فتاة مواطنة تثير الرعب بسيارتها في شوارع دبي

[أسرار]

اولا : تصرف سيئ جدا و إذا ما كانت خيفانه على أجلها ترى أرواح الناس غالية
ثانيا : التهور و الطيش و الامسئولية سواءا من البنات او الأولاد يعتبر خطأ

و الله ساعات نركب ويا بنات حتى المطبة ما نحس فيها من الرزانة .. يعني في زمانا الفرق هو فرق العقل مو الجنس

[موزان]

زين تستاهل والله ,,
شوهت سمة بنات الإمارات بخبالها ،،

[زهرة البوادي]

اللـه يهديها

ويــن أهلها عنها مخلينها ع راحتها ؟؟

الحمدللـه أنها عدت ع خير

بدون إصابات

الصراحـة يبالها سجـن لمدة 10 أيام

عسب تراجـع نفسهـا

[البزي]

اللـه يهديها

ويــن أهلها عنها مخلينها ع راحتها ؟؟

الحمدللـه أنها عدت ع خير

بدون إصابات

الصراحـة يبالها سجـن لمدة 10 أيام

عسب تراجـع نفسهـا

لا حول ولا قوة الا بالله

انا ما اوافقج الراي يا أختي الكريمه

ممكن ينسحب ليسنها

وممكن نغرمها او نخليها تكتب تعهد

لكن ما توصل للسجن بارك الله فيج

لانه الحمدلله ما صار لا حادث ولا اصابات

ولا تنسين انه سجن البنت حتى لو توقيف

بيأثر عليها وايد وعلى سمعتها

خاصه في مجتمع مثل مجتمعنا

ممكن هذا الشي يدمرها نهائيا

الله عطانا عقل نفكر فيه ونقدر نتصرف بروي وحكمه

بالنصح والجزا على قدر الحاجه ليس التمادي

في العقاب وتظخيم الامور ولو على التهور

كل من تهور انسجن لكن نص شباب الامارات

وبناتهم في السجون وبعد ما بينردعون

[شمس الامارااات]

والله انا اشوف سواقه الحريم احسن عن سواقة الرياييل بالف مره
على الاقل الحرمه تحترم قوانين المروووور
بس هذي خسها الله طلعت عن القاعده وفظحتنا ><

[3NoONa]

[align=center]


شو هاذا والله فضحتنا ...
بنت وجي متهوره ...
اللي اعرفه انه الشباب يسووؤوون هالحركات هب البنات...
[/align]

[أم اليازية الكعبي]

الله يهديها

[%غمـــازة%]

ما شاء الله

شوماخــــــر المستقبلـــــــي



الله يهديهـــــــــــا .. ..

[النبراس]

خخخخخخخخ
خيبه شو فيها مخترشه شاربه شراب بوور يمكن
هيهاء شو قاموا يسوون البنات الحييين اياااااااااام والله

[amaane.ae]

مسكينه ماتدري ان اللواء الزفين وراها ولا جان ما سوت جي...


ياجماعة الخير ليش هالكلام...اسمحولي على اللي بقوله بس هي مب مسويه شي حرام لا سمح الله...انسانه طايشه صح عرضت نفسها والناس للخطر ما قلنا لا.. بس انتو ما تدرون شو الظرف اللي خلى هالبنت تسوي جي ..ويمكن قولو ما عندها ظرف ولا عندها عذر بذمتكم محد من اهلكم يسرع ويسوي هالحركات الطايشه بالشارع ...مو معقوله محد مو معقوله ما شفتو ناس يسوون جي ويجاوزون وما يهتمون بالقوانين ولا من وين يتكم المخالفات ... اللي قال ...حرام واللي قال اسجنوها واللي قال وين اهلها عنها والي قال وقال ...يا ناس ياعاالم والله ما يستوي هالكلام اللي يخالف يتحاسب بس مب انتو اللي تحاسبونه واذا تحاسبت هالبنت ترى وايدين وااااايدين فالشارع يبالهم يتحاسبون اذا جي محد بيتم فالشارع..وانا ما اعمم بس شوفو حواليكم.... هاي بنت وبالمقابل بتحصلو 20ولد يسوون جي
والله يستر على الجميع
والسموحه

((البنت غلطانه وانا وياكم...بس عاد تعليقات.. كل واحد يشوف عمره ويحاسب نفسه .. ماله داعي الكلام الجارح اللي قلتوه عن البنت تراها بنت ناس .. غلطت وبتتحاسب ..thats it))