هذا كـــــــــــان ردي

[نقطة حبر]

و الله العظيم ان كل كلمة كتبتها صــح و ردك بمنتهى الادب و الاحترام


و الصــراحـه محــد يعرف بظروف الناس و معظم الشباب يسلفون من البنوك


و هم محتاجين هالشي لانهم بيتزوجون و بعدها بيبنون بيت و لا سمح الله مرض احد من الاهل


و طبعا مظتر انه يتســلف عسب يسفرهم للعلاج و الله ان كلامك واقعي و صـــح


و شـي من الناس الله منعم لهم و يتحرون ان كله الناس مثلهم


>>>> ردك واااااااقعي و 100% صـــح

بالفعل محد يدري بظروف الناس الا انفسهم

اكيد بيكون مضطر انه يتسلف عيل شو نسوي

تسلمين اختي يعطيج العافيه على ردج الرائع منورة

[البزي]

صح لسانك يا نقطة حبر

ولا هنت والله أنك بردت يوفي

سبحان الله الكلام الي قلته كأنه طالع

من قلبي ما شاء الله عليك

ومثل ما قلة الدستور الذي لا يطبق طبعا

يطالب الدوله بتوفير السكن والعمل لكل مواطن

ومساعدته في وقت الحاجه لكن يا أخويه

الي معرقل هذا كله البطانه اي ما تحت الحكام

من رجال اعمال اسف قصدي قراصنة اعمال

يأخذون كل شيء لهم ولأقربائهم وينسون

الأخرين والله أنه حكومنا فيها الخير لكن البطانه يا أخويه

يبيلها تعديل لانهم بيدمرون البلد وأغلبهم لو يت تشوفهم

تلاقيهم مجنسين ومحسوبين على عيال البلاد

ما كلين رزق هل البلاد وناهبين خيراتها

بس شو نقول غير حسبي الله ونعم الوكيل فيهم

بيهم يوم ما بينفعهم الي يسونه كله

خلها على ربك وانا خوك

والسموحه على الأطاله يا أخويه

والله يعطيك الصحه والعافيه على ردك الغاوي

الي لو تميت أتمدح فيه ما بوفيه حقه

لانه ينطق عن معاناة المواطنين

وهونها بتهون والحين ما عليك الى برضا عيوزك

الله يرزقها طولة العمر والله يرزقك بالذريه الصالحه

تحياتي لك أخوك البزي

[نقطة حبر]

صح لسانك يا نقطة حبر

ولا هنت والله أنك بردت يوفي

سبحان الله الكلام الي قلته كأنه طالع

من قلبي ما شاء الله عليك

ومثل ما قلة الدستور الذي لا يطبق طبعا

يطالب الدوله بتوفير السكن والعمل لكل مواطن

ومساعدته في وقت الحاجه لكن يا أخويه

الي معرقل هذا كله البطانه اي ما تحت الحكام

من رجال اعمال اسف قصدي قراصنة اعمال

يأخذون كل شيء لهم ولأقربائهم وينسون

الأخرين والله أنه حكومنا فيها الخير لكن البطانه يا أخويه

يبيلها تعديل لانهم بيدمرون البلد وأغلبهم لو يت تشوفهم

تلاقيهم مجنسين ومحسوبين على عيال البلاد

ما كلين رزق هل البلاد وناهبين خيراتها

بس شو نقول غير حسبي الله ونعم الوكيل فيهم

بيهم يوم ما بينفعهم الي يسونه كله

خلها على ربك وانا خوك

والسموحه على الأطاله يا أخويه

والله يعطيك الصحه والعافيه على ردك الغاوي

الي لو تميت أتمدح فيه ما بوفيه حقه

لانه ينطق عن معاناة المواطنين

وهونها بتهون والحين ما عليك الى برضا عيوزك

الله يرزقها طولة العمر والله يرزقك بالذريه الصالحه

تحياتي لك أخوك البزي

بالعكس اخويه انت اللي بردت يوفي بكلامك ماشاء الله عليك كلامك كله ذهب

وصدقت بقولك البطانه هي اللي مخربه لكن شيوخنا الله يطول بعمرهم ما بيقصرون بالمواطنين

صح لسانك قراصنة أعمال < ههههههههههههههه والله انك ضحتني ربي يسعدك

اسعدني وشرفني مرورك يالغالي منور الموضوع

[خالد الشحي]

الصبر مفتاح الفرج

[نقطة حبر]

الصبر مفتاح الفرج

صدقت يا خوي الصبر مفتاح الفرج عاد احنا صابرين والله يوفقنا ويوفق اليميع ان شاء الله
يعطيك العافيه على مرورك

[غصن الورد]

صح لسانك

وهذا الكلام الصح خير لبلاد طالع للغير وعيال لبلاد محاسبين على كل شى ويسرطون ريجهم واللى أيده فى الضو مب مثل اللى أيده فى الثلج
تعب فى تعب فى تعب وهذا الأمر لا يختلف عليه أثنين إلا اللى ما كلنها بارده ومبرده المفروض البطائن السيئه تستأصل جذورها وما تخلا لإنها ما بها خير هماز مشاءا بنميم مناع للخير معتد أثيم ما يدورون الخير إلالنفسهم ومن حولهم بس وهذا الشى معروف ومتروك للتلاعب بالناس وصعب إنه يشوف خير بلاده يطوف جدامه وهو عايش محتاج فى دوله غنية عن التعريف وفى ناس من الفقر ما يعلم بحالتهم إلا الله وكل ماديقون باب ينصك فى ويهم والمسؤولين تتهرب من توصيل الأمر للشيوخ ويتهربون ليش شو السبب ؟ فكو الناس منهم ومن أذاهم وتكبرهم
الله المستعان

[نقطة حبر]

صح لسانك

وهذا الكلام الصح خير لبلاد طالع للغير وعيال لبلاد محاسبين على كل شى ويسرطون ريجهم واللى أيده فى الضو مب مثل اللى أيده فى الثلج
تعب فى تعب فى تعب وهذا الأمر لا يختلف عليه أثنين إلا اللى ما كلنها بارده ومبرده المفروض البطائن السيئه تستأصل جذورها وما تخلا لإنها ما بها خير هماز مشاءا بنميم مناع للخير معتد أثيم ما يدورون الخير إلالنفسهم ومن حولهم بس وهذا الشى معروف ومتروك للتلاعب بالناس وصعب إنه يشوف خير بلاده يطوف جدامه وهو عايش محتاج فى دوله غنية عن التعريف وفى ناس من الفقر ما يعلم بحالتهم إلا الله وكل ماديقون باب ينصك فى ويهم والمسؤولين تتهرب من توصيل الأمر للشيوخ ويتهربون ليش شو السبب ؟ فكو الناس منهم ومن أذاهم وتكبرهم
الله المستعان

كلامج صحيح 100 % اختي تسلمين يعطيج العافيه

صح لسانج المفروض البطائن السيئه تستأصل جذورها وما تخلا لإنها ما بها خير هماز مشاءا بنميم مناع للخير معتد أثيم

[ميمي فلاحيه]

وشو يعني يوم باخذ بورش ولا ماي باخ ولا حتى كورولااا ,, الحمدالله الله يطول اعمار شيوخنا اللي يعتبرونا عيالهم والحمدالله الصراحه ما اشوف فيها شي لو الدوله طيحت الديون عن المواطن ,,

[نقطة حبر]

وشو يعني يوم باخذ بورش ولا ماي باخ ولا حتى كورولااا ,, الحمدالله الله يطول اعمار شيوخنا اللي يعتبرونا عيالهم والحمدالله الصراحه ما اشوف فيها شي لو الدوله طيحت الديون عن المواطن ,,

صدقتي شو فيها لو الدوله طيحت الديون على المواطن لا هي جريمه ولاشي الحمد لله

يعطيج العافيه اختي

وانا الصراحه ما اشوف الدوله متروسه بورشات وماي باخ هههههههههههههههههههههههههههه

انا كل اللي اشوفه من فئة تيوتا وبالاخص كورولا عشان لما اتيي تسأل واحد ييقولك ان قطع غيارها رخيصه ومتوفره

[الغـــلا]

صح لسانك اخوي نقطة حبر

وانا بعد معاك في كل كلمة قلتها

نحن عيال البلاد أولى ثم أولى بهاي المبالغ اللي تطلع مساعدات لخارج الدوله والقهر ان في الدوله والله في ناس وايد محتاجين بس للاسف ياخذون هالمساعدات وعلى طول على الخارج ما قلنا لاتساعدون بالعكس في ميزان حسناتكم بس رب العالمين قال " الأقربون أولى بالمعروف" يعني اهل البلاد هم احق بهاي المساعدات.

سلمت يمناك على الرد