رد مع اقتباس
يقولون في الامارات تنتهك حقوق العمال!!
1. في الدولة قانون عمل اشادت به كثير من الجهات، لأنه يوازن بين مصالح العمال و أصحاب الاعمال و يحفظ حقوق الطرفين.
2. العلاقة بين العمال و أصحاب الاعمال علاقة تعاقدية يعني يكون اساسها الاتفاق بين الطرفين والتراضي و الحد الادنى لشروط العقد اللي ورد من حقوق والتزامات في قانون العمل و مايجوز الاتفاق على خلاف هذا الا اذا كان في مصلحة العامل، و المفترض بالعامل انه مايوقع على العقد الا اذا كان فاهم الالتزامات والحقوق اللي يوقع عليها، و اذا كان ماعنده الثقافة الكافية فهذي مب مشكلة الدولة لأنه الدولة غير ملزمة انها تثقف رعايا دول اجنبية فهذي مسؤولية بلدانهم، و بالتالي بلدانهم تتحمل مسؤولية تثقيفهم قبل ماتسمح لهم بالسفر للعمل في الامارات.
3. انشأت الدولة لجان قضائية خاصة للنظر في النزاعات العمالية لضمان سرعة الفصل في القضايا العمالية و اصدار و تنفيذ الاحكام، وهذا من مصلحة العمال، إضافة لأنه القضايا اللي يتم رفعها من قبل العمال تكون معفية من الرسوم.
4. عند النظر في القضايا العمالية يتم التعامل مع العامل على أساس انه الطرف الضعيف في القضية الامر اللي يجعل القاضي يفسر اي شك لصالح العامل.
اكتفي بهذا القدر لأني احس انه يكفي، لكن باختصار اقولها أن العمال اللي يدعون انه حقوقهم تنتهك في الامارات عليهم ان يقارنون بين الحقوق اللي يحصلون عليها في بلدانهم و الحقوق اللي يحصلون عليها في الامارات و اتوقع انهم بيكتشفون ان الحقوق اللي يحصلون عليها في بلدانهم ماتتجاوز 1% من الحقوق اللي يحصلون عليها في الامارات، مثال بسيط على هذا الحق في العمل ، لو قدروا يحصلون عليه في بلدهم اللي المفروض تكون مسؤولة عن توفيره لهم ماكانوا بيسافرون للامارات و اللي وفرت لهم هذا الحق. واللي عنده شك في هذي الحقيقة يبقى في بلده.
لكن اعتقد ان المشكلة تكمن في انه المسؤولين في البلدان الثانية يحاولون يشوهون سمعة الامارات عشان يتجنبون مطالبة شعوبهم لهم بأن يعاملونهم مثل ماحكامنا الله يطول بعمارهم يعاملون شعب الامارات و المقيمين على ارض الامارات.
الله يحفظ الامارات و حكام الامارات و شعب الامارات من كيد الحاسدين و الحاقدين
