طلاب ثانوية التكنلوجيا يعانون الأمرّين

[SomeOne :)]

ها وين التغييرات بعد كل اللي كتبتوه؟ قصو علينا و غيرو شوي من الجدول

و في شي قاهرني فالجدول، الانحليزي بروحه و الكيميا و الدين ويا بعض، انا متاكد انه مافي حد يذاكر الانجليزي لانه ما يباله مذاكره، بس الكيميا و الدين ويا بعض -.-


اوكي اذا ما بيبدلون الجدول الخايس خله يعطونا اجازه اسبوعين عالاقل ..

[*مسك الإمارات*]

[align=center]
الله المستعان
[/align]

[sniper alain]

[align=center]الظاهر انا نحن ما يايين نخلص من الموضوع اما ترمسون المسؤولين شخصيا ولا ما شي فايده -ـ-"
الله يعين[/align]

[!! الــعــنــيــد !!]

السلالام علييكم


استراتيجيه المعهد غلط ب غلط



و بخصوص شهادة المعهد
صراحة شهادة المعهد مطلوبه
خاصة ف ادنوك
و الكل يتمنى يشتغل ف هالمكان


شوفوا
من ناحيه اللاب ... مجرد وسيله .. و صراحه ما منه فايدة
نفس الكلام ف التقنيه .. يعطونهم لاب و الله لليوم محد منتفع منه



الامتحانات ....
هههه ... معاناتكم نحن مرينا فيهـآ
و نسبنا كلها "دااااااااون"


انا أضمن لكم
100%
ما راح يتغير شي
من 2005 نحن نقول هالكلام >> يعني نحن موجودين قبل كل اللي ف ادارة معهد راس الخيمة

ويتني اخبار انه نص الاساتذه اللي كانو اوكيه ويانا
فنشو و طلعو من المعهد .. عاد الله يعينكم


انتوا تخلصون الامتحانين .. بعدنا ترجعون البيوت او تكملون دوام ؟
اذا تروحون ف حمدو ربكم .. لانه نحن كنا نمتحن امتحانين
بعدها نكمل دوااام

و اليوم اللي بعده نراجع لليوم اللي بعده بــعد
هه هه هه

ما أٌقول ألآ الله يعينكم


*سوال
متى فتحوا معهد تكنولوجيا للبنات ؟!

[محـمد المـــصعبي]

السلام عليكم...
اشكر أولاً الطالب/ عمر الحبسي
على ما قدمه...من شكاوي
وأنا الصراحه معاه...
لإن كلامه صحيح 100%
بالنسبة لامتحان اليوم الرياضيات...
المشكله في الإمتحان السؤال عليه ثمن درجات،،،عشر درجات،،، وما يستاهل والله بس سؤالين غلطت فيهم ربع الإمتحان خلاص انتهى...
إنزين ليش،،،ليش تحبون تقهرون بالواحد،،،والله قهرر...
ها بس واحد من الشگاوى اللي عندي والباقي عمر الحبسي تكلم عنه وماله داإأعي أگرر الكلام
بس حاب اقول للي بيدش السنه اليايه المعهد انه يفگر فالأمر أكثر من مره...

الطالب/محمد المصعبي
ثانوية التكنولوجيا التطبيقية/ فرع العين

[dewdrop]

أحس شو ما رمسنا و اشتكينا يزيدون علينا ما فكروا في الطالب و شو بتكون نفسيته أهم شي عندهم ان نرضي توقعاتهم و بس.

[super s]

براي أن مابسوون شي بس بنحاول لأنه الصراحه مو معقول

[super s]

السلام عليكم ورحمة الله وبركاته

ماعرفت كيف أبدا بس أنا بعاد من بنات المعهد ( فالعين )
.
.
.
.
هاي أول سنه لي بس حاسه بتعب إلي قبلي أنا دخلت المعهد كثر مامدحو حقي قالو في ميزات وكذا أشياء

بس الشي الوحيد إلي طلع صح مثل ماقالو أنه دراستهم ونظامهم غير عن المدارس الحكوميه والمدارس الثانيه

قالو دراستهم أسهل ماشفت شي سهل بالعكس مرات حتى أنسى أكل فاليوم من كثر ما معذبينه


أقوم 4 ونص ومرات 5 ومرات ما أرقد مشان أدرس حق الأمتحانات بس صراحه ياناس يامعهد والله نحن بشر رحمو حالنا هاي أول سنه صف تاسع جي

فما بالكم ب 10 و 11 و 12 أكيد يتعبون أكثر ، نكمل يومنا يمكن ثمان ساعات و أنا فالمعهد غير أنه يمكن ناخذ بلوكين ماده وحده بدون بريك بدون راحه بدون نفس المس تقرا الدرس ومرات تقولنا حلو مسائل فوق الخمس صفحات و إذا أشتكينه قالو ويش (( هذا أختياركم أنتو دخلتو المعهد ماتبون الله معاكم نقلو )) في بنات يوصلون 4 ونص ومرات 5 ونص ولازم فالأسبوع يخترب الباص وله يصير شي ونوقف يعني نوصل 5 ونص بعدين

متى نصلي متى نتعبد متى نقعد مع الأهل متى ندرس ناهيكم أنه نحن عادي ناخذ فوق 5 أمتحانات فيوم سكتنا على هال الشي

يبنا أكل من البيت قالو ممنوع يبونه ناكل من عندهم عن نفسي و أغلب بنات المعهد أول ماياكلون سيده نحن بنات مب حيوانات عقب ما ناكل وقسم بطني يحووس خلاص يردوني البيت قالو أكل البيت مب صحي أكلهم مب صحي

أهم شي التفتيش إلي عالباب معقوله نص ساعه واقفين !!!!

ليش تفتيش حتى العباه يفسخونه إياها خير قالولكم أرهابين الشنطه فيها كتب يش كثرهن يظهرونهن ويعفسون الشنطه وتكفلو أنتو


(( فنهايه الله يعينه الصراحه ولازم هال الشي يوصل لحد يسوي شي على الأقل نحن بشر ياآآآآ معهد))

[uaeproud]

مابلغتونا يا طلاب المعهد ,هل استجابوا لرغباتكم ولا اللي تريدونه عرض الحائط , شكلكلم حصلتوا تهديد عدل
خلاكم اتغيرون رايكم 360 درجة

[sh.al3in]

تهديد ششششوه .!!
ما شفنا حد هدد للحين
و ليشششش التهديد ع شي صدق يسستوي

و اضن ان كلام الحق و الصدق ما ينزعل منه و هذا اللي يستوي و لا يلومون الطلاب يوم بيشتكون

و اللحين بدينا السمستر الثالث و ان شششاء الله نششوف تغيير لو ع اخر فصصل =)