الكويــت...

[Sweet Heart]

لا اختي قد الحب خليني اوضح لج وبعدين احكمي


لو سيرة العمره ولا صلاله حلوه الروحه العائليه


لكن الكويت والبحرين لا ما انصح


انا ما اضمن اهلي يرجعون مثل ما راحوو


طبيعة اهل الكويت فري


الدنيا عندهم بخير


حياتهم غير


نحن متعودين هني على شيله وعباه

اما هناك لا .. ماعرفون كيف شكل الشيله والعباه

تصدقي دخلت سوق شرق مالقيت محل عبي واحد

دخلت سوق المباركيه ما لقيت محل عبي كذلك


العياييز بس يلبسون عبي ونادر ما تلاقين ومناطق البدو مثل فحيحيل وغيرها

وخليني اقول لج سالفه صارت لي مع شباب سعوديين في الكويت

دخلنا سوق المباركيه نشتري خام وغيره , وفجأه اشوف بنات وقفو حذالنا

يقولون الله شباب الامارات يهبلون , وقعدنا نضحك عليهم

عندهم انفتاح ما يناسب عاداتنا وتقاليدنا هذا من جهه

وعلى طاري البحرين ,كنت رايح مركز السيف لقيت لج وحده تلبس العباه والشيله في الشارع

كانت حاطتنهم على السيت الخلفي في السياره

اما من الجهه الثانيه نحن الشباب ما ناخذ راحتنا هههههههههههه

الاهل عيونهم علينا مثل الليزر ماشاء الله

عندج بعد تايلند ما تنسار مع عائله

والسموحه ع الاطاله