11.500درهم قيمة مخالفات سائق خلال شهر واحد في أبوظبي !! (صورة حصرية)

[شرباك]

ماشاء الله بيزات ما يدري وين يحطيها
قال ليش ما اسرع ما فيها شي هذا امر عااااادي

[بو مريم]

لو انا مثله بسير وبعطيهم السياره


وبرجع

[غرور ميثانه]

ليييييييييييش الله يهديه بس...
قوله هاي البيزات بدل لا تروح للمخالفات اشتر بها شي ينفعك حايه محتاينها والله حراام
الله يهديه ويهدي شبابنا ويحفظهم...

[الراي العام]

الله يزيد ويبارك

هههههههههه

[omkhalid]

ما ادري عاد شو بيستفيد !!

الله يهدي اليميع ان شالله ..

[الأغين]

الله يكون بعونه

الكل يقول ليش يسرع

السرعات المحددة مرات مش منطقية بالذات في بوظبي

مثلا شارع الكرنيش بالرغم من انه الشارع سريع (المفروض) الرادار يمسك على 60 >> في الرمس امشي اكثر من 60!!!!

في مدخل بوظبي عند التحويلات يمسك على 80 ما ادري 90 !! >> أمرهم غريب

اغلب المخالفات تصير في الفترة الصباحية الزحمة مش طبيعية والناس تبي تروح الدوامات

اغلاق شارع السلام مسوي مشكلة داخل بوظبي والاوضاع مش مريحة

مع ذلك تشوف الرادارات في كل مكان وتمسك على سرعة بطيئة
و من كثر التوتر اللي يسببه ضغط الزحمة الواحد يعدي الاشارة الحمراء وهو مب حاس بنفسه..

بعدين الأخ معدي زيادة 10 km/h ويدفع 400 درهم ؟؟ والبقية ارقام شبه خيالية !!

(كيف تقدر تلوم شخص يمشي في شارع الكرنيش وممكن حتى يكون فاضي على سرعه 70 ويدفع مخالفة 400 )!!

الكل يقول ليش مخالف 19 مخالفة لكن بعد اللي عايش في بوظبي ما يلومه

لانه يعرف انه موضوع المخالفات اصبح تجارة اكثر من كونه حفظ للسير ووقاية من الحوادث !!!

رسوم المخالفات مبالغ فيها وزادت مثلها مثل بقية الأسعار

الله يكون بعونه

نصيحة: دور لك على واسط تشيل نص المخالفات عالاقل ترا الزلمات مب احسن منك يالمواطن

[ذكيه بس أستهبل]

الصراحه أخوي راشد غلطت يوم حطيت هالموضوع .. كلو الريال بكشوره خخخخخخخ الصراحه الله يحفظه وقوله عن السرعه وهالله هالله .. بس أفضل لويسوق سيكل يمكن تكون المخالفات شوي اقل .. ما اتخيل شكله ع جسر المقطع خخخخخخخخخ وهو فالسيكل .. والسموحه وتشكراااات ع الموضوع

[L A W Y E R]

هههـه ،،

ياللـــــــــــــــــــــــه !!!

اللـه يكــون في عوونـــه و اللــه ،،!!!!!

و مـآ بلومـه ،، لآنـه أكيد مب أول وآآحد خخ ،،

اللـه كريـم بس ،،

[>>جنرال راك<<]

بس 11.500 عيل لو اراويكم مخالفات موتري بتيودو شعر راسكم

[رمساوي4]

أنا أقول في التأني السلامه...
وفي العجلة الندامه...