هندي يغطي سيارتة بنقود معدنية

[أميرة الفرح]

الله كريم بس ....

[وصلاوي]

يعني هذا اسراف واللي مزين سيارته وغيره بمئات والاف الدراهم غير

الفرحة حق للجميع ومن حق الجميع يعبر عنها بالشكل اللي يبغاه ولكن دون تجاوز القانون

والسموحة

[فطوم زخوه]

شو تقولون انتو

اونه يلعب بالنعمه

ما بيعقها في النهايه هووو

بياخذها تراا

شو هالعقوول

بس الصراحه فكرته جنونيه .. عن يسرقون سيارته ..

[الكابتن]

فيه قاعدة معروفة للجميع: كُلٍّ يرى الناس بعين طبعه

هالأخ بغى يعبر عن حبّه للإمارات و رغد العيش اللي يشوفها في دولتنا الحبيبة

عين طبعه قال له: ليش ماتظهر حبّك لهاي الدولة بوضع الفائض من عملاتك المعدنية في سيارتك وزيّنها بالشكل الجذاب ...

ناس ما تحب تحط ولا شيء بسيارته بس حبّه للدولة جارف و ولاءه مطلق

شاعر يلقي قصيدة أكثر من 100 بيت حباً في الدولة ليش ما نقول عنّه مسرف واختصر في قصيدتك

فارحموا انفسكم من نقد الآخرين لو سمحتوا...نفسياً بترتاحون

[راعية النيسان]

الواح ديعبر بفرحته يحط علم
مو يلعب بالفلوس
حد يلصق فلوس على السيارات عقل ماشي
لو متبرع فيهن ولا كافل له حد أحسن له
مو انه يتمشى وهو لاعب بالفلوس وخيرات البلاد
ماقول غير لاحول ولاقوة إلا بالله

[khullah]

هاذي النعمه اللي يالسين تلعبوا فيها والله في ناس محتاجينها لسد ديونهم

[بحر الذكرى]

حتى لو هندي شو يعني ما يحتفل

لكـــــــــــــــــــن بحدود من غير اللعب بالنعمه

الجميع يشارك ويعبر عن فرحته بغض النظر مواطنين ولا غير مواطنين

[ع الدرمكي]

اللهم لا تآخدنا بما فعله السفهاء منا ..

[حياتي و محلاها]

حلو

بالعكس حرم علي

هذا يدل ان فرحة اليوم الوطني مب بس للمواطنين

الكل محتفل ومستانس بهاليوم

[Eve]

ما شاء الله فكرة خطيرة وما بتخسره شي كون الفلوس بترجع له لووول