طاوعـك قلبك تغيــب وتهجر أحبابك
تنسـى غلاهم وتـتركهم وتنساهم
حـرام تـترك خفــوقي يشكي غيابك
وأنته في قلبي أعز الناس وأغلاهم
ناديـت والصـوت لا شتــت ولا يابــــك
يا سيــدي يا عـــديل الـروح يا فاهـم
وأنتـه بـوجه إشتياقي تغـلق أبـوابــك
وأنا أقـرب النـاس إلى قلـبك وأوفاهم
نسـيت حتى تقـول شفيك وش صابك
يوم الألـم عـذّب عـروقي وأشـقاهـم
بدّيـت ناس علــى ناسـك وأصـحابـــك
ما أتعبــت نفــسك تدورهـم وتلـقاهم
نامـت عيـونك ونـام اللـيل بأهــدابــــك
واللـــي شـكوا غيبتك ذا النوم ماياهم
زادوا علـى جرحـهم كم جـرح بأسـبابك
وأن أقبل اللـيل صوت الجـرح صحاهــم
أرسل لك عتاب قلبي وأحسب حسابك
وأبياـتي البــيض دايـم باسمك أبـداهم
يجـبرني الـشوق يجـبرني علـى عتابك
وأتـمـــنى تـقـرا ودادك قـبـل تقـراهــم
لمــت الخــفــوق إذا قابــلت هــلاّ بــــك
يا أطـيـب النـاس فـي عيــني وأغــلاهم
رد مع اقتباس