لا يفـوتكم " برنامج زمان لـول "

[فخر بلادي]

[align=center]
اولا :السلام عليكم ورحمةالله وبركاته

تسلمين اختي الشاعرة الصغيرة ::

"|"

الصراحه البرنامج ماشاء الله وايد حلوو ..والكل يرمس عنه ..وكلام الناس الايجابي يدل على نجاح البرنامج ونجاح المذيعين الي يقدمونه ويعدونه ..

اختي مسكـ الاآمارات ..

انتي اتقولين ان الفكرة حلوة انا معاااج ..بس تقولين ان المذيع المتالق في سما الاعلام الاستاذ ابراهيم الزعابي والمتألقة دايماا الاستاذه حليمه الرئيسي من بوظبي ماا عنده المام واسع عن تراث راس الخيمة والاخت حليمه من امارة ثانيه بس حبيت اوضح لج ان البرنامج ما يتكلم عن تراث امارة معينه يتكلم عن ترااث الامارات عامه ..وفعلا هم ما وصلوا الا الشي الايجابي من التراث واذاعة راس الخيمة دوم المذيعين الي فيها ما شاء الله من اخير المذيعين والمذيعات وتقولين ان الباكستاني ع قولتج يحل مشاكل الناس ها الباكستاني ع الاقل عنده يمكن اكثر عنج المام وخبره في المجال الاعلامي والاجتماعي اكثر من غيره ممكن ان سكان الامارات ما يعرفونها وهو متربي ف الامارات مب شرط ان يكون موااطن على حسب كلامج ..
ع الاقل وصل للناس والناس تدعيله بالخير لان سوى الي عليه ..
والبلوشي واللبناني ع قولتك هاااييل ما شاء الله عليهم من اخير المذيعين والاعلامييين في دولتنا الي فعلا الكل يتمنى انهم يقدمون ويوصلون رسالة الاعلام بصورة صحيحه ...

وهم ما قصروا ..للاعلام الشرف بوجود هالوسط الاعلامي سواء كان البلوشي والباكستاني واللبناني وغيرهم ..
واذا ع قولتج هم ما وصلوا المعلومه التراثيه او ما وصلوا لعمق التراث بالصورة الصحيحه ..
اتصلي للبرنامج وانقديه .. والحمدلله هم واثقين بالي يقدمونه لابناء هالشعب ولبلادهم ..

واتمنى انج ما تحكمين ع الناس بهالصورة كل مناا يتقبل النقد بس مب لهالدرجه ..

والسموووووووووووووحه
[/align]

[*مسك الإمارات*]

السلام عليكم قبل كل شي انا احلف والله ثم والله اني ماكتبت ها الكلام واليوم وصلني خبر بالرمسة المكتوبة وانا مادخلت النت من يوم الخميس كان لي اخردخلة وما كتبت اي شي بس رد على المنتدي لإمارة راس الخيمة وعن التراث شفت بس ماعلقت ولا كتبت اي شئ عنهم وانا غلطانة اني وثقت ببعض الأخوات الخاينات وسو فيني خساس الله لايسامحهم واليوم حاولت افتح النت ملعوب بالباسورد مالي وانا غيرت الرقم السري وما يقدر حد يدخل الحين او يتلاعب فيه واي وحده بتسألني ما بعطيها الرقم السري ما كنت متوقعة هذا الغدر يصير منهم بس لو اعرف منو ماسكت عنها وانا سألت منو مطرش قالوا ما طرشنا شئ والله كريم اكيد بتنعرف وانا مالي حق اتكلم في اي واحد عن الأخوان إلابكل خير وحليمة وابراهيم اخوان عزيزين على وخاصة حليمة غالية على وما ارضى اني اجرحها بكلمة لاني اعزها ويزاهم الله كل خير على مايبذلونة من تجميع لتراثنا واحيائة للناس وتعريفهم بتراث الأمارات لناس واتمنى حتى الأجانب يتعرفون على تراثنا ولنا الفخر ان اخواني يذيعون تراث الأمارات وانا سمعت برنامجهم وهم مسوين مقابلة وفي اتصالات تثني عليهم وانا كنت فرحانة لانهم متألقين قادرين وقدروا يوصلون المعلومات لنا وللجيل الجديد بصراحة عفية عليهم وهم والله تاج ع الراس وجزاهم الله كل خير وبرنامجهم وايد حلو ورائع بدون مجاملة لانه مجهود شخصي فالأعداد والتقديم وانا جدامهم قلت ومن وراهم اقول مشاء الله عليهم مبدعين وانا اعتذر عن كل كلمة انقالت في حق جميع المذيعين بس الواحد يتأكد من الرمسة قبل مايظلم حد الله كريم اختكم
*مسك الأمارات*

[ولدراك]

[align=center]
اذاا جيه حقج علينا نحن ما حبينا ننقد البرنامج لانه

البرنامج ما عليه كلام والكل كان يترياه وكنا اندور على هاي البرامج

من زمان لانها تعلمنا على ماضينا

والسموحه
[/align]

[وردجوري]

[align=center]
في البدايه احب ان تكون لي بصمه في هذه المشاركه لي ك بدايه

بالنسبه للموضوع والبرنامج جدا جميل ومفيد لجميع الاعمار ف هوه يخلط ما بين الماضي والحاظر ويرتقي بالمشاركين فيه ويعلمنا مالم نعلمه في مدارسنا وينور لنا ماضي اجدادنا ولينير لنا حاظرنا ويعلمنا الدرب الي نسير عليه
احب انا نوه لبعض المشاركين اليذين قالو بأنه هنالك تفرقه عنصريه في البرنامج علما بأنه لاتوجد تفرقه في ما بيننا واننا ابناء دوله واحده كلنا نسري على ترابها

من اقوال القائد المرحوم الشيخ زايد بن سلطان رحمه الله عليه ( من ليس له ماضي لا حاظر له ولا مستقبل )

وفي الاخر احب ان اشكر القائمين على البرنامج وعلى المنتدى الطيب
شـكــ وبارك الله فيك ـــرا لك ... لك مني أجمل تحية .
[/align]

[النسر الجريح]

السلام عليكم

يا جماعة الخير .. كثر الكلام حول المذيعين والله يعينهم ..
بس انا اتابع كل برامج راك اف ام .. وما سمعت عن البرنامج الا تكلمون عنه .. زمان اول ..

ممكن تخبرونا عن وقت البرنامج وفي اي يوم بضبط ..

وشكرااا .. وبالتوفيق للكل بسكم هجووووم على الناس ..

[النسر الجريح]

[gdwl]
شـكــ وبارك الله فيك ـــرا لك ... لك مني أجمل تحية .
[/gdwl]

[شقاوي راااك]

هلا شباب ..

شوووووو السالفه كلكم حاطين على الاذاعة ترا مب زين هاي مب رمسه ..

اختى الشاعرة الصغيرة .. مشكورين على الموضوع .. بس ممكن تخبرين عن اي قناة تتكلمين او اي إذاعة هذا البرنامج .. منو هاذيل المذيعين انا اول مرة اسمع عنهم ..

وانا ما اقدر ارد على الموضوع قبل ما اسمع البرنامج الا تتكلمون عنه ..

وشكرااااا

[وردجوري]

اقو خلو عنكم الكلام الذي لايودي ولايجيب كنه دولت الامارات مافيها اذاعات والا مذيعين الا في راس الخيمه ليش ماتتكلمون عن المذيعين الي في الاذاعات الثانيه ولبرامج الثانيه بس طايحين اذمون في المذيعين لي في راس الخيمه وذاعة راس الخيمه وسموحه.......

[*مسك الإمارات*]

السلام عليكم اخوي النسر الجريح واخوي شقاوي راك اولا البرنامج يبث الساعة 12 الظهرعلى am يوم الخميس والمذيعين المتألقين هم ابراهيم الزعابي واختنا الغالية حليمة الرئيسى ويتكلمون عن زمان اول بصراحة البرنامج وايد حلو واتمنى تسمعونه وهو مفيد للمستمعين ويذكرنا بالماضي الذي مابننساة يوم الطيبين مامقصرين وحياتي لهم بكل اشواقي

[جنية متنكرة]

ياجماعة الخـير البرنامج اكـثر من رائع . حتى الانسان الأطرش إللي مايسمع ولاشـيء.. بعد يقول عنه حلو .
واقول حـق النسر الجريح وشقاوي راااكـ ههههههههههه هههههههههه ومشكورين على الكـلام الطيب