يقرن في بيوتهن ذلك احفظ لهن
واطهر يعني مايكثرن روحات وطلعات الا لظروره ومع محارمهن

احترامي للجميع

بووحارب