أول مرة كنت أحضر ...الصراحة كان شعوووووور في قمة الرووووووووعة ....والاجواء جدا جميلة ...
أول مرة كنت أحضر ...الصراحة كان شعوووووور في قمة الرووووووووعة ....والاجواء جدا جميلة ...
بالنسبه لي انا كنت موجود ع الساعه الثالثه مساءا ،، وكانت الخدمه مرموقه وسهله و سريعه .. وماشي زحمه ( يعني هناك تنظيم ) وانتهى التصويت في غضون دقائق .. يجوز الفترة الصباحيه كانت مزحزمه شوي ,, بس الامور بشكل عام كانت ميسره و منظمه ولله الحمد
كان بودي احضر الانتخابات لكني بعيد في الشارجة
بس عيبتتي تفاحة وههي تتكلم في التلفزون .. صدق انها مال راس الخيمة
أولا أحب أهني كل اللي تم عليهم الاختيار وعلى راسهم الوالد أحمد الأعماش ...تستاهلون وموفقين
ثانيا بخبركم اللي صار معاي طبعا انا ماحب أظهر بروحي في اماكن الزحمه فخذيت الوالده الله يحفظها ..
رحنا قبل المغرب بساعه تقريبا...دخلنا القسم الخاص بالنساء كانت في بنت واقفه امره عند الباب قالت
لو سمحتو المرافقين ممنوع يدخلون...توها الوالده بتظهر جان تسألها وحده ثانيه أنتي مرافقه قالت لها هيه انا مع
بنتي جان تقولها ((المرافقين برع لا وبصوت عالي وماشي أدب ولا احترام وكذا مره تعيدها وتطالع أمي مب جنه إللي وراي يايبين اثنين وأكثر معاهم))...
...
عاد الوالده عبرت عن شعورها شرشحتها يعني
المهم دخلونا في زاويه مغطيينها بستاره سوده عسبت يعلمونا طريقة التصويت وكانت البنت اللي هناك صراحه
حبوبه وخدومه الله يعطيها العافيه ماقصرت
المهم خلصت شرح طلعنا بندخل القاعه بنروح على الاجهزه نصوت طبعا كانو في بنات على يمينا ويسارنا ياخذون بطايق الهويه يتاكدون من الأسماء من الاشكال وانا رايحه متنقبه
جان تقول لي لو سمحتي رفعي النقاب قتلها هنيقالت هيه عادي قتلها في رياييل وراج قالت لازم اشوف ويهج
((يمكن اعجبت بشكلي من تحت النقاب ))هههههه
المهم قلت ما ابا اضاربها ولا اسوي سالفه جلبت ويهي صوب الحريم وقتلها تبين تشوفين شكلي تعالي جدامي
رفعت نقابي وصديت جنب ويهي لها جان تقول خلاص
قتلها الله يهداج بس خلاص بعد ما الاربعه اللي وراج شافوني ....قالت هاي قوانين
نزلت نقابي ورحت صوت وخلصت الحمدلله ماتعطلت وأموري فالسليم...طلعت من القاعه شليت الوالده وردينا البيت
بالنسبه لأسالتك اخوي ,,,,,,
زحمه وايد ناس ماشاء الله حريم ورياييل
وبالنسبه للخدمه شرحت عن البعض فوق
وسالفة الماي وقهوه ماشي
والتصويت كان سهل الحمدلله
جمعني الله وإياكم في جنانه...
أشكر تفاعلكم بالموضوع .. أخواني وخواتي .. ويشهد الله أنه للمصلحه العامه .. لأني التقيت مع شخص بعد الترشيح وقالي معاناه وخربطه .. ومش عارف انا رشحت ولا راحت علي .. هذا اول الوقت .. لكن عل بعدين تعدل ولا لا .. من كلام اخونا فيه سلاسه وعلى طول .. الله يعين الجميع ومبروك للفايزين وهارد لك للي ماحالفهم الحظ .. بس بصراحه تونسنا معاهم خلال هالمده بالصور والشعارات والمقالات واللقاءات وغيره .. وصدقوني بنفتقدهم وبنفتقد الجو الجميل هذا .. تمام عيل ..
