العباءه يا رمساويات

[منصوري]

أنااشكرك اختي حوريه متدينه على الرد المتميز للموضوع
فبار ك الله فيج

اختي الفاضله ...

قد وضع الموضوع للنقاش وليس للتعبير عن مدى الاعجاب للردود الاخرى

فاتمنى منك التعبير عن رايك في الظاهره التي تمسكم انتم البنات ..

والسموحه .....

[حورية متدينة]

عفوً اختي((حورونور)) وانا تعجبني ردودج بعد

[غرور ميثانه]

ما أعتقد بنت البلاد تقدر اتسوي هاالأشياء لا وعلني جدام الناس ولا بعمري شفتها.....؟؟!! وكل وحدة تقول غير جي تسمحلي الجنسية ما تتشرف تشل اسمها........؟؟!!

وأغلب ها اللي عاقات الحيا هن اصلا مب مواطنات وجنسياتهن عارفينها ماله داعي أقول.............!!؟؟

وللأسف الناس تحكم ع الظاهر...............؟؟

[حور و نور]

[align=center]
اخوي منصوري انا عجبني رد اختي حوريه متدينه لان ردي اشتملت عليه بكلامها الطيب
وما عليه اخوي تبغي رايي في الموضوع والله انا اشوف البنات اكثريتهم في ها الزمان ما عندهم المعنى الصحيح أو الهدف من لبس العباءه مجرد عادات وتقاليد تلزمهم بها . وانا اعرف ان الاكثريه بتعترض على كلامي من البنات بس أرجو الانتباه انا اقول البعض .
وانا ملاحظه ها الشيء من خلال عملي في مجال التربيه والتعليم ((المدرسه )) اشوف البنات في أخر الدوام العبايه مفتوحه والشيله على الكتف واكلمها ليش يا ماما حطي الشيله على راسج ترى الباب مفتوح والريايل موجودين أولياء أمور وغيرهم ؟؟؟
يعني أخوي اللي شفته مو بس الغير مواطنات يسونه بعد المواطنات يسونه
يعني لبس العباءه للحشمه والستر في زمنا ضاع يا اخوي وصار لبس العباءه من العادات والتقاليد واي عباءه المرصصه واللي على شكل فراشه وغيرها الله المستعان شوف امهاتنا كيف يسترون عمرهم وشوف بناتنا كيف يتعاملون مع العبايه .

ملاحظه هامه : بنات المدرسه المقصودين هنيه مو بنات مدارس الرمس ولا راس الخيمه .
[/align]

[Bo 3@bdallah]

فقط اكتفيت بقراءة الردود .. (يعني لا ازيد ولا انقص على كلامهم)
يعطيك العافيه على حرصك لمجتمعنـــا ولكن..... !؟

ملاحظه هامه : بنات المدرسه المقصودين هنيه مو بنات مدارس الرمس ولا راس الخيمه .

زين انج وضعتي هالملاحظه .. ولا بتتعرضين للقذف والصواريـــخ ..

[عاشقة القمم]

صج كلامج أختي ( حور ونور )
كنت أشوف العجب بالمدرسهـ >> خاصه وحدهـ الله يستر عليها يوم أقولها أرفعي الشيله تقولي عادي كيفي ، والمشكله أني أقولها بخبر أبوج تقولي عادي ، وأبوها والله لو درى بيجتلها ..




ما نقول غير الله يهدي اليميع

[المحترم]

صح كلامج الغالية استوت مهذله من وراء العبايات....الله يعينا بس على بنات اليوم ودلعهم......والحافظ الله سبحانه.؟....

[بلادي]

شي لايرضي مب بس الرمس الإمارات كلها

الله يهديهم

ويا غريب كن أديب

[alrams]

اعتقد شفت بنات عند الساحل لكن صديت وما قعدت اركز

اذا هذا حالنا هالايام نغمض عينا ونمشي احسن .. بس حاولوا لو شفتوا هالاشياء

ما تركزوا وتطاعوا البنات يمكن ما كانوا منتبهات انه فيه حد يطاعهن لانه اعتقد

البنت مهما سوت بتفكر في اهلها وبسمعتها >>> الا لو محد يسأل عنهن

[قلب رمساوية]

[align=center]


اول شي حبيت اشكرك اخوي ع الموضوع

لان صدق صدق قاموا وايد يستهينون بهالشي


ليش يلبسون العباة انا ما ادري ؟

و الشيلة مظهره كل الشعر ما ادري شكل لابسينها و لا عسب يكملون طقم العباة


البنات هالأيام الله يهديهم قاموا وايد يبالغون بهالسالفة

يعني نحن البنات يوم نشوفهم ننصدم ما ينلامون الشباب والله

بس صدق الأهل هم السبب الأساسي

والله لو البنية طالعه من بيت اهلها حاشمه عمرها محد بيتجرأ يقول لها شي و لا حتى يشوفها



------


و بالنسبة لهاللي من الجنسيات الثانية اللي يلبسون العبي انا وياك بهالسالفة

و ياريت لو يت ع جي بس

المشكلة العباة اللي يلبسونها ما تبين اصلا انا عباة



الله يهدي الجميع ان شاء الله
[/align]