اعتداء ثالث على رادار شارع الفيصل برأس الخيمة (صورة)

[LoOonely_Girl]

مـــآآيعـــيش بدوووووون ســـرعه شكلـــه


ومــآخلـو نص إلـإ سحبـــوه من جــــــــــيبه ... الله المستع ـــــــآآن

[spiderRAK]

الحين منو يسرع بهالدرب؟

80 وايد عليه هالشآرع .. ومحطين رادار يصور فوق الـ100 ..

صح في ناس يرفعون الضغط ويمشون 60 عند الرادار عسب مايصورهم

بس أصلا الشارع مايساعد للسرعة

إشارة وعقبها دوار ..

الله يكون في العون

[جمعه علاوي]

الشباب تحصلهم مقهورين شوارع كسرت سياراتهم وردارات تخالفهم بس الله يكون بالعون وتتصلح شوارع راس الخيمة مفروض كل رادار يزود بكيمرت مراقبه

[راعي البكرة]

والله بيني وبينكم ... أحب هالأخبار الزينة لان الرادارات عبارة عن قاطع طريق يسرق منك بيزاتك وجان على تخفيف السرعة ففي هناك حلول بديلة غير الرادار ... للأسف الرادار ما انحط عشان تخفيف السرعة وتنما لأخذ أموال الناس عيل بالله عليكم رادار بين أم القيوين وراك يزخك على 101 والله حرااااام واقول زقوم في بطونكم .... حدك تقول لا تسرع اكثر عن 120 على هالشارع بقولك اوكي ولكن 100!!!!

[TOY STORY]

وهذا الي يصور المواتر المخالفه مارام يصور هالصبي إلي طاحننه .. بس رهوته عالمواتر

[أم عبد العزيز العبد الله]

لا حول ولا قوة شو هذا حتى الرادار ماسلم

[ملاك المشاعر@]

لاحول ولاقوة الابالله
بس ليش اتسوون جيي
هم ماحطوا الرادار الا لمصلحتكم
والسرعة ترى مافيها خير
ربي يهديكم يارب
شكرا سفيرجلفار
ع الخبر
في امانة الله

[مختفي]

الصراحة، كسر خاطري هالرادار
يحليله مسكين، كل مرة يحصل بوكسات على عيونه هههه

سبحان الله، يمكن يطلع لهم شيء في الشارع، لازم يفكرون يخففون السرعة
إذا الواحد يسرع على 200 وفوق لا حد يقرب منه، هذا يعني قنبلة موقوتة الصراحة هههه
وهم ما بيحسون إلا إذا اتضرروا

الله يكون بالعون

مشكور أخوي سفير جلفار على الخبر

والله يعطيك الصحة والعافية

[جلفار]

الله يعينا على كثرهن

مضارهن أكثر من نفعهن

[وصلاوي]

الصراحة عيب
هذي ممتلكات دولة ويجب على الشرطة مراقبة المكان جيدا بعد تكرار الاعتداء على هذا الجهاز