خريــــــجة مــــواطنــــة غلبتــــهآ الواســـــــــــطة

[راكيه ربشه]

كل علت شهادتك الدراسية زادت فرصك اكثر
السالفة موب واسطة انا الحين اداوم بنفس الوظيفة و نفس الراتب و نفس المسمى و على نفس الكرسي من 5 سنوات
و السبب موب الواسطات
الوظيفة هدي كان مطلوب شخص مخلص ثانوية و انا يوم قدمت كنت مخلص ثانوية
الحين انا مخلص بكالوريوس لكن مازلت على نفس الوظيفة و الراتب و المسمى الوظيفي لانه بالاصل هدي الوظيفة لحملة شهادة الثانوية موب للجامعي
انتي ممكن تكوني قابلتي على وظيفة لحملة الثانوية و انتي عندك بكالوريوس فما يعطونك اياها لانك بتكوني over qualified
و نصيحتي لك اذا تبين شغل مناسب للحريم و مطلوب جدا ادرسي هندسة ديكور او تصميم داخلي لانه وااااااااااااايد مطلوب

يا هلا فيك مره ثانيه.. =)

هيه صحيح كلامك كلما علت شهادتي زادت فرصتي لكن الاحباط ع الجهات العمل.. ما يشجعوون حد ..

انا قدمت اماكن مطلوب فيه شهاداتي بالظبط ومن غير تطووعي.. لكن لما اسأل قالوا ما شي مقابلات وخلاص وظفناا .. !!

الشكوى لغير الله مذله بس مقهوره... وبحااول ابداع وبنشوووف .. والله يرزقناا

[نبض انسان]

اختى انا متخرجه بعد وعندى شهاده بس ما يبونا لانى متنقبه

[راكيه ربشه]

اختى انا متخرجه بعد وعندى شهاده بس ما يبونا لانى متنقبه

وتستمر معاناة الخريجات !! الله يكتب لج الوظيفه يارب

[الكابتن]

الوزارات والدواىر الحكومية موقفة التوظيف من زمان....القطاع الخاص فيه فرص وظيفية بس يبالها صبر ومثابرة


سجلي بهيئة تنمية للموارد البشرية عن طريق الرابط التالي http://www.tanmia.ae/




ينصح بالحصول على درجة البكالوريوس فما فوق في الوقت الحالي

[راكيه ربشه]

الوزارات والدواىر الحكومية موقفة التوظيف من زمان....القطاع الخاص فيه فرص وظيفية بس يبالها صبر ومثابرة


سجلي بهيئة تنمية للموارد البشرية عن طريق الرابط التالي http://www.tanmia.ae/




ينصح بالحصول على درجة البكالوريوس فما فوق في الوقت الحالي

مرااحب اخوي.. ^^ لا مب موقفه توظيف وانا عرفت ناس توظفوا بواسطه ... لا قالوا التوظيف موقف ولا شي بس لأنه عندهم

فيتامين واو ... وهالشي بذمتهم.. هلكت من اروح لكن لا حياااه لمن تناادي .. والتنميه مسجله فيه من 3 سنين يعني من ايام الثانوية وما شي فايده

الله يعين الجميييع ..وجزييل الشكر على ردك الطييب .... يعطيك العافيه

[خليفة بن محمد]

بسم الله الرحمن الرحيم
شخباركم جميعا كلن ابخير وسهاله ياارب ؟!
اليوم من قهري كتبت هالموضوع لأني جد جد جد فقدت الامل في الحصول على الوظيفه المناسبه
بسبب الواسطه !!!!!!!!!!!
نحطي على كلمه الواسطه الف خط أحمر لأنه ضيع مستقبل الكثييييييييييييييييييييييييييييييييييييييييييييييير وأنا منهم
وأكتشفت انه فعلا الواحد ماله داعي يدرس دام عنده واسطه .. هههههه شر البليه ما يضحك والله شي محزززززززن
انا إنسانه تخرجت وكم شهر بكمل سنه ع التخرج وشهادتي دبلوم وطوول هالفتره وانا ادوور شغل من مكان
لمكااااااااااااااان .. ومن وقت الفراغ .تطوعت في شغل معين لعل وعسى أجد الوظيفه ويااااليتني ما تطووعت ..اكتشفت
فعلا بلاوي وخفايا .. تطوعت في مكاان داومت فيه قرابه شهر وشي . اكتشفت انه الواسطه شغاله عندهم 100 %
لدرجه انه كل ما اكون في قسم يديد أثناء التدريب يسألوني؟؟؟؟ بواسطه منو يايه ؟؟ لهالدرجه .؟ قلت لهم اطمنوا انا
فقط متدربه لا غير ولازلت في رحلة البحث ع الوظيفه.. عرفت وسمعت من البعض انه فيه شواغر عمل في نفس مكان
تطوعي .. وهالكلام قبل لأتطووع .. عشان تتوضح النقطه ..
ورحت اسأل وطبعا واحد من اهلي راح سأل عن الشواغر قبلي في هالمكان وقاالواااا بالحرف الوااااااااحد ..( لااا
شوااااااغر والكلام كله اشااعه ) وطبعا قلت خلني اروح اجرب حظي... ومن رحت سألت قاالواا فيه شواااااغر
كثيره والتسجيييل مفتوح ؟؟ هههههههههه شفتوا كيف الكلام تغير معاي.. انكروا مع الشخص الاول وجود الشواغر
ومعاي أنا قالوا بترحاب نعم شي شواغر .. ويبت اوراقي وردوا قالوا ما شي شواغر... شكله الواسطه خذت الاماكن
للعلم شفت موقف جداامي .. انه في واحد من اهل صاحب التوظيف يقدم اوراقه وويالسين يمشووون له الاوراق عيني
عينك .. والله قهررررررررررررررررررررر .. وعانيت معاهم وتطوعت شهر وشي مع شهاده ومكافأه ما تنطري
أبداا.. واثناء تدريبي شفت موظفين اقاارب عيال عم وبنات عم سبحان الله الصدفه جمعتهم في مكان واحد !! وناس
حتى الثانويه ما عندهم يالسين في أمااكن قويه ونحن الي متخرجين يالسين ندور بقعه بقعه لمنو نشتكي؟؟؟؟
وقدمت في وزاره ..... وبعدي بدق باب نائب المدير على طوول قاال ما شي تعييين؟؟؟ والله حتى ما سلم علي ولا شي
لييش هالاحباااط وهالاسلوووب؟؟ والله العظيم في ناس ما يستاهلون أمااكنهم.. اقل شي يرحبون فييك وبأوراقك عشان
يعطونك بس أمل ؟؟؟ بس شو بنقووول.. وقدمنااا وقدمنااا لكن لا اتصاال يأتينا واسمع ناس تخرجوا من الثانويه
ووظايفهم جاهزه بس عشان ابووه او ولد عمه او ولد خاله او نسيبه .... عنده واسطه وشغله.... ابي اكمل
دراستي لكن الي اشوووفه ما يشجع واحس الدراسه ع الفااضي دااام الواسطه تدمرررررررر مستقبلنااا..
درست وخذيت دورات وعندي شهادات حلوه لأني احب ابدع واطور ذاتي واجمع شهاداتي بس الي شفته
صدمه لي بصرااحه وصررت احاتي ... لمتى أدوور؟؟ وويين بحصل وظيفه داام اصحاب الواسطات يالسين يلعبون
خبروني شو الحل؟؟؟ ويين ادور الوظيفه ؟؟ للعلم الي طريته مب كل شي بس عشان ما اطول اكثرر وتوصل معاناتي ..
ليش مححد يعبرنا.؟؟ شو نسووي دام الابواب يسكرونه في ويهنا .. وين نروح نحن الخريجااااااات ؟!!!!!!

صورة تحاكي الواقع .

[راكيه ربشه]

صورة تحاكي الواقع .

هيه والله تكفوون واسطه هههههه .. الله المستعااااااااااان .....

الف شكرر على مشاركتك الطيبه =)

[راعي سوالف]

الله كريم

[راكيه ربشه]

الله كريم

هيه نعم الله كرييم.... واشكرررك ع الرد ...

[العريش1]

الحقوق مأكولة ...