جمال راس الخيمه .......للذويقه فقط

[ملك بدون مملكه]

تسلمون على المرور ... يا عيون راك و soso >>> ها اكد انكم الذويقه ..

تحياتي لكم

[غلا الرمس]

ماشاء الله عليك يا اخويهـ ...

الصراحه عليك ذوووق رااقي ومميز ... اعجبني تصويرك

واختيارك للمناظر الرائعهـ ... يمكن الناس اتشوفها عاديهـ

بس لي عندهـ علاقهـ فالفن وحب الطبيعهـ راح يدرك رووعه هالصور

يعطيك العافيهـ يا اخويهـ على الصور الجميله

[ملك بدون مملكه]

شكرا على المرور والكلام الطيب .... بس مب انا الي مصور .. ماخذ الصور عن ربيعي وهوه الي مصور نصهم اعتقد ..

ما فيني بعد ... اكل حق حد ...

انا حبيت اراويكم ذوقي اني اخترت هالصور ...واشوف رايكم ....

[الجوهر المكنون]

الصراحة صور وايد حلوة
ماشالله تبارك الرحمن
تسلم ع النقل ياخوي العزيز الكريم



ويا سوسو , راس الخيمة بتستوي من احلى المناطق السياحية يووووووووم ((يووووم)) بيصلحون الشوارع , ولا اتخليني اعدد لج كم شارع

هذا اولا

ثانيا

في فرق بين راس الخيمة وبين بوظبي والشارجه
بحيث اغلب الباركانات يوم اتيي بتطلع ريوس , تطلع ع الشارع !!! لا حول ولا قوة الا الله
يعني الشارجة وبوظبي يوم بتطلع ريوس ... تطلع يالله بالهداوة على راحتك فالرمل وعقب اتيي ع الشارع ويالله ياليتها مسافة بسيطة لا
يمكن ماشالله 3 أمتار ولا أكثر

ثالث شي
انا اول مرة فحياتي اسمع حد يسوي بواليع فنص الشارع الا فراس الخيمة
يوم الواحد بيمشي فسيارته لازم يحاسب ع البالوعه !!!!


رابع شي . مافي الا حديقة وحدة !!


وخامس وسادس وسابع
كل شي عندي فلستة فمخي

من القهر شو اسوي
اسمحولنا هااا




والايجابيات اللي فيها والي مخلني احبها
انها مب زحمة شرات بوظبي والشارجة ودبي

وان مافيها جرايم شرات بوظبي و و و


وهذا بعد المنار الحلووو

والسموحة ماعندنا حد انظهر له الغيظ لوووووووول

[ملك بدون مملكه]

عندي عتب على الجوهر المكنون .......

اول شئ سوسو ما غلطت بشئ ..

ثاني شئ انتي من راس الخيمه ... لو لا مب من حقج ترمسين ...

ولو هي ... انا اقولج ... بلادي وان جارت عليه عزيزة.... من متى المقارنه صارت بالشوارع والحدايق .. نحن تكلمنا عن التراث ..

ولو عن الباركنات شو تبين يسون يعني يهشون البنايه اليجدام الباركن ولا يخلون الشارع سيد واحد بس عسب انتي تردين ريوس براحتج ..

يعني انتي تسوقي سياره ومب عارفه تردين ..انا اشوف ما يبالها سالفه اصلا ...

بعدين الاساس من قبل كان غلط عن البواليع شو تبينهم يسون يعني بكل مكان البواليع بالشارع بس انتي مب ملاحظه ..

اهنيه وانا ببريطانيا اشوف هالشئ .. وبعدين ماحيدها جسر ولا تكسر السياره اللهم بقعه بالشارع والسلام وماشوف فيها مضره ...

كم حديقه تبين يسون ... وانتو ياله بالسنه مره تسيرين ..والي اعرفه خسرو وايد هالسنه للحديقه وطوروها للاحسن ....

وشو سالفة خامس وسادس اذا وصلتي لل 100 من السلبيات ترا في دبي وبوظبي بوصل لج لل 1000

هاي يلادنا ربينا فيها وتعلمنا ..كم يسوى ناسها والجيره ..ماعتقد فبوظبي ودبي شراتنا ....

متمرده على الواقع ....سوري على الكلمه ... بس مثل ما يقولون .. ما يعيبج العجب ولا الصيام برجب ..

اتمنى ماتكون مقارنتج بهالاشياء الي ماعتقد بتجدم ولا بتاخر ....

قارني بالمساجد لو تبين ... كم مسيد في الرمس بس وكم مسيد في دبي ..

الكلام وايد .. ومابا اسوي فتنه بس ها توضيح ....

والسموحه من الكل ...

[أمـــــواج]

ماشاء الله شو هالابداع كله ,,

صووووووور كششششششششششخه ,,

تسلم اخويه على الصور ,,

ظهرت ذويقه هع هع هع هع

[الجوهر المكنون]

اول شئ سوسو ما غلطت بشئ ..

اللي استوقفني شي واحد ... اللي هي هالجمله ...

السموحة لو فهمت ((القــــــــــصد)) من كلامي غلط ..

بس سوسو نعم ما غلطت ... من حقها تتطلع بمستقبل مشرق لامارتها ...
وامارتي هي أيضا

وانا مااتكلمت من هباء >>>الا لمجرد غاية في نفس يعقوب...


وجميل اللي بحت به ..
كيف غابت عن بالي عن النقطة ماعرف !!!
ماشالله عليك

طبعا
راس الخيمة ... امارة ا((لتراث)) مثل ما اتفضلت اخي الفاضل..
الجو ماشالله والحياة الشعبية اللي يفتقدونها باجي الامارات
ومااتهنوا في تراثهم وايد بسبب الثورة العمرانية تبارك الله في دبي وبوظبي والشارجة والعين و و


همسة:اشرب ماي بارد وهدي اعصابك ترى وجهات النظر المختلفة لابد من انها ماتمحي ((الــــود))


اسعدتني المناقشة معك
والسموحة

[ملك بدون مملكه]

انا حبيت افهمج .... بس وكلن برايه ونظرته .....

ولا تحاتين ماشئ زعل .......ولا عصبيه ..........

شكرا امواج على المرور ...........

واسعدني تواصلج وتفهمج يالجوهر المكنون ....

[Smily]

صور اكثر من رايعه

ابدع من التقطها

تسلم اخويه عالمشاركه

[ملك بدون مملكه]

العفو smily >>>>

وشكرا على المرور ..