175 الف مواطنة فاتهن سن الزواج بالدولة..

[رفيق الاحزان 1]

المشكله في البنت نفسها ترفض ترفض ومايعيبها اي شئ والشباب يحليلهم خاطرهم بالاستقراروتكوين عائله ولكن البنت في هالزمن ماعطينها الخيط والمخيط والله المستعلن[align=center][/align]

[**عيون المها**]

اسباب وااااااايد من الطرفين (البنت-الولد)

[خيماويه 1]

[align=center]الحالم

أتمنى رمستك هاي أتشوفها حرمتك لو كنت متزوج ^^[/align]

المهم

عنوسه وعنوسه

حجة الشباب من العصر قبل الحجري (((يطلبن مهر وايد)))

وقبل سالفة المهر في شي صراحة أشمئز منه بشكل فضيع بخصوص الشباب والبنت لي بخاطرهم
لانه انه وايد مر عليه هالموضوع سوا لي ولا لربيعاتي او البنات عموما

اتيج امه او اخته او يوصلج خبر والله هو يبيها حلوه طويله جمال خارق بيضا هذي البدايه طبعا ومابكمل الأمور الثانيه لأنه فعلا شروط او طلبات قذره جدا الظاهر يبيها لشهواته لا أكثر

عمري ما مر عليه شرط شرات ابيها ملتزمه او اتصلي او خايفه ربها

الحين اغلبيتهم بيقولون هاي اكيد كل عيب فيها ^^ بس بقولكم شي للأسف الشي لي خلاني ارفض كل عروض الزواج هي السبب لي ذكرته فوق رفضتهم محد منهم ذكرلي الشروط الربانيه لي كنت اتمنى اسمعها من واحد فيهم










وبخصوص سالفة المهر


oh my god <------ عذر أقبح من ذنب

أولا ماتم حد يطلب الحين مهر يكسر الظهر ولا هالخرابيط الا فئه قليله جدا (وهاذن الله ايكملهن بعقلهن الناقص سوا منهن أو أهلهن)

ثانيا ليش الشباب ايسمون المهر كسر ظهر ومايسمون سياييرهم الرنج واللكزز والنيسان والستيشن كسر ظهر؟؟

مستعدين تدفعون 300,000 درهم بس على سياره
وهال300,000 اتعرسك عرس كامل من المهر للزهبه للصاله للكوشه للبوفيه لعدد
المعازيم وغيره

ثالثا مثل ماذكروا قبلي توجهم للزواج مش من الاجانب لي هم الاوروبييات او هالنوعيه للي مافهم القصد من الاجانب يعني من ( المـ....) بالتحديد

رابعا مشكلتكم أول ماتشتغلون بعدكم ماكملتوا كم شهر وضرب سلفيات لخرابيطكم ولعبتكم وسياييركم والله العالم شو بعد
يعني نهائيا ماشي تخطيط للمستقبل بالمره وهذا هو الفرق بينكم وبين الاجانب للأسف الشديد هم ايحاسبون ع الربع قبل النص وانتوا اتفرون الألف قبل الأميه

فـ بليز يعني اذا ماعليكم كلافه ودروا أسطوانتكم ( المهر) ^^

ترا هالعلثه أستوت وايد بايته
^^ كح كح يعني

[خيماويه 1]

[align=center]رفيق الاحزان 1

ضحكتني وايد ههههههههههههه حليلكم والله انتوا لي تبون الاستقرار وعليه عليكم

ونحن لي عاطينا الخيط والمخيط[/align]

[رفيق الاحزان 1]

السبب الرئيسى
الاب والام
بنتا بتدرس
البنت بتشتغل
البنت بتسوق سياره
البنت تبغي حفله بصاله وعرس بفندق وسفر فرنسا وماليزيا وووو.............
والديون فوق الشباب
وتقولون عنوسه
اين الاقتاء بسنه الرسول محمد صلى الله عليه وسلم

[حرم علي]

هن بطرانات , نبا ونبا , و يوم يعنسن يتشكن !!
ارضن بالقليل , واتوكلن على الله
يعني لازم كوشة , وفستان , وطقطقة , وسفر ؟!!
كم بيوّبل الشاب وهو يدفع ؟؟؟ واديون البنك تركض وراه
مهر 30 , وعرس بسيط , وصلي الله وبارك

[اماراتي وافتخر 40]

حرم علي مب كل الناس تتشرط

والناس الحين تتفهم

وااااااااااايد شباب بروحهم يوم ايون يودون المهر اذا بيعطون 100 قال لا اعطوا 150

اهل البنت ما يكونون طالبين شي موووووووووووووول

ويوم يشتري حزام حق الجنز ب3000 درهم لانه ماركه ما قال هالفلوس بتسير حق عرس

وبيركض يحطي بنتلي بتتناول المليون وهو وظيفته هنه عاديه ما قال بتعرسني هالفلوس وبتعرس اخوي بعد

هالنوعيات شفتها جدامي...وايد بنات الله عطاهن العقل...والدنيا بعد تراها غاليه..وكله وين بيسير مب لحرمته وام عياله

[الفجر الصادق]

اول شي الله يوفق كل من لم يستطع للزواج ويعينه على العفة ( ذكر او انثى )

ثانيا الجلوس مع العزاب ممن يتمنون الزواج فعلا يحزن الانسان يجلس يعدد لك أمور مادية توصل الى 300 الف مبدئيا ويكمل الى نصف المليون او المليون

نصيحتي لكل شاب انه يرتب اموره من الحين ويحسبها صح

يعني مومعقوله الواحد يفكر بنفس الوقت وبنفس السنة انه يشتري سيارة ب300 الف ويتزوج ويبني بيت وتكون حياته بعد الزواج اوكي

وهو لا عنده تجارة ولا مجمع فلوس
ونداء الى المؤسسات الحكومية المختصة بهذا الشأن اول شي سهلوا للشباب الزواج من الاولى لأن في مقابل العدد 175 الف عدد كبير من الشباب الغير متزوجين

[برووكه]

انا عانس بس مرتاااحه
اشتغل واصرف على نفسي ^^

الحمدلله على كل حاال

[الكتووومة]

الزواج قسمة ونصيب وكل واحد نصيبه بالدنيا بياخذه لا زايد منه شىء ولا ناقص

ترى مقابل نسبه الي مب مزوجات في نسبه مرتفعه للشاب الي ما عرسوا اصلا وهالشىء ملاحظ