بالصور : إماراتي يحوّل منزله إلى تحفة فنية تدليلاً لزوجته

[عليا السويدي.]

أهم شي البيت مسجل بأسم منو !!

صدقتي اختي

[عوايد العرب]

أنا قلت سي الحين !!
بما إنه هاوي تصميم فشي. طبيعي إنه بيعدل بيته مب لأنه يحب حرمته أو أننه من الطرق الرومانسية للتعبير خخخخ وبعدين أي أب يعدل بيته يت على شكل الديكور !!
بيتم الرجل. الإماراتي فاقد للرومانسية ؤمشتحيل يعبر عنها حتى لو بوردة

[راعي سوالف]

الله يرزق لمن يشاء

[الحالم]

أول صورتين ذكرتني بكابينات أو غرف عوائل في مطعم تاج سبايس عند سفير مول يعني تصاميم هندية

يعني سمك لبن تمر هندي ,ولون الأحمر طاغي ,مع ان اللون الأحمر يسبب صداع ,,وباقي الغرف والصالة

شفت هالصور في مجلات مثل زهرة الخليج وكل الاسرة قسم الديكورات

وأكثر هالديكورات ماتصلح للي عندهم عيال لأنهم يدمرون كل شئ وخاصة وسائد إللي على الأرض

لأن عمره 43 سنة يعني أكيد عندهم عيال ,يوم بتسير المفروشات أو مال الديكورات الراقية أو محل الثريات

بتشوف العجب ولكن كل شئ بحسابه ,,في ناس مخلين حديقة بيتهم كأنها جنة والجلسة فيها ترد الروح

الزوجة تحب زوجها وقالت بصوّر بيتي بدل ماأصوّر الأكل أو المطر نفس أمس,,وفوق هذا أكسب زوجي

ومستقبلاً يهديني هدايا ثمينة لأني سويت دعاية لزوجي ,وحرقت قلوب العذارى والمتزوجات,,

وأكيد الليلة عشاهم برع على حساب الزوج ,,لأنها وصفت زوجها وكأنه فارس و رومانسي ,,

يعني ضربت عصافير وغربان وبلابل وببغاوات بحجر واحد ,,

[نبض انسان]

هى يالحالم صدق سالفه راح تبط جبد مليون وحده مومحصله ولا شي من ريلها

[زهرة رااك]

الله يوفقهم ويسعدهم

[محب الامارات]

ما شاء الله

الله يبارك لهم

[صوت راك]

أحس عادي ووايد الوان , كل شخص و ذوقه بس انا عيبتني غرفة النوم بس

[المعزّب]

عفوا ..

مادري ش اليديد في الموضوع البيت جدا عادي ، والديكور ايضا وشي بيوت
بطريقه اغرب لكن محد درابهم ..

ماشفت فايده من طرح الموضوع مصور في الاعلام غير انه بيشعل الغيره و
بيولّد نوع من المقارنه بين الزوجات وازواجهم ليش ماسويت رغم ان الزوج
يمكن ماايكون عنده او ع الاقل بتقول الزوجات ياليت عند زوجي كان سوا
وهذا حرام يعني

ثانيا احس ان الافضل الاحتفاظ بالخصوصيات وشو سوا الزوج لزوجته هذي امور
يفترض ان تتم بينهم وغلط كبييييييييير ان انشر صور بيتي في الاعلام ويستوي
مثل السوق واللي ماايشتري يتفرج

اول مره يمر علي رجل عادي يتكلم في موضوع يفترض ان يكون خااص ..

تبقى وجهة نظر وان كانت مخالفه لنظريات البعض

والسموحه

[بوعواشي]

سويتوها سالفه . خلاص الله يبارك لهم ويهنيهم .