رد مع اقتباسارجع واقول مركز شرطة الرمس له دخل في الموضوع هذا
يصدرون امر ويعممونه في المساجد وبعد صلاة الجمعه يقرون التعميم
وبعدها يتخذون الاجراء
|
للاسف هذا المشهد كل يوم اشوفه في شوارع الرمس واكثر الليسوقون يهال اعمارهم بين السبع والعشر ويوم يصير شي في اليهال يردون اللوم على الشرطه المفروظ التربيه اتكون في البيت والشرطه كم بتلحق الدراجات ماشاء الله بالاف الدراجات عدنا كل هذا بصوب والهنود بصوب ثاني لو اتكلم ما اظن اني بخلص لين باجر والسموحه على الاطاله بس صدق لازم نشوف حل حق الدراجات.
والحين اذا بسير اتخبر اهل الولد بقولولك انت مايخصك انا صارلي هذا الموقف كلمت احدى العائلات في الرمس عن ولدهم والنتيجه ماشي هم يجتلون اعيالهم بايدهم.
أخوكم فتى الرمس
ارجع واقول مركز شرطة الرمس له دخل في الموضوع هذا
يصدرون امر ويعممونه في المساجد وبعد صلاة الجمعه يقرون التعميم
وبعدها يتخذون الاجراء
الله يحفظ الجميع ويكفينا شر الحوادث
منتديات الرمس نت
اخواني اعضاء منتدى مجالس الرمس ابغي احد يجاوبني على السؤال
ليش دائما نحط اللوم على الشرطه والمرور ؟
ليش ما نحط اللوم على الاب والام والي اكبر عن الشباب او الاطفال الي يسوقون هذي الدرجات ؟
الدراجات مب مشكلين ازمه في منطقه وااحد بالاماره ( الرمس) بل مشكله ازمه في جميع انحاء الاماره
خلونا نتسلسل نقطه نقطه
1- الطفل او الشاب العاطل عن العمل كيف حصل على الدراجه ؟
2- منو الي شجع الولد على قيادة الدراجه ؟
3- وين الرقابه من قبل الاهل ؟
طبعا هذا الطفل او الشاب فلوسه مب يايه من السما او الدراجه وصلت له هديه من الشارع فاكيد بيكون مشترنها واقل دراجه قيمتها 700 درهم تقريبا الي هي (بوشراع ) واغلب الاطفال يسوقونها الحين منو اعطى الطفل الفلوس منو اشترى الدراجه له اكيد ابوه او امه بس ليش ؟ شو الجواب
اكيد عشان لا يزعل الولد لانه اخر العنقود او وحيد ابوه وامه او البكر او او او او ...............الخ
فيوم يستوي شي لهذا الولد حطوا اللوم على الشرطه
وللعلم الطفل او الشاب مستحيل يوقف للشرطه ومستعد يعرض نفسه والاخرين للخطر والدوريه في اغلب الاحيان مستحيل تطارد هذا الشاب اذا شافوه مستهتر وبيعرض نفسه ولاخرين للخطر
بعطيكم موقف شفته بعيني من ولي امر طالب في الجولان
كنت اتمشى بالسياره وشفت دخان اسود كثيف قريب من مدرسة زيد بن حارثه فسرت باتجاه الدخان فشفت رجل كبير بالسن تقريبا قاعد يحرق الدراجه الناريه التابعه لولده والدراجات الهوائيه الي بالمنزل فسالته ليش تحرقهم فجاوبني ان ابنه استواله حادث وهو الي كان متسبب بالحادث ودخل المستشفى وكانت اصابته متوسطه وعند خرجوه تكفل بتصليح المركبه ومن خوفه على ابنه حلف يمين انه يوصل البيت ويحرق الدراجات بالبيت وما تدخل اي دراجه البيت
شوفوا متى اسوى هذا الموقف بعد ما استوى لابنه حادث مروري والله ستر عليه واعطاه عمر فكيف لو مات
ليش الواحد ينتظر لي يطيح الفاس بالراس وعقب يقول ياريت لو
شوفوا بحر المعيريض محد يقدر يرتاح او يستانس على البحر من كثر الغبار الي سببه الدراجات البانشي
انا ما احط اي لوم على الشرطه الشرطه قايمه بواجبها على اكمل وجه
واحط اللوم كله على اولياء الامووور الي مب مهتمين ولا يعرفون شي عن عيالهم الابالمصائب
والسمووووووووووووووحه وتقبل مروري
بتكاتف الأهالي فقط تنحل هاي المشكله
منتديات الرمس الحوارية
شوف اعمار الاطفال اللي يسوقون الدرجات هذي
اساله منو اشترالك الدراجه بيجاوبك واحد من والديه
واذا حد قاله شي وخبر اهله الرد بيكون وانت وشلك
لهذا السبب ارجع الموضوع للشرطه
يعني محتاجين لقرار حازم
والقرار هذا يباله امر من مسؤول كبير اما قائد الشرطة او من نائبه
السلام عليكم ورحمة الله وبركاته
أشكركم جميعاً على الردود الطيبة ومثل ما قريت بأن الكل أجمع بأن المشكلة الأساسية هي تساهل الأهل ( أولياء الأمور ) أحنا في الرمس كلنا أهل ونقرب لبعض لو كل واحد بيحاول أيحل المشكلة صدقوني خلال فترة وجيزة بنقدر أنحل مشكلة الدراجات أو على الأقل بنقلل منها ومن آثارها السلبية أنا أطلب من كل أعضاء المنتدى من أهل الرمس الوقوف بحزم لهذه المشكلة .
وأشكركم مرة ثانية.
هيه صح كلامك أخوي
صرااااااح صوت درجات نارية هو اخس منهاااا عور رأسي من كثر ما أسمع صوتهااااا
ففي فريجنا واحد دوم أربع وعشرين ساعة ويا دراجته من بداية الشارع لين نهايته وفوق كل هذا يهال
ع عموم يسلموو أخوي ع موضوع
كلامك صحيح 100%
انا استغرب يوم اشوف هالشي ف الرمس
و المشكله الدراجات حتى ليت مافيهآآ
يعني لو واحد لا سمح الله
اي و يدعم واحد منهم بالغلط
مابيحس حتى
هذي مب غلطه المرور
هذي غلطه الأهل
عيل صغاريه
اعمارهم 8 مادري 9 سنوات
تعطونهم دراجات و يمشون ع الشارع ؟!
بايعين عيالهم هذيل شو ؟
المفروض لو بيطلعون
بس ف الفريج
او للدكان و يردون للفريج مره ثانيه
شو بنقول بعد
...
تم تعديل التوقيع
ماا بحط توووقيع >> أدري بينحذف
الإداره ما يعيبها شي
ضوابط المشاركة