رد: عطوني ملاحضاتكم بكل شفافيه لسير عمل الأنتخاب ..
معليش يالربع
دامكم فتحتوا الموضوع تحمّلوا كلامي...
أعزائي المرَشَّحين...الحينه هذي نسبة تسمونها!!!
28% فقط من اجمالي المسموح بهم بالانتخاب شاركوا...
والباجين؟
وين وطنيتكم؟، وين حبكم لبلادكم؟ وين طاعتكم لولي أمركم؟...عيب والله عيب عليكم
مب عشان المرشح والترشيح...لكن عشان خاطر شيوخكم...تيجان رؤوسكم...طلبوكم طلبه عشان تختارون ممثليكم بالمجلس...هذا ردكم...أفا
اتمنى هالشيء ما يتكرر بعد أربعة سنوات يوم يي الانتخابات القادمة للمجلس الوطني
[quote=الكابتن;1059329761]
شيوخكم...تيجان رؤوسكم...
ما جنك بالغت شوي ؟؟؟
[quote=حرم علي;1059330177]والله يا حجّيه حرم علي ..انا أعتبر شيوخنا تاج راسنا وعزوتنا..طبعا غير قدوتي اللي هو رسولنا محمد عليه أفضل الصلاة واتم التسليمالمشاركة الأصلية كتبت بواسطة الكابتن
للعلم، ما حصلت من برنامج الشيخ زايد فلس أحمر عالرغم من أني متقدم للطلب من عام 2000، وساكن بيت بالايجار حالي حال الكثيرين من عيال البلاد.
صندوق الزواج...راحت علي...تزوجت قبل ما ينشؤونه
ما عندي الا راتبي..ولله الحمد والمنّه
ولكن
لفّي على الآخبار واقرأي اللي يحصل حوالينا من البلادين العربية والغير عربية..حتى جيراننا ما سلموا من المشاكل الداخلية...الامن في هاي البلادين معدوم، الفقر والفساد والرشوة وسوء القيادة سماتهم، بلادنا ولله الحمد عندها القليل من تلك، ولكن في المقابل...الآمن وحسن القيادة والتفاف الشعب مع شيوخنا وحب الناس فيما بينهم ، تراكم في نعمه يالربع..انتم محسودون من أقوام كثيرة....حافظو على تلك النعم بالشكر والثناء والحمد لخالقنا دائماًو أبداً
أنا وأعوذ بالله من كلمة أنا...لو أقول الحمد لله على نعمه الكثيرة وعلى الخير والعز اللي عايشينه حتى ينقطع نفسي وأنزل القبر ما أعتبر أني وفيت حق الله على تلك النعم.
مع احترامي :
كان المفروض قبل الانتخابات بشهرين يكون في دورات للمرشحين وتثقيفهم على :
1- عن عمله فالمجلس
2- طريقة الاعلان وكيفية استخدامه
3- عدم اعطاء الوعود التي لا تخص المجلس
4- عمل موقع على الانترنت لكل مرشح وسيرته الذاتيه
5-قاعة الاجتماعات تكون في اماكن معروفه لحضور الناخبين
رحت قبل ما اطلع للمطار وقفت في الصف وشفت السالفة طولت وباقي القليل عن السفر فرحت بدون ما أصوت للي في بالي
اقترح يكون التصويت على ٣ ايام يعني يوم محدد ماتعرف شو ظروف الي ماصوتوا في اليوم نفسه فالتصويت يروح عليهم وهذا اتوقع احد اسباب الي سببه نسبة المصوتين طلعت ضعيفة جداً.
اتمنى من الي فازوا في الانتخابات ان يمثلوا الشعب لا انفسهم وسنلتمس ذلك من خلال جلسات المجلس الوطني.
من كان يطمح للشعب ومن كان يلهث للوجاهه*
ضوابط المشاركة
رد مع اقتباس
