بالفيديو: الشيخ السني أحمد الكبيسي: زواج المتعة حرام لكنه ليس زنا.. فتمتعوا ولا تزنوا ,,,,,,{صوره}

[الأميرة الحسناء]

والله الصراحه عشنا في دوامه من هالامر ما ندري هل صحيح ولا لا يا شيخنا احمد الكبيسي ..
بس المشكله اذا حصل حمل شو ساعتها بيكون مصير الولد
والا في اجرائات ثانيه يتخذونها عشان الحمل ولا ولا تسائلات وايد واذا مايبون يطلقون وكيف
والله الصراحه ماندري هل صح كلامه
يا جماعة ا نريد ادله على هذا الشيء وليش مافتوا به بعض المشايخ الثانيه وحللوه غير ه ..

هذا الامر يبي يتدخل فيه مشايخ ثانيه ...
وماندري هل مشايخنا فالامارات يشوفونه جائز شرعاً ...

والله تعالى اعلم ..

[بوعبدالله505]

ماطاح الا انبطح

[رفال]

استغفرالله العظيم واتوب اليه .. ياربي لاتغضب علينآ ..


الحلال بين والحرام بين ... لاحول ولاقوة الا بالله .. لاتصدقون اي شي الا بدليل من القران او السنه ..

[أبو عبادي]

زواج المتعة كان حلال في صدر الاسلام
ثم حرم بعد ذلك
الشيخ الكبيسي قال أنه زواج المتعة من الشبهات والمسلم يبتعد عن الشبهات ليستبرأ لدينه ولكن في هذا العصر كثير من المسلمين وقعوا في الشبهات وهو زواج المتعة مثلا ولكن يوشك أن يقعوا في دائرة الحرام وهو الزنا هناك فرق بين حرام يلزمه حد مثل الزنا له حد وحرام ليس له حد يغفر بالتوبة (أن الحسنات يذهبن السيئات )

[f6f6]

ـلآ يــآآ شيــ'خ ,..
نكبــ'ر ويطيــ'ر ـالعقـل مثــلآ ,..

ـاستغفـــر ــالله ,..

[غلا غياهيب]

الله المستعان

[snake.ae]

السلام عليكم

التسجيل من 2010

الجماعه اللي عندهم مشكله مع المسيار يسال السستاني ليش حلله

62...094398&31&60&2



السؤال:هل الزواج المعروف بالمسيار الذي يجيزه العامة جائز حسب مذهب اهل البيت - عليهم السلام - ؟
الفتوى:إذا كان المراد عقد النكاح مع اسقاط حق النفقة والقسم فلامانع منه , وإذا كان هناك شروط اخرى فيه فلابد من ذكرها لننظر فيه .

[شذى العطور]

لا حول ولا قوة الا بالله
استغفر الله العظيم

[حرم علي]

الله المستعان مادري من وين طلعت لنا هالزواجات يخربط على كيفة
انا هالشيخ اتقزز منه ,, خصوصا بعد ما اتلفظ بالفاظ وصخة في قناة ال mbc .. اللي شاهد المقطع بيعرف شو اقصد ... قليل الأدب عديم الحياء

[بيبي]

الصراحه استنكرت رايه واايد . . انصدمت !! تقززت بعد . .
ترى هو يقول انه حرام ويرد عقب يقول لو تم تخييركم بين الزنا وزواج المتعه عادي اختاروا زواج المتعه ؟!
كيف يعني بـ الضبط يا الشيخ . . الإنسان ما بينجبر على شي مثل هذا . . .
ليش يعني يا زواج المتعه يا الزنا ؟ !
ما المفروض يقول جي ويخرب عقول الناس . .

في شي اسمه زواج طبيعي علني وما يتم فيه انتهاك حقوق المرأه !!
انا اسمّي زواج المتعه هذا ظلم للمرأه وفيه انتهاك لحقوقها وايد . . .
ونوع من الاستغلال بعد . .

صراحه تقززت . .
فعلاً ما توقعت يطلع هـ الكلام من شيخ . .

شو الزواج برايكم يا جماعه ؟ !
الزواج معناه الاستقرار والود والسكينه والستر . . ؟ !!
ولا المتعه وبس ويلا مع السلامه . .


ماجوف في هدف من هالزواجات . .
مسييار ومتعه ومدري شو وكل يوم شي يديد . .
ع زمن الرسول عليه الصلاة والسلام وفي كل الأزمنة قبله وبعده . .
ما جفنا شي جي . .

الزواج زواج وماله مسميات وتغييرات . .
بس الناس هـ الأيام قامت تصنع وترتب اعذار لنفسها بأسم الدين
حتى تسوي اللي تباه . . !!!

هذي الحقيقه للأسف كونوا واقعيين . .


يقول تبارك وتعالى (وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ) [الروم: 21].

الزواج مب يعني الحب الستر الاستقرار الذريّة ؟
مافي شي من هذا في زواج المتعة . .


صدق خافوا ربكم يوم حللتوه . .
والله حرام عليكم . .

بتقولون غلاء المهور وغيره من الأعذار صح ؟ !
جواباً ع سؤالكم . . والله الزواج من اجنبيه ع الأقل حلال . .
وفي بنات ولو كانوا قلال يرضون بالقليل . .

حلال عليكم يا جماعه . .
ع سنة الله ورسوله . .


بس صدق خافوا ربكم . .
خافوا ربكم !!