Rak boy
الف شكر لك اخويه على نقل الخبر..
فارس الامل
مشكوور اخويه والله يسمع منك يارب =)
لالا .. بنت راشد .. ولد الشوامس .. ميمي الفلاحيه .. مسك الامارات ..
ماقصرتو على هذا الكلام المشرف .. اخجلتووني الصراحه كلامكم هذا هو الي بيحمسني على المستقبل .. ماقصرتوو اخواني وخواتي وكلامكم شهاده افتخر فيها..
بقايا جروحك..
مشكوره اختي على الرد .. وكلامج على عيني وعلى راسي.. وانا بروحي مستحيه من الصوره هذي الي انتشرت تمنيتهم حطو الصور الثانيه وين لبسي محتشم اكثر.!!
كلامج عور قلبي.. وان شاءالله يكون لي دافع اجابي للتحسن وانا واثقه من هالشي.. شكرا اختي على الانتقاد =)
مزاجي..
ماشالله\\\\
بس الاولى اطفالنا عيال بلادهم ليش التعليم عساب البلاد والفايدة لبلاد ثانية؟؟؟!!!
ولا تدريب بس؟؟
الله يوفقهم ياربي رد على كلامك..
اكيد الاولى لاطفالنا وهذا الكلام مايختلف عليه اثنين.. ولهسبب انا دشيت هالتخصص ولهسبب انا قررت اني اسافر ادرب برع عشان ارجع بخبره مميزه وتعليم اقدر افيد فيه عيال بلادي لان مثل مايقولون الاجانب مب احسن عنا بشي مثل ماهم اثبتو وجودهم نحن بعد نقدر وجودنا.. وللعلم.!! هدفي الاول من السفره مب اكتساب الخبره لان ولله الحمد الخبره اكتسبناها من التخصص نفسه حيث انه اول تخصص فالامارات ونحن الدفعه الاولى خريجات 2010..
السبب الاساسي لسفرتيه اني اثبت للغرب مدى قوه التعليم عندنا ومدى خبرتنا ودراستنا في بلادنا ..
وبالفعل انا وصديقتي ابهرناهم بالي سويناه فالمركز.. وهذا كله بفضل رب العالمين واهالينا ومدرسينا..
والله يقدرني واكمل مسيره العطاء واتوظف في الرياض الحكوميه لاجل اني اساعد في تطويرهن ونوصل مستوى المدارس الخاصه واكثر باذن الله..
والف شكر لكم =)
رد مع اقتباس
