المشاركة الأصلية كتبت بواسطة uae_lady
شكرا على الموضوع يا اخي ..
بس حبيت اوضح بعض النقاط المهمه لهذا الموضوع أكيد بتقولون فيلسوفه ههههه بس انا من طبعي احب انصح يعني انا اخصائية بالاحرى ههه يعني لازم انصح ..
اولا : الطالب اذا فكر في أول نقطه وهي سبب وجوده في المدرسه جان مافكر بالخروج .. يعني الطالب لازم يفكر أهلي دخلوني المدرسه عشان يبون مستقبلي يكون باهر ، عشان أممن مستقبلي ، عشان حالي يكون من حال الناس يعني دارس وفاهم والناس مش أحسن عني بوايد اشياء ..
ثانيــا : العلم فريضه على كل مسلم ومسلمه .. وهذ اللي قاعد يصير التهرب من الدراسه يعني التهرب من الفريضه اللي الله فرضنا عليها ..
ثالثا : أولا وأخيرا الطالب هو المتضرر هو راح يخسر المعلومات لانه لما يتميرض الادراة تسح له بالخروج وفي هذه الحاله راح تضيع عنه حصص وفي حزة الامتحانات بيتوهق ممكن تقولون انه بتروحون عند معلم خصوصي ...الخ بس انتوا لو فكرتوا فيها انكم تخسرون أهلكم على أشياء موفرتنه الدوله يعني الدوله خصصت لكم معلم ببلاش ليش انا اسير أجيب لي معلم واخسر اهلي وأحملهم فوق طاقتهم .
رابعا : انا عن نفسي ما أظهر أي بنت من المدرسه .. أنا أتبع نظام معين وهو :
اللي إتيي عندي وتقول تعبانه أريد اروح البيت أقول لها : سيري عند الممرضه تكشف عليج تستقصي الموضوع .. اذا الممرضه قالت البنت مافيها شيء في هذه الحاله أنا ما اخليها ترد البيت أما اذا كانت مريضه أخليها تتصل في اهلها وتسير المستشفى .
ونص البنات إيون عندي يقولو ن لي أبله عندنا موعد خليني ادق حق هلي !!!!! اقول نعم !!!! ليش اهلج مايدرون انه عندج موعد ؟؟؟!!!!!!!! تقول اذكرهم أو ما يدرون !!!!! طبعا هالرمسة ما ادش المخ فاتصل حق ولي أمرها وأسأله اذا صج أو لأ وطبعا الغالبية العظمى كذابات وفي منهم بريئات .. وانا نصحتهم أنه لما بيكون عندهم موعد يفضل ايبون بطاقة الموعد وياهم المدرسة ويراوني عسب يظهرون .
مرات ما ارضى اطلع البنات المريضات تدرون ليش لانهم يردون البيت ويرقدون ومايسيرون المستشفى فيردون ثاني يوم تعبانات ويبغون يردون البيت فلو شو مايسون ما اردهم لانه هذا مش حل فقوم اتصل في اهلهم واخبرهم انه ع الاقل يهتمون في بناتهم يودونهم المستشفى مش يردونهم البيت وينخمدون ..
والسموحه ع الإطاله
العلم أهو سلاحنا وشكرا لكم
رد مع اقتباس
