حملة إماراتية للمحافظة على راتب أغسطس..!!

[عشوقة]

مع احترامي لهم هالحمله مالها معني صرااحة
كل شي غاالي الحين .. وين بيتم الراتب !!!!!!

[خيماويه 1]

[align=center]للي أيقولون كل شي غالي

أنا أقول صح غالي لكن السبب الرئيسي أنتوا ياللي ماتيوزلكم غير (((الماركات))) وأترابعون وراها بسببكم كل شي استوا غالي



مايصدقون اييهم حد ينغزهم بريشه إلا عفد بويهك غصب وايخبرك وايقولك

(( شرايك بنظارتي غاويه؟؟)) أنته بعدك مابطلت مغارتك عسب أترد اجوفه شوي وبيطيح بحضنك وبيترجاك بس عسب ايبين لك وايقولك والله هاي ماركه خذتها بـ 2000


ولا النعال كرمكم الله نعاااااااااااااااااااااال كل لي فيه انه امركبين لونين فيه خضر وابيض ولا أسود ولا برتقالي بصنقل ولاسير ايقولك والله خذته ب900


والمشكله يوم تحدر وحده واتحاول تعرض شنطتها بكل الطرق المتاحه اتقول شوي وتحطها ع راسها وبتمشي جدام الله وخلقه عسب ايقوللها واااااااو شنطتها ماركه ويوم تسألها اتقول ((لا والله هب غاليه خذتها بحدود الـ12000))



ولا لي يتك وحده لابسه عقد خيط نايلون اظني ... اووووووووو عااااااااد خوووز عنها لا اتقرب صوبها ولاتحجب الشاشه اوقف وراها ولا حذاها من بعيد بتشوفها هب 24 ساعه إلا 120 ساعه اتبطل الشيله اتسمي عمرها اتعدلها ولا اتم الشيله ع خمرتها بس اما محيط الرقبه ممنوع اقتراب او لف الشيله عليها بس عسب اتبين عقدها لي خذته ب 30000 عسب يوم واحد

ولو كانت شاريه ساعه ماركه بو 25000 بتجوف ايدها امعلقه وكل حين بتسحب ايد العباه عسب ماتغطي ع الساعه واذا كان لبسها ايد طويله بتلبس الساعه فوق ايد اللبس وبتم اطالع ساعتها 24 ساعه هي ماوراها شي ولاعندها موعد بس حركه عسب جوفوني يعني ساعتي ماركه


عافان الله ... عافان الله اتلاقي كل واحد معاشه فوق الـ20000 و الـ30000 لافيه بركه ولاشي من البطره لي حاصله

قبل 10 من الشهر ولا 15 ايقولك ياخي فلست ماتم شي من المعاش




((طبعا استثني الناس لي عندها ضروف خاصه سوا عيال ومدارس ايجار او معيل وحيد للعايله وغيره))[/align]