شو أكبر سالفة سويتها فالمدرسة وتعاقبت عليها؟؟

[قطوسة]

وايد سوالف صراحة يالله على ايام الشغب
بس ما انسى سالفة فضيعة

حطيت عقرب بلاستيكي وفار للميس بدرج المكتب

ولما فتحت الدرج عشان تطلع اوراقها صرخت ووقعت


وعاقبوني باسبوع ما ادش المدرسة


الحمد لله كبرنا وعقلنا

[امير بكلمتي]

هههههههههههههههههههههه

[ربشة]

ههههههههه...انا في مرة بس بالغلط ..يعني والحمدالله محد كشفني ..

يبت وياي موبايل بالمدرسة وكنا بها اليوم رايحين رحلة ..بس الحمدالله ما كشفوني ..بس خبيلة ما راح أعيدها

[نورالبدر]

احم .. رائعة دقآيق المدرسة التي نعيشهآ في زوايآها~
وما أكثر الموآقف التي واجهت نورالبدر ! وخآصة في المرحلة الإعدادية..

عاد أنا كنت زعيمة العصآبة~
وكل الوآجبات اللي تعطآنا إياها المس..
تكتب اسمي أول السطر في السبــورة..
عسب أكون في الصورهـ أول وحدهـ بنسأل عنه !! =(
كنت اغمممض..~
باليوم الثاني لما يت المس تسألني عن حفظ القصيدة..
طبعاً وأنا مبتسمة.. أبلاااااهـ ما حفظتهاا !! >> لوول..
وقآلتلي وهي عاقدهـ الحواجب / اوقفي ورا وارفعي ريل وحدهـ..
خس الله بليسهاآآ تتحراني نعامة !!..
ووقفتني طول الحصة !!..

^^ موقف من موآآقف عدة..

[بنت الذيب]

انا صارت وياي وايد مواقف

وكله انطرد من الحصص وهذا كله عشان اسولف ويا البنات واتمصخر ع المعلمات لووول

[عاشق الاصفر]

في سواالف وااايد سويتها انا وربعي .... كنا ندخل انقع شلق في الصف ... في حصة الانجليزي .. وهو حليلة على نياااته ... ويقولنا بيطردنا بس . ما يطرد .. ههه ياليت كل المدرسين شرااته ....
اما السااالفة الي تعاقبت عليهاا هيي ... اني يوم جكوني اشرد من المدرسة ... اتصلوا في ابوووي خخخخ
كان ما يمر يوم الا وانا شارد فييه ...... واوني كنت متحدي مع وكييل المدرسة .. اذا جكني .. يسوي الي يبي وهو قال بيفصلني اذا جكني ... بس مب هو الي جكني ... مدرس المكانيكا الي وداني عنده لاني اتاخرت عن الدرس .. بس يوم واجهته ما قدر يسوي شي الا يخبر ابووي.. ما همني شي غير اني فزت في التحدي لوووووووووول

[ساحرة القلوب]

أنا صارت لي وااااااااااااااايد مواقف بس أذكر يوم كنت بصف العاشر
بالحصة الفيزياء كانت المدرسة التراقب الطالبات ع أساس التشوف منو حلت الواجب
أكيد كنت حله الواجب بس كنت فالتلك وقت كنت صرحان بشيء و بنات عاد كانت كل وحدة تنقل أن ثاني
و عاد مدرسة ما أتحب وحدة تنقل من ثاني الواجب فطلب مني ربيعتي لي ممكن منج مذكر قلت أوكي جان عطيها
جان أتيي مدرسة و كانت متعصبه مني جان الطلعها جان التقول لي ليش تعطين لأي طالب مذكرتج جان أقول أنا جان التقول هيه أنتي جان تتحتشرني و تتعصب علي لين ما وقفتني وراء
بس الحمد لله ما نقصت درجتي أهم شيء أنها ما تنقص درجتي

[قد الحب]

اكبر شي سويته الصراحه وبدون خجل هع

غشيت بحظور المديره وطلبت مني حظور ولي الامر بس انا طنشت والاهل للحين مايدرون هع

[Angel Eyes]

[align=center]
بس انا مس... ومن المواقف إلى صارت لي في المدرسه
انا طبعا مس ما تعرف العصبية ولا أحب ادخل الاداره ببناتي مباشره للاهل
مره من المرات حصلت هزبه من المديرة جدام الطالبات، وانا ما رديت لها، خليتها تنحر زياده
ومن يومها علمتنى اكره الناس، وصرت عصبية شوي وقلت لازم أرد كرامتي
في يوم من الايام تقريبا كل الصف ما حال الواجب، وكنت عاطتنهم واجب محترم يعني يمكن ثلاث أو اربع صفحات من كراس التمارين، وطرشت بنت اتنادي المديرة والاخصائية لهم، كانت المديره تحت انا سامعه صوتها من قبل
المهم البنات الشطار الاوائل بعدما حالين عشان عندهم امتحانات فصليه
ودخلت المديره ... وشافت كل الصف واااقف، ما اتوقعوا البنات انى اناديها، بس سويتها
صارخت عليهم، وقالت لهم ليش ما حليتو الوااااااااااااااجب، ردت عليها وحده وسكتتها
تعرفون بعدين شو سألتهم المديره، قالت أكيد المس ما شرحت لكم عشان جذيه انتوا ما حليتوا الواجب
رديت عليها انا حليت كل التمارين مع البنات إلى في كراس الطالب + سويت لهن ورقتين عمل وفي كل مره أسأل منو ما فهم وأعيد للي مافهموا
جان اطلع وحده وقالت لها حلي هذا التمرين كان تمرين طويل بس حلته صح، وبعدين قالت لهم يعني الغلط مش من المس الغلط منكن وهذي المره سماح بس المره الياية خصم عشر درجات، وحلفت لهم اذا سمعت اي شكوه لطردهم من المدرسه
وكنت اتمنى انا اشل كشي من عندها بس ما رضيت
المهم هذاك اليوم البنات غمضوني واااااااايد، بس حسيت رديت اشوي من كرامتي
بس هاي السنه ناوية عليهن بشر ، الله يعينهم
[/align]

[وزيرة التربية]

إتقي الله هذا وإنتي Angel
الله يعينهم.....