ياريايل ليش ماتراقبون خواتكن البنات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[فرعون الفريج]

السلام عليكم

عجبني رد الاخت غوتشي

الموضوع جيد
مثل هالمواضيع تناسب الصحافة الصفراء والفضائح.

وفعلا مثل ماذكرت الاخت غوتشي الوقاية خير من العلاج ، وهالفئة من البشر خسروا الراحة النفسية ويعانون من مشاكل كبيرة نسأل الله سبحانة وتعالى العفو والعافية والستر عليهم وعلى أهلهم.

تحياتي

[المعزّب]

لازم تكون البنت رقيبه على نفسها ولا تجعل
الله اهون الناظرين لها لا اخوها ولا ابوها
بيدشون القبر معاها بتدشه روحها صح مهم
يراقبونها بس الاهم تراقب نفسها

[اماراتي وافتخر 40]

طلعات البنات بروحهن اكبر غلط..انا هالشي ارفضه نهائي..لازم اوي امها او ابوها او اخوها

بعدين ليش نستغرب انا من يومين انصدمت من وحده قالت لي حريم معرسات وماشيات بها السوالف..اعوذ بالله..هذا كله من كثره الاختلاط بالعمل اوي الرياييل..

رياييل معرسين وعينهم زايغه ورا الحريم...لا يحشمون بنيه ولا يحشمون معرسه ولا يحشمون ام وعندها عيال.....

العيب صار بعيد عن حياتنا وايد....عمل المرأه مع الرجل ما يسمح لها تعق التكلفه هالكثر ..رمسه ما تنقال الغالي وفديتك....هاي كلمات ما تنقال لريال غريب.....

البنت يبالها شده من صغرها....زمن تغير علينا..واذا تكلمت قالوا تخلف

[صوت راك]

للاسف صاروا البنات يطلعون من البيت لا حسيب و لا رقيب و الاخطر يوم تطلع بروحها خطر ( يطمع الذي في قلبه مرض )
حتى الللتي تطلع ويا لدريول بروحها
حتى اللي تطرش بناتها المدارس ويا لدريول

طلعت من الموضوع السموحة

البنات مثل الجوهرة لازم الام و الاب يحافظون عليها لين ما يسلمونها لزوج المستقبل , للاسف الحين كل حد لاهي بعمره , ما يجوز يزوجون وحدة هايته لواحد محترم لانه غش .

لابد من النصح و الارشاد من الصغر و تبيين هالاشياء و مضارها للبنت حتى للولد , لان الولد اذا سار يغازل او يغلط , الله يسلط عليه حد يتلاعب ويا اهله فبيته .

دور التوعيه لا يقتصر فقط على الوالدين و انما على المدارس و الخطب الدينية في المساجد و الاعلام و الشرطة المجتمعية .

الام مدرسة اذا اعددتها اعددت شعبا طيب الاعراق

[Bent khalifa]

انا اقول لازم المراقبة حق البنات اهم شي ستر بنات و بعد الاولد مثل شي
فيها ناس محترمين ماعندهم هذي خربيط و شي ثقة حق البنات بحدود
الاولد اذا مغازلجيه يمكن بيستوي حق اهله ( كما تدين تدان )

يسلمووو ع طرح نايس

["رو7"المشاعر]

ما في أفصح ولا أدل ولا أدق ... من قول الله تعالى : " إن الله لا يغير ما بقوم حتى يغيروا ما بأنفسهم "
يعني ربنا بغير حالنا متى ؟؟ اذا غيرنا ما في نفوسنا ..
اذا غيرنا أفكارنا ونظرتنا للأمور و نظرتنا للدنيا ككل يعني (( زدنا إيمانا بالله )) .. بغير الله حالنا ..

... الله يهدي الجميع ..

[ღ حبوب وطيوب ღ]

لاحول ولا قوه إلا بالله
أحس مؤ حلوه جي نقول راقبوا بناتكم
البنت لو من نفسها ماتخاف من ربها وماتخاف ع سمعتها وع سمعت أهلها مايحتاي بعد ان حد يراقبها
لان اللي بتغلط بتغلط سواء مراقبه او لا
وهي تعتقد ان اللي تسويه يستاهلون أهلها هالشي يضهر منها
مجرد رأي لا أكثر

[aframohamed1980]

شكرا ،،،،،،،،،،،،،،

[استراتيجي التفكير]

نعم غياب التوعية من الأبويين والإهمال احد أقوى الركائز التي تؤدي الى الانحراف ٍ

الله المستعان

أتسأل عندما يكون معظم المراهقين من الشباب يعرف أكثر من وحدة ماذا يعني هذا ؟

إذن بمقابل كل شاب بنت من أبناء الوطن المسلم وللأسف فما بالكم في بعض المراهقين

هاتفه لا يخلوا او لا يقل من أرقام عشر بنات

يجب ان ينتفض المجتمع ...

المشكلة أكبر من ما نتصور لابد بذل الجهود واستغلال كل شي من أجــل
الإصلاح لا الإهمال .

لكم اجمل تحية خيماوية شاكرين لكي غيرتك على بنات بلدك

[أم شهد86]

الله يهديهن ان شاءالله