ممن تقبل النصيحة ؟

[ام محمد من راك]

ما اقبلها من اي حد

اتلاقيني اتم ساكته واسمع

بس اتقبلها من الشخص الي يقدرني ويعطيني النصيحة بليا فضيحة واييني بالاسلوب الي احبه

انا ادري عندي اخطاء وايد فحياتي

بس ماحب اسلوب التوبيخ والصراخ بحيث احس اني ياهل

اوكي لوموني بس لا تجرحوني لأني من النوع الي وااااااااااااااااااايد اعاند فالشخص الي يحاول يغيرني غصب بالتالي اعاند فنفسي

[ام الولد]

وعليكم السلام ورحمة الله وبركاته..

أقبل النصيحه من الفاهم العاقل
أقبل النصيحه من الصغير والكبير
أقبل النصيحه من الناس المقربه
والنصيحه مب فضيحه ومب جدام الكل
اذا ماأقتنعت منها ما أحرج صاحبها
لأن كثر الله خيره اجتهد في النصح
ويسلمووووو .. ع الموضوووووووووع

[ساحرة البشر]

أقبل النصيحه من أي أحد بس جدام الناس بتستوي فضيحه مب نصيحه لهذا أهم شي أختيار الوقت المناسب لنصيحه

[ام محمد من راك]

المتميزة حطت موضوعها واشتلت ..حتى ما شفنا رايها^____^

[الكلمات المتقاطعة]

أقبل النصيحة من الأهل والمقربين والأصدقاء وسبحان الله كنت في مكان عام والا شي وبدر مني شي خاطيء وتفضل أحدهم ونصحني ما فيها شي بعد سبحان الله الإنسان ما يخلو من الأخطاء "وذكر" ، ومب شرط يكون الناصح أصغر أو أكبر أنا عندي صديق أصغر عني ويوم يبادر بالنصيحة أتقبل ليش لاء وأحياناً أحس انه صادق فيها ليش لاااااء والواحد بعد يوم ينصح مايبالغ يتم ينتقد ويسوي عشان الطرف الآخر يقتنع بالنصيحة ، الإنسان نفسه خطاااء النصيحة زينة ما فيها شي وثق تمام الثقة ان الإنسان اللي جدامك وينصحك ما يبا منك أي شي غير مصلحتك أعرف انه يحبك ويقدرك و مهتم فيك أنا بالعكس يكبرون بعيني يبون لي الخير ينصحوني للأحسن أجازيهم بشي ما زين بالعكس أو أزااااعج عليهم أو شي لاااااااا النصيحة بكل الحالات زينة ..

[الاسطووره]

انا احب اكثر شي النصيحه من اميه وهيه اهم نصيحه واذا نصحتنيه خلاص اسمع نصيحتها لنها ادرا فينا وتبا مصلحتنا اكثر من غيرنا وجربت كم مره ما اسمع النصيحه ماتوفقت الصراحه

واحب النصيحه من الي اكبر عنيه
ومشكوره اختي ع الموضوع الله يحفظج

[الأميره الناعسه]

اتقبل النصيحه من كل حولي ولا اكثرت لصاحبها .. ولكن بشرط ان يكون شخص بموضع ثقه أي لا يفعل ذلك رئآء الناس كونه انسان صالح ..

حصر رسول الله صلى الله عليه وسلم كل الدين فيها فقال: "الدين النصيحة" ثلاثاً، لأنها بها قوامه و صلاحه؛ وعندما قيل له: لمن يا رسول الله؟ قال: "لله، ولكتابه، ولرسوله، ولأئمة المسلمين، وعامتهم."

فما أجمل ان تكون النصيحه لوجه الله خالصه دون رياء .. وما اجملها ان تكون من والديّ اللذين لم يكتفوا بيوم وإلى اسمعااني من أجمل النصائح .. واخي الغالي حين التمس خوفه بنصيحته.. وجدتي الغاليه بنبراتها الرطبه ..

أنا اعلم ان البعض يأخذ النصيحه بحسب فهمه ان الموجود امامه كثير ما يتفلسف ويردد نفس الكلام ولكن بمستوى مختلف .. ولكن لو فكر قليلاً لرأى هذا من حرصه عليه لأن مجتمعنا دائماً يتطور إلى الأسوأ إذا غابت النصيحه ربما فقد الشخص طريقه .. !
فالنصيحة يآ أخواني تشمل خصال الإسلام والإيمان والإحسان، ولذلك سمي الدين النصيحة..

شكرا لك اختي الكريمه ع الطرح الجميل ..

[رآقيه بأخلاقي]

بالنسبه لي اقبل النصيحه من الكل دامها بتكووون لي كلمه طيبه


ولكن ماقبل النصيحه اتكوون علن جدام الكل وتسبب لي الاحراج =(


وشكرا ع الموووضووع الطيب نترقب الزووود منج شيختي

[المتميزة]

ما اقبلها من اي حد

اتلاقيني اتم ساكته واسمع

بس اتقبلها من الشخص الي يقدرني ويعطيني النصيحة بليا فضيحة واييني بالاسلوب الي احبه

انا ادري عندي اخطاء وايد فحياتي

بس ماحب اسلوب التوبيخ والصراخ بحيث احس اني ياهل

اوكي لوموني بس لا تجرحوني لأني من النوع الي وااااااااااااااااااايد اعاند فالشخص الي يحاول يغيرني غصب بالتالي اعاند فنفسي

ما تحبي الإحراج !

و تحبي العنااد !

الله يكون في عونك


هههه

بس الحلو انك تسمعي النصيحة و تكتميها

[المتميزة]

وعليكم السلام ورحمة الله وبركاته..

أقبل النصيحه من الفاهم العاقل
أقبل النصيحه من الصغير والكبير
أقبل النصيحه من الناس المقربه
والنصيحه مب فضيحه ومب جدام الكل
اذا ماأقتنعت منها ما أحرج صاحبها
لأن كثر الله خيره اجتهد في النصح
ويسلمووووو .. ع الموضوووووووووع

ما شاء الله عليك

تقبلي من الصغير و الكبير

بس أكيد لازم يكون للناصح اسوب محترم

و حلو منك

إنك ما تحرجي الناصح

شاكرة لم مرورك