المشاركة الأصلية كتبت بواسطة مرجانه
السلام عليكم ورحمة الله وبركاته
حلمت اليوم الاحد 26 / 9 / 2010
إنّــي في البيت انا واختي وييت أطلّ من الدريشه شفت ان الجو ملبّد بالغيوم السودة، وبدت ريح شديدة تدمّر كل شي!!
وقلت شكلها بلادنا الامارات بتتدمر من هالريح !! وقعدنا كمن يوم في بيوتنا ما نطلع من قوة الريح وكآبة الجو ....
ويوم سكنت الريح .... قلت لاختي قومي نطلع نتمشى ونشوف بلادنا شو صار فيها ....
وطلعنا .....
ومشينا في الشوارع ونشوف اثار التدمير والخراب طال حتى الاثار الاماراتية القديمة ... والجو كان بعده ملبّد بالغيوم
ورفعت راسي شفت انه بدت الغيوم السودة تتجمع مرّة ثانيه بشكل كثيف قلت لاختي قومي نرد البيت بسرعه شكله الجو
بيرد مرة ثانيه !! وردينا البيت بسرعه ، واخواني كانوا برع البيت ما ندري عنهم شي ... بس هم بخير ما صابهم شي !!
ورجعنا للحجرة ... بس كانت معانا وحده تكون اربيعتنا ف الحلم ... وقاعده معانا .. كانت بيضه وحلوه ... وهي متضايقه عشانا
ودش اخوي العود البيت .. وكان يبي يتفقدنا انا واختي ... شافنا وقال انتوا هني ما صارلكم شي؟؟ قلناله لا الحمدلله ما صارلنا شي!!
وكأنه اتضايق وايد وعصّب ، وكأنّه كان يبا يتخلص منّا في هالجو ... ويصيبنا شي !! وبعدين لمح اربيعتنا ويانا وقعد يهاوشني قدامها بدون سبب !! بس جي معصّب ... وراح داخل !! واربيعتي اتضايقت وايد وقالت ليش هو معصّب ويهاوش قلتلها ما عليج منه !!
هو حتى على حريمه يعصّب ويهاوش هو اصلاً عصبي !! قلتلها تعالي براويج رسوماتي وقعدت اراويها رسوماتي وبعدين قلتلها عادي لو تبين تروحين عند اهلج في هالجو تبين تتطمنين عليهم ، قالتلي لا لا بتم وياكم وبقعد !!
قلتلها خلاص على راحتج وقعدت ويانا انا ووفاء نسولف اشوي ونغير جو من الكآبة !!
عقب دشينا انا ووفاء ناكل في ميلس الحريم كنّا يوعانات ... وشفت انه عيال اختي موسخين المكان اشوي !! بس قعدنا وكلنا
وباقي الحلم بكملة في جزء ثاني بعد كمن يوم
والسموحه
وعليكم السلام ورحمة الله وبركاته
مادري ليش تذكرت المثل القائل (( جت تكحلها عمتها ))
على حسب ما جاء في هذه الرؤيا فإنها تدل على نجاتك ما مشكلة او مرض قد تصابين به على خفيف ولكن الضرر الكبير يكون بعيداً عنك !!
كذلك هي دلالة على تبدل الاحوال بالمكان والزمان والفرق بين الامس واليوم وعلى الايام الخوالي التي كان فيها الخير اكثر واوسع مما نحن عليه الان وقيامك بالتحدث عن مثل هذه المواضيع مما يجعلك تتحملين مسؤولية كلامك الذي قد يكون مسموعاً لدى البعض الذين يحسبونه ضدك !!
وقد تكون دلالة على بعض الاحوال التي حصلت بالماضي من غلاء المعيشة او الفتنة او ما قد يحصل بالمستقبل القادم !!
ارجو أن يكون التفسير واضحاً لما هو في معناه ؟
هذا وأن الله اعلم ...
وبالنسبة للجزء الثاني ما اقدر اقول غير ردت حليمة لعادتها القديمة لأنه اذا هذا الجزء كان طويل فكيف الجزء الثاني ؟؟ !!
