مسلسل أوراق الحب

[s.b.h.m]

لا تعليق...

[رمساويه يديده]

[align=center]
اخواني وخواتي بدون زعل ملا داعي للمجاملات ولاتقولون ان هالمسلسل يشوه سمعت بنات البلاد


بالعكس هالشي يصير في دولة الامارات وبدرجه فضيعه


ياما مرت علي مواقف وتصير جدام عيوني والعياذ بالله من الفتن
واهم هذه المواقف براكـ المعاهد
والمولات وآخر موقف صار كان بالشارع الكويتي

ولاتقوولون انه مايصير وطبعاً مب كل البنات يسون هالشي ولا كل شاب يرضى بهالشي يصير لبنات بلاده

الله يستر على بنات الناس والله يهدي من مثل هالبنات

لاتحطون اللوم على المسلسل ولاتقولون انه المثل مادري من وين والمثله مادري من وين والمخرج شو جنسيته

كلنا عيال آدم وحواء وربنا واحد

ياليت من الاداره ماتحذف جزء من كلامي ولكم جزيل الشكر
[/align]

[TOY STORY]

أبشركم ... بينزل بارت تو قريب .. أحتمال برمضان عقب الفطور .. بيصك عنقموش .

[@ وعـــد @]

اتابع المسلسل ولكن للأسف وبكل صراحة المسلسل يعطي فكرة وانطباع سئ عن مجتمع الإمارات ولا يعبر عن عادات وتقاليد أهل الإمارات بتاتا .. وقصصه كلها تدور حول الحب بين الجنسين والمشكلات الأسرية التي غالبا ما يكون سببها الحقد والضغينه بين الأخوان وايضا الاختلاط المصرح به بالجامعات حيث ترى الصداقات بين الشباب والفتيات وعدم وجود قيم اخلاقية او دينية او مجتمعية .. هذا بالإضافة الى ان المسلسل أشار وبكل وضوح الى انسياق الشباب الإماراتي الى غير المواطنات ..

ناهيك عن ان أغلب الممثلين لا يمتون بصلة الى مجمتع الإمارات البطل كويتي والبطلة مغربية والمخرج أردني ..ألخ


لا ادري أين دور الرقابة على مثل هذه المسلسلات وهل تطور الدراما الإماراتية بالخروج عن عادات المجتمع وتقاليده وإبراز الشكل السلبي للمجتمع ؟؟؟

[^بنت راشد^]

انا اتابع المسلسل

بصراااحه المسلسل ما ليه أي هدف!!!!

[ميمي فلاحيه]

والله انا ماشفت الا شوي منه حسيته ثجيل ع القلب ,,ووين اللهحه الاماراتيه غير شوية يا ختيه ,,و15 الف درهم ,,واللي مغصوب غصب عشان يرمس اماراتي ,,شو نحن هب اغبياء ,,قال اماراتي قال ,,صراحة ماتابعته ابد وماشفت حد اماراتي فيه ,,وثاكيو

[الأميره الناعسه]

[align=center]
اخواني وخواتي بدون زعل ملا داعي للمجاملات ولاتقولون ان هالمسلسل يشوه سمعت بنات البلاد


بالعكس هالشي يصير في دولة الامارات وبدرجه فضيعه


ياما مرت علي مواقف وتصير جدام عيوني والعياذ بالله من الفتن
واهم هذه المواقف براكـ المعاهد
والمولات وآخر موقف صار كان بالشارع الكويتي

ولاتقوولون انه مايصير وطبعاً مب كل البنات يسون هالشي ولا كل شاب يرضى بهالشي يصير لبنات بلاده

الله يستر على بنات الناس والله يهدي من مثل هالبنات

لاتحطون اللوم على المسلسل ولاتقولون انه المثل مادري من وين والمثله مادري من وين والمخرج شو جنسيته

كلنا عيال آدم وحواء وربنا واحد

ياليت من الاداره ماتحذف جزء من كلامي ولكم جزيل الشكر
[/align]

للأسف نحناا ما نزعل من صرااحه الأخريين بل نواجهها ونحاول نبدي رايناا فييها ؟؟
وليش يحذفوون كلاامج ما اعتقد فييه نوع من الصحه ..


اصلااا المسلسلاات الخليجيه باتت فاشله وهيه أساس انحرااف شبابناا وبنااتناا هالأيام .. مشكله المسلسلات .. قصه حب .. بويات .. نصب واحتيال وضرب مبرح لحد التخلف .. وغيره وغييره وهذي الجوانب ما ننكر انهاا موجووده بس في نطاق محدود .. أو في دوله خليجيه أخرى .. ومثال وواضح مشكله البويات في دوله الأمارات ما كناا نشهد مثل هذه الحالات إلا بعد عرض مسلسل عديل الروح إلي أثار الجدل حول ذلك .. بالمعنى انه هالشي ما كاان معروف من قبل بس بثه وعرضه بصووره غير لآئقه أثر ع عقلآنيه المشآهدين وبالتالي اكتسبوا هالشي وحسوه عادي وبأي ووقت بيهتدون نفس ما صار بالمسلسل ..!!...

ثانيا مسلسل أوراق الحب بمعنى الكلمه فآشل !!... الصرااحه قهرر قبل بث البرناامج اعلاانات ولغه اماراتيه بحته والكل يترقب ولكن الفاجعه أكبر .. انا ما ادري ليش بالمسلسلاات يركزون ع الشي الضيج والنطاق المحدود ؟؟ يعني يمكن 2% يصير جيه بالأمارات ؟؟؟ انا اول مره ادري المواطنه عادي اتسافر دول اجنبيه عسبت يزوجوونها من ورا اهلها ؟؟ يا تري كم نسبة الي يسوون جيه ؟؟ لو كاان 50% هذا من حقهم ان يبثوا المسلسل بهذي الطريقه ... وغير هاا انا منصدمه من ووايد اشيآء اتصير انا ما انكرها بس بجد العقل ما يصدقهاا ومرات اقول بخاطري يمكن اهل العين وبوظبي دامهم المخصصين بالمسلسل تكون عندهم الأشيآء عادي ..وفي نفس السيآق لآزم قبل لا يعرضون المسلسل يعرفون انه اغلب الدول الخليجيه والعربيه بيشاهدونه فهم لازم يعرضون الصوره الحسنه لبلآدنا وعادتنا وتقاليدنا وكيف الحياه والتعامل مع الأخرين ما يشوهون البلاد بقصص ورواياات مالها معنى ..>< بحيث يوم اييوون بلآدنا ما يقولون هالشي عادي ومسموح عندهم .. !!


بس بيتم الواحد يقول هذي كلام مسلسلات والواحد لازم ما ياخذ منه والي عارف نفسه زيين بيحافظ عليها وارد انا اقول عقول شبابنا وبناتنا باتت محدوده ولاازم انثقفها بس ما اندمرها زوود زوود .. وغير ها المشاهدين الأطفال لهم نصيب ووايد من متابعه هالمسلسلات وغيرها .. ع عكس اياامناا كان الموضوع بحد ذاته عيب ..


والله يستر ع الكل ويستر ع الي ياي وياي وما سثبته القنوات التي تعرض المسلسلات الهابطه في رمضان وما تأثيرهم ع المجتمع .. !!


ويتم السؤال عن أين ذهبت فوازيرنا البسيطه وبرامجنا الهادفه والقنوات التي اعتدنا عليها منذ الصغر ان نضعهاا لأنها تبث كل جديد والآن نتجاهل وجودها بسبب ما تعرض من مناكر وهفوات وغيرهاا .. فهنيهآ لكل يا قناه الشارقه فأنتي أصيله لم تهزك تقلبات المجتع فبقيت كمان انتي ودائما تسعيين إلى الأفضل ..


وبالنهايه .. الأختلاف في الرآي لاا يفسد للود قضيته ..

[كــلام الــملوك لا يــعاد]

انا ما شفته ولا بشوفه

أحس يتمصخروا

ومشكور خيو ع الخبر

[بوحارب الفلاسي]

عفوآ وبصراحه وبدون زعل مسلسل اوراق الحب تقليد اعمى للمسلسلات التركيه والمكسيكيه ، مسلسل ابدا مايمت لعاداتنا وسنعنا بصله ولا يمت لديننا بصله

مطلعين شباب الامارات بصوره وقحه وكانه مب همهم غير المغازل والمرابع ورا البنات صقر وحمد وراشد كل واحد زاخ له وحده اونه ويربعون وراهن

والله نحن شباب الامارات لنا مشاغل ثانيه مثل المراكيض والقنص واهتمامات مثل اليوله ولا مايعرفون هالشي لو فيهم خير جان القوا نظره على هالاموور

ومظهرين بناتنا بصوره سيئه وحده تظهر ع كيفها والثانيه تشرد من بيتا وحواطه لين اخر الليل وفسق

صراحه ماحبيت المسلسل ومشاهدتي له بس للضحك وعسب اعرف شوه اخرته ولين وين يبون يوصلون

وبعدين اللهجه ابد مب متقنينها بعض الممثلين هذا غير اغنية الشاره اللي بعد مب متقن اللهجه الفنان اللي حاطينه

صراحه مووووووول ماحبيته وان شاهدته ترا للاسباب اللي ذكرتها في بداية رمستيه

والسموحه

[حلوة العرب]

حســـــبي الله ونعم الوكيــــل بكل شخص يحاااول يشوه سمعة بلادي بقصد او بدون قصد
وعله اتعل كل من يساعدهم على هالشي .. ويارب ما يتوفقون

والسموووحه ،،،