ماهي احسن هدية عند الرجل؟

[ملاك المشاعر@]

عطور وساعات وقلم وبزمه متى تشترين لي خخخخخخخخ
اسولف تسلمين ع الطرح

الله يسلم غاليك
ربي يحفظك ولا يحرمنا من مرورك العذب
مودتي لك

[عادي شو يعني]

والله وايد شغلات صارت الحين في عيون الشباب ...من سوع وعطور وبزم.......واحلى شئ يوم اتسوين كلكشن كامل من هالسوالف واتحطينها في بوكش مرتب عند اي محل تغليف.....ولا يزال العطر عند الرجل من ارقى الهداياا

[ملاك المشاعر@]

تسلمي حبوبه
ربي يحفظك

[عبير الأقحوان]

على حسب اهتمامات الرجل تهدينه

اللي يحب الكشخة:

أقلام ماركات
نظارات
أبواك
بزم
سوع
عطور
عود ودهن العود
نعول
كنادير ختم
مستلزمات السيارة
..الخ


اللي يحب الاكترونيات

موبايل آخر موديل
لاب توب
navigator >> ما اعرف اسمه بالعربي
home cenima
أدوات الحلاقة المتكاملة شي منها استخدام منزلي وشي منها ياخذها معاه الحلاق (الألماني ممتاز)


اللي يحب ألعاب الفيديو

أجهزة الفيديو جيم مثل
بلاي ستيشن 3 مع مجموعة من الأشرطة
الـإكس بوكس مع مجموعة من الأشرطة
الويي مع أكسسواراتها
إذا الاجهزة موجودة ممكن مجموعة كبيرة من الأشرطة!!
واذا يهتم بالانمي ممكن أشرطة انمي!!!!!

إذا كانت اهتماماته الكمبيوتر)
لاب توب جديد وإذا عنده ممكن الكمبيوتر الثابت مع الطاولة والكرسي >> اللي يقعد وايد عالكمبيوتر للعمل بالذات يفضل الثابت !

بعض أكسسوارات الاب توب:
طاولة لاب توب ومراوح - هيد سيت بلوتوث - قارئ النصوص ..الخ
هارد دسك بمساحة عالية
من ايكيا شي مكاتب لترتيب السي ديهات!!
ومن- دي جي- (ابن بطوطة) وايد شغلات للاب توب
برامج كمبيوتر جديدة
كتب برمجة (للبورفيشينال)

وشي رناس تحب سوالف الكراج *_*

ممكن تشترين له غرفة تركيب (تصير مشغل) وبالداخل أرفف وبوكسات وطاولة للعمل وبجذيه يصير هالمكان ستور لهالخرابيط

او صندوق كبير وداخل تحطين مجموعة من المستلزمات اللي عادة يحتاجهن


لكن أذكر بأن /

من المهم انه الهدية تكون من ذوق الرجل وليس من ذوق المرأة

[ام خماس]

وانا بعد اقول ساعات وعطور

تسلمين اختي ملاك

[إمـرأه لا تُنسـى]

السلام عليكم ورحمة الله وبركاته



ساعطيكم فكره مهمه بالنسبة الهدية التي تهديها للرجل..

لأنه لربما سينسى بعد فترة ماذا اهديتيه ..


ولكنه من المستحيل ان ينسى الطريقة الرائعة التي اهديتيه اياها ..

و لو كانت الهديه بسيطة ..


فكلما كانت طريقة اهداء هذا الرجل بطريقة مميزه ولا تُنسـى..

فانه لن ينسى هديتك مدى العمر ..

وستكون بمثابة أجمل هديه تلاقها في حياته ..


مثلا .. حركة ارسال الهديه الى عمله بطريقة مميزه .. تثير الانتباه ..

أو عمل حفلة مفاجئة .. مع ضم الاسرة .. وهكذا ..

وان كانت للزوج .. تقديم الهديه في جو رومانسي خارج او داخل المنزل..

وهكذا


حفظكن الرحمن

[حياتي و محلاها]

أي شي ما عنده

[Dreamy Girl]

عطور ساعات نظارات شمسية وشكرننننننن