عروس تشترط احضار ورود العرس من هولندا وتوزيع عطور من فرنسا على الحضور وكوشة بـ 70 الف درهم..والنتيجة طلاق بعد 3 شهور بدبي..

[الحالم]

هذي الزوجة هدفها من الزواج
تدمر زوجها وبيتها وعيالها
والحمدلله أن الزوج عرف بمكائدها وطموحاتها
إللي نهايتها الديون ومن ثم السجن
هذي مال المول والصالون والسينما وكوفي شوب والسفر والسيارة وتحت ايدها خدامه
ومربية لعيالها وسواق يودي العيال للمدرسة لانها تقوم الظهر ,,
وطباخة .,., يمكن شافت مسلسل تركي حريم السلطان وقالت بسوي مثلهم
هذي ماتعمّر بيت .,., بل تدمّر بيت على رأس زوجها وعيالها .,.,
والله زين ماخطر على بالها ,,لازم يكون من بين المدعوين أوباما وشاروخان وميسي ورونالدو ومورينيو ومارادونا (مارادونا أمره سهل بيحضر لأنه في دبي) وبعد الأمير وليام وزوجته كيت .,.,
بعض الناس عايشين على الشكليات والمظاهر .,.,

[غـريب الـدار]

سبحان الله
والبنات يشتكون من العنوسة
ومايجوفون أنهم هم السبب من وراء عزوف الشباب عن الزواج
لاحول ولاقوة الا بالله العلي العظيم

[*مسك الإمارات*]

الله يكون في عونه لو ان ريال وهاي الطلبات بقول لها تمي عند اهلج احسن خسارة عليها كل هذا عشانها الله المستعان

[بوهزااع]

الرياال غلط والله يعينة. المهم الناس تتعلم وتفهم انه الزواج ستر للطرفين. صحيح انه فيه كماليات وطلبات تطلبها العروس في ليلة عرسها بس الشخص منا لازم يمد ريلة علي قد لحافة.
واتمني الستر والتوفيق لأخوانا المجبلين علي الزواج

[ع الدرمكي]

الله المستعـــــــــــــآان ..

[غرشوبة رااكـ]

لاحول ولاقوه الا بالله

[راعية خصب]

لا حول ولا قوة الا بالله العلي العظيم

أقلهن مهرا أكثركم بركة

[موسوعة الحب]

خلصوااااااا البنات شو

[غزلان الشماليه]

ههههههههههههه ما ادري كيف هاي البنت

الله يخلي نعمة العقل

يسلمو ع الخبر

[غلا العشاق]

حسستني مب شايف خير من يوم ياها الريل طلبت هاي طلبات
لو ياينها شيخ شو بتسوي أكثر من جذا وبتفلس الدوله