مجرد اقتراح

[fahad abdulla]

هو صج صعب أشوي على البنات لان أهلي أنا من ها الناس ما يرضون بس لكن لو شافوا علاقتي بربيعتي قويه يسمحولي ازورها بالمناسبات والله ابغي يكون عندي ربيعات من كل مكان من الدوله وخاصه من الرمس لاني منهم بس بعيييييييده لا تسكرون كل الابواب بويهييييييي عني ما بخلي اقتراح ما بطرحه على الاداره على العموم مشكور على التواصل يا fahad

انا بقترح لج مكان اذا تحبين تتعرفين على بنات من الرمس

جمعية تحفيظ القران
كل خميس اعتقد
يوم خاص فالبنات ولا انا غلطان

[soso]

انا بنظري الشباب مع الشباب اوكى
اما البنات مع البنات شوي صعبه
اغلب الاهالي ما يرضون انه البنت تسير بيت ربيعاتها او اي مكان ,,

هذا راي والسموحه

انا لازقة بامي وين ما راحت وراحها ..ههههه
بس مرات اقول لأمي اني بروح بيت ربيعتي فتقول عادي بس عقب ما ترمس ام ربيعتي ..
وامي الحمدالله عندها ثقة كبير فيني ما بتتوقع مني شيء سيئ ..احمد ربي ..


واختي الفكرة حلوة بس باقينا نصبر الين ما يدخل واحد من الإدارين..ويطلعون لينا 100 اجابي ونص سلبي ..

[دلوعة أهلها]

طويل العمر انا مش من راس الخيمه علشان اسير بنصيحت انا اسكن بمنطقة تابعه لامارات الشارقة علشان جيه ابا يكون لي ربيعات من راس الخيمه والله تعقدون السالفه وهي ما شي أبسط عنها بس علشان الاداره ما يرضون يا أخي أنا قلت اللي يبى بس مش الكل يا أخوي fahad اسمحلي

[:: ماجد ::]

وعليكم السلام ورحمة الله وبركاته ...

تسلمين اختيه على هالقتراح الغاوي ..

انا اذكر انه طبقنا هالاقتراح في منتدى الرمس القديم .. و بصراحه كانت اللقائات بينا وايد اوكيه
و الشباب كلهم متحمسين

بس البنات كانو رافضين هالشي ..


نتريااا راااي لأعضاااء و الادراه ^^

مشكوره مره ثانيه اختي

•©¦ راشد ¦©•

السلام عليكم

كااانت أيام حلوة ^_~
ومستحيييل تنسى

’
•©¦ See YoU aGiaN ¦©•

[دلوعة أهلها]

والله الاقتراح مش إلا مني بس الإدارة الظاهر فهمتني غلط وياليت تسمحولي على الاقتراح مش لازم يطبق بها المنتدى وبصراحه كان في موضوع بغيت أوصلة لعضو بالمنتدى كان موجود بمنتدى آخر لنفس مشكلتي اللي كان لازم يساعدني فيها. بس وعني خلاص أنا غنيه أن يكون عندي صديقات من رأس الخيمة جان الصداقة بتيبلي هالمشاكل ما تم تنبيه إلا وصلوا لي مايسوى من أقتراح خلني بالمشاركات أحسن لي.

[الهوجاس]

انا من المعارضين وبشدة لمثل هالاقترحات والافكار ... الكل اخل بنكات مستعارة بعني انا مثلا لو كنت قليل التربيه ممكن ادخل بنيك نيم وباسم بنت واتحدي اي واحد يكتشف اني بنت فلو صار وعرفت ايميل اي وحدة من البنات وراسلتها ووثقت فيني بالتاكيد بعدها باخذ الموبايل وغيره .. طبعا هذا سيناريو ممكن يصير وبكل سهولة ... لحد هنيه وكفايه

[fahad abdulla]

عليك نور يالهوجاس ,,,

لاتزعلين مني يا اختي ,, فها الزمن محد يثق فحد

[بن خلف]

اعتقد صعب الاقتراح و اغلب الاعضاء وضح و اخوي فهد حط مقترح جميل

وشكرا لكم

بن خلف

[العتيبي]

أختي أنا ما بعقد لج السالفه و لا شي ...

أختي في تواجدج بالموقع .. عندج خواتنا المشرفات تقدرين تتواصلين وياهن اشوي اشوي

و على فكرة اي بنت عضويتها ذهبية هذي يعني انها بنت 100% يعني تقدرين تحاولين انج تتعرفين عليها

بس ياريت تخلين عضويتج ذهبية علشان هن بعد يوثقن فيج و يتأكدن انج بنت 100%

و مع الايام ان شاء الله تحصلين لج اكبر عدد من الصديقات الطيبات ..

و بعدها حاولي تتواصلين وياهن بشكل اكبر

و السموحه هذي مجرد اقتراحات

العتيبي

[دلوعة أهلها]

مشكور أخوي العتيبي على اقتراحك وبحاول أوصل ان شاء الله وياليت ينشل الاقتراح اللي طرحت أنا هو كان مجرد اقتراح ما له داعي كل هالسالفة انا طرحت اقتراح كان ممكن يطرح اي عضو اخر غيري ويلاقي الرد بالرفض او القبول صح ما ادري احسن انكم فهمتوني غلط