منزلان يعرقلان بناء كليات التقنية الجديدة في رأس الخيمة (صورة)

[الخيماوية]

مشكوووووووور اخووووي ع الخبر
الله يعييين

[κąşρεя]

يااااااااااا الله يت على هذيلاااا البيتين الارض وااسعه سووو مكان غيير ولا عووضوهم ببيووت جاهزه و لا بيزاات حرااام شكلهم نااس على قدهم ،، الله كريييييييم =(

[ربي يفرجها]

الاعضاء :

بوحمود ( شكرا ع الخبر ) + عواسيه + ولد راك + مهيري وافتخ + نقطه حبر + أسرار+بوسليمان+الغيث2008
انا قياديه+ حنون الغربيه + الخيماويه + كاسبر


اولا :
حبيت اشكركم على الرد وتعاونكم واستعطافكم

ثانيا :
حبيت اخبركم ان هالبيت اللي ناشرين عنه ف سنه 2010 ها بيتنا والله العظيم بيتنا هاللي فالصوره واللي كاتبين انه تم تعويضهم وماعرف شو كله غلط ب غلط

ماعوضونا بشي ولا فلس

لا البيت لا البيزات ولا شي

الغريب اللي فالموضوع ان ماشي التعويض ماعرف ليش واحنا جنسيتنا عمانيه بس مواليد الدوله وساكنين هنيه اكثر من 35 سنه
والبيت الثاني هو بيت ناس من جنسيه صوماليه

الله كريم الله كريم
من البلديه يونا بشهر 6 بسنه 2010 وعطونا ورقه قالوا عدكم مهله اخلاء المنزل احنا والجيران قلنا لهم كيف ما يصير قالو البيت من ظمن المخطط بناء التقنيه قلنا والتعويض قالو ماشي دبروا عماركم

راكضنا رحنا البلديه والديوان وكل مكان لكن لا حول ولا قوه الا بالله العلي العظيم

ماحصلنا على اي شي والحين احنا من بيت لبيت ناخذ بيت بالايجار ونسكن وانتوا عارفين انه الرواتب كيف ف راس الخيمه والايجار غالي وتكلفه الكهرباء والماي وهم بعد التكلفه يحسبون ع الوافد غير عن المواطن لكن ما اقول الا الله كريم

بتقولون ليش يتي اليوم ورديتي على الموضوع توج اذكرتي
يا جماعه
احنا تعبنا وايد تعبنا مع الايجارات والفواتير والمعيشه وابوي ريال شيبه كبير فالسن راكضنا واااايد لكن ماصار شي رضينا بالواقع وسكتنا لكن ما حصل لا التعويض بالبيت ولا مبلغ مالي ولا شي
ولا شي


يعني هم ماحصلوا ارض الاى فالسيح


والله اتمنى رسالتي هاذي تتوصل للشيخ محمد بن زايد الله يحفظه

والسموحه منكم اخواني وخواتي دعواتكم الله يفرجها علينا وعلى جيراننا وعلى كلهم واكيد اللي رايح التقنيه شايف انها البيوت كلها حشووا مافي شي


حسبي الله والنعم الوكيل

[حركات كلي دلع 999]

اتمنى يااارب توصل رسالتج ويعوضونكم

[Tiler]

الله المستعان

[الشوق ذبحني]

فكرة المبنى اليديد اساسا عليها علامة استفهام !!
يعني المبنى القديم مأدي الغرض و الدراسة ماشية الحمدلله
لا و اللي زاد الطين بله ما حصلو مكان لمبنى البنات الا عدال مبنى الاولاد ؟؟!!!
بس ناقص شي واحد يدمجوهم مع بعض و خلاص !!!!
انا رايي ها اليزات اللي سوو فيها مبنى احسن لو عدلو فيها شوارع النخيل و غيرها من الشوارع ....
و السموحة طولت عليكم

[بنت محمد]

بالفعل كلام الجرايد شي و الواقع شي ثاني .. لا حول ولا قوة إلا بالله

[اماراتي وافتخر 40]

لا حول ولا قوه الا بالله

الله يعينكم والله

بس ما عليج...انشاالله صوتج بيوصل....واموركم بتنحل

في بلدنا شيوخنا ما يرضون بالظلم...بس فيه ناس تمنع وصول الصوت

لكن الحين المنتديات والتويتر وووووو ....ساعدت ع التواصل

يا رب سخر لهم الارض ومن عليها

[ماروكو الصغيره]

وحليلهم هالنااس الله يعوضهم ان شاء الله

[ربي يفرجها]

شوقي ذابحني : الله كريم

بن محمد : ادعوا الله يفرجها علينا الجرايد ينشرون اي شي
حركات كلي دلع 999 : ما فهمت شو كاتبه

تيلر : شكرا